Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Tala 95: Le Auala e A‘oa‘o Ai Iesu

Tala 95: Le Auala e A‘oa‘o Ai Iesu

NA FAI atu Iesu i se tamāloa e ao ona ia alofa i lona tuaoi. Ona fesili atu lea o le tamāloa: ‘O ai lo‘u tuaoi?’ Ua iloa e Iesu ona mafaufauga. Ua mafaufau o ia na o tagata o lona ituaiga ma lana lotu o ona tuaoi. O lea se‘i o tatou vaai po o a le tala a Iesu na fai atu iā te ia.

O isi taimi e a‘oa‘o ai Iesu i lona faia o se tala. O le mea lenā ua ia faia nei. Ua ia faia se tala e uiga i le Iutaia ma le Samaria. Ua tatou a‘oa‘oina o le to‘atele o Iutaia e lē fiafia i Samaria. O le tala lenei a Iesu:

I le tasi aso na alu ifo ai le Iutaia mai le mauga aga‘i i Ieriko. Ae na laga atu le ‘au gaoi ma fao ana tupe ma fasi iā te ia, ua tāli oti.

Mulimuli ane, ona ui ane lea o se faitaulaga Iutaia i le auala. Na ia vaaia lenei tamāloa na fasia. Po o le ā na ia faia? Na ia ui ane i le isi itu o le auala ma faaauau lana malaga. Ona sau lea o le isi tagata lotu. O ia o le sā Levi. Pe na tū? E le‘i tū fo‘i o ia e fesoasoani i le tamāloa na fasia. E mafai ona e iloa atu le faitaulaga ma le sā Levi o loo mamao atu i luma i le auala.

Ae vaai, o ai lenā e fesoasoani i le tamāloa ua fasia. O ia o se Samaria. O loo fesoasoani ia i le Iutaia. O loo tuuina atu vailaau i ona manu‘a. Mulimuli ane, ua ia aveina le Iutaia i se nofoaga e mālōlō ai se‘ia malosi.

Le tagata Samaria agalelei

Ina ua uma lana tala, ona fesili lea o Iesu i le tamāloa lea na fesili atu iā te ia: ‘O fea o nei tagata e to‘atolu e te manatu o se tuaoi i le tamāloa na fasia. Po o le faitaulaga, le sā Levi, po o le Samaria?’

Ona tali atu lea o le tamāloa: ‘O le tamāloa Samaria. Na agalelei o ia i le tamāloa na fasia.’

Na fai atu Iesu: ‘Ua sa‘o lelei oe. Ia e alu loa ma fai i isi e pei ona sa ia faia.’

Pe e te lē mana‘o i le auala na a‘oa‘o ai Iesu? E mafai ona tatou a‘oa‘oina ni mea tāua se tele pe afai tatou te faalogo i mea o ta‘ua e Iesu i le Tusi Paia, a ea?

Luka 10:25-37.



Fesili

  • O le ā le fesili na fai atu e se tamāloa i a Iesu, ma aiseā?
  • O le ā e faia e Iesu i nisi taimi a o a‘oa‘o atu, ma o le ā ua uma ona tatou a‘oa‘oina e faatatau i tagata Iutaia ma Samaria?
  • I le tala a Iesu, o le ā na tupu i se tagata Iutaia a o alu ifo i le auala i Ieriko?
  • O le ā na tupu ina ua ui ane se faitaulaga Iutaia ma se sā Levi i le auala?
  • E pei ona vaaia i le ata, o ai o loo fesoasoani i le tagata Iutaia ua faamanu‘alia?
  • Ina ua uma le tala a Iesu, o le ā lana fesili ma o le ā le tali a le tamāloa?

Fesili faaopoopo

  • Faitau le Luka 10:25-37.

    Na i lo le avatu sa‘o iai o le tali, na faapefea ona fesoasoani Iesu i se tamāloa e poto i le Tulafono, ina ia mafaufau i le mataupu? (Luka 10:26; Mata. 16:13-16)

    Na faapefea ona faaaogā e Iesu talafaatusa e fo‘ia ai le faailoga tagata o lana ‘aufaalogologo? (Luka 10:36, 37; 18:9-14; Tito 1:9)

Faitau Atili

Ua Avea se Tagata Samaria ma Tuaoi Moni

Ua faapefea ona faaaogā e Iesu le talafaatusa e faatatau i le “Samaria agalelei,” e aʻoaʻo atu ai se lesona tāua?

Ua Toe Fo‘i Mai le Atalii sa Leiloa

O ā lesona e mafai ona tatou a‘oa‘oina mai i le talafaatusa a Iesu e faatatau i le atalii faamaumau‘oa?