Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Vaega 4: O le Tupu Muamua o Isaraelu Se‘ia oo i le Tafeaga i Papelonia

Vaega 4: O le Tupu Muamua o Isaraelu Se‘ia oo i le Tafeaga i Papelonia

Na avea Saulo ma tupu muamua i Isaraelu. Ae na teena o ia e Ieova, ma sa filifilia Tavita e fai ma tupu e sui ai. E tele ni mea ua tatou mauaina e uiga iā Tavita. A o talavou o ia, sa tau ma le tagata tinoese ma le lapo‘a o Koliata. Mulimuli ane sa sola ese o ia mai i le Tupu lotoleaga o Saulo. Ona taofia lea o ia e le fafine lalelei o Apikaila mai i lona faia o se mea leaga.

Ona sosoo ai lea, tatou te a‘oa‘oina ni mea se tele e uiga i le atalii o Tavita o Solomona, o le na avea le nofoaga o Tavita o se tupu i Isaraelu. O tupu muamua e to‘atolu o Isaraelu sa pule i latou tausaga e tai 40. Ina ua mavae le oti o Solomona, ona vaeluaina lea o Isaraelu i ni malo se lua, o se malo i mātū ma lea i saute.

O ituaiga e 10 o le malo i mātū, e 257 tausaga na i ai a o le‘i faaumatiaina e Asuria. Ma i le 133 tausaga mulimuli ane ai, sa faaumatia ai fo‘i le ituaiga e lua o le malo i saute. I lea taimi na ave faatagata o taua ai Isaraelu i Papelonia. O lea la, o le Vaega lona FA o loo aofia ai tausaga e 510 o le tala faasolopito, o le vaitaimi lea na tutupu ai ni mea uiga ese i luma o lo tatou vaaiga.

O loo tatalo le Tupu o Solomona