Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Tala 115: Parataiso Fou i le Lalolagi

Tala 115: Parataiso Fou i le Lalolagi

VAAI atu i na laau uumi, ma fugālaau mananaia ma mauga maualuluga. Pe e lē matagofie ea? Vaai pe o faapefea ona ai le ‘aila mai le lima o le tamaitiiti. Ma vaai atu i leona ma solofanua na e tutū mai i le mea o loo ola ai mutia. Pe e te lē fia ola i se fale i se nofoaga faapenei?

E finagalo le Atua e te ola e faavavau i se lalolagi parataiso. Ma e lē mana‘o o ia e te mauaina le tigā ma ma‘i o loo pagatia ai tagata i aso nei. O le folafolaga lenei a le Tusi Paia mo i latou o le a ola i le parataiso fou: ‘O le a faatasi pea le Atua ma i latou. O le a lē toe iai se oti po o se tagi po o se tigā. Ua mavae atu mea tuai.’

O le a taga‘i iai Iesu o nei suiga matagofie o le a oo mai. Pe e te iloaina o a fea? Ioe, pe a mavae ona ia faamamāina le lalolagi mai i mea leaga uma lava ma tagata leaga. Manatua a o iai Iesu i le lalolagi na ia faamālōlōina le tele o ituaiga o ma‘i uma ma toe faatutū mai ē na oti. Na fai e Iesu nei mea e faaalia ai mea o le a ia faia pe a fai o ia ma Tupu i le malo o le Atua.

Se‘i mafaufau i le manaia o le a iai i le parataiso fou i le lalolagi! O Iesu faatasi ai ma ē na te filifilia, o le a pule mai le lagi. O nei pule o le a tausia uma tagata i le lalolagi, ma vaai iai ua fiafia i latou. Se‘i o tatou vaai po o le ā tatou te faia e faamautinoa ai o le a aumaia e le Atua le ola e faavavau iā i tatou i lana parataiso fou.

Faaaliga 21:3,4; 5:9,10; 14:1-3.

O se vaaiga o se parataiso


Fesili

  • O ā tulaga ua faailoa mai e le Tusi Paia o le a tatou olioli ai i le Parataiso i le lalolagi?
  • O le ā le folafolaga a le Tusi Paia mo i latou o le a ola i le Parataiso?
  • O ā fea o le a aumai ai e Iesu lenei suiga matagofie?
  • A o iai Iesu i le lalolagi, o le ā na ia faia e faaalia ai mea o le a ia faia pe a avea o ia ma Tupu o le Malo o le Atua?
  • O le ā o le a faamautinoaina e Iesu ma ē pule faatasi ma ia i le lagi, pe a latou pulea le lalolagi mai le lagi?

Fesili faaopoopo

  • Faitau le Faaaliga 5:9, 10.

    Aiseā e mafai ai ona tatou mautinoa o ē o le a puleaina le lalolagi i le Pulega o le Afe Tausaga o le a avea ma tupu ma ositaulaga e tigāalofa ma alofa mutimutivale? (Efe. 4:20-24; 1 Pete. 1:7; 3:8; 5:6-10)

  • Faitau le Faaaliga 14:1-3.

    O le ā ua faaalia i le mea moni e faapea ua tusia le suafa o le Tamā ma le Tama‘i Mamoe i muāulu o le 144,000? (1 Kori. 3:23; 2 Timo. 2:19; Faaa. 3:12)