Skip to content

Skip to secondary menu

Skip to table of contents

Molimau a Ieova

Faa-Samoa

E te Ola e Faavavau pe a E Faalogo i le Atua

 VAEGA 1

E Faapefea Ona Tatou Faalogo i le Atua?

E Faapefea Ona Tatou Faalogo i le Atua?

O loo fetalai mai le Atua iā i tatou e ala i le Tusi Paia. 2 Timoteo 3:16

Na faatonu e le Atua moni ni tane ina ia tusia ona manatu i se tusi faapitoa. O lenā tusi, o le Tusi Paia. O faamatalaga uma o loo iai e tāua, ma e finagalo o ia e tatou te iloa.

E silafia e le Atua le mea e aupito sili ona lelei mo i tatou, auā o ia o le Puna o le atamai uma. O le a e atamai pe a e faalogo ma usitaʻi iā te ia.Faataoto 1:5.

E finagalo le Atua ia faitau e tagata uma o le lalolagi le Tusi Paia, ma ua maua nei i le tele o gagana.

Afai e te fia faalogo i le Atua, e tatau ona e faitau ma malamalama i le Tusi Paia.

 O loo aʻoaʻoina tagata o atunuu uma e uiga i le Atua. Mataio 28:19

E mafai ona fesoasoani atu Molimau a Ieova iā te oe, ia malamalama i le Tusi Paia.

Ua latou aʻoaʻo atu le upu moni e uiga i le Atua i le lalolagi aoao.

E maua fua lenei aʻoaʻoga. E mafai foʻi ona aʻoaʻoina oe e uiga i le Atua, i sauniga a Molimau a Ieova i lou vaipanoa.