Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Tala 42: Tautala se Asini

Tala 42: Tautala se Asini

PE NA e faalogo i se asini e tautala? ‘Leai,’ atonu o lau tali lenā. ‘E lē mafai ona tautala meaola.’ Peita‘i ua ta‘u mai e le Tusi Paia se asini na tautala. Se‘i vaai pe na faapefea ona tupu.

O se agelu

Ua toe itiiti lava sauni Isaraelu e ō atu i totonu o le laueleele o Kanana. Ua fefe Palako, le tupu o Moapi iā Isaraelu. O lea sa ia aami ai le tagata poto e igoa iā Palaamo e sau e fetuu iā Isaraelu. Na tautō Palako na te avea ni tupe se tele iā Palaamo, o lea na ti‘eti‘e loa Palaamo i lana asini ma alu atu iā Palako.

Sa le‘i mana‘o Ieova e fetuu Palaamo i ona tagata. O lea na ia auina atu ai le agelu ma le pelu umī e tū i le ala e taofi iā Palaamo. E lē mafai e Palaamo ona iloaina le agelu, ae sa iloa e lana asini. Sa taumafai le asini e ‘alo ese mai le agelu, ma na oo ai ina taoto i lalo i le auala. Ua ita tele Palaamo, ma sa ia sasaina loa lana asini i le laau.

Ona faatautala ai lea e Ieova le asini a o faalogo Palaamo. ‘O le ā la‘u mea ua fai iā te oe ua e sasaina ai a‘u?’ o le fesili lea a le asini.

O loo tietie Palaamo i lana asini

‘Ua e faia se mea e foliga ai a‘u o se vale,’ o le tala lea a Palaamo. ‘Ana iai sa‘u pelu ua ou fasimateina oe!’

‘Pe sa ou faia faapea muamua iā te oe?’ sa fesili ai le asini.

‘Leai,’ o le tali atu lea a Palaamo.

Ona faavaaia ai lea e Ieova o Palaamo i le agelu o loo tū i le auala ma le pelu. Ona faapea mai ai lea o le agelu: ‘Aiseā ua e sasaina ai lau asini? Ua ou sau e taofi lou ala, auā e le tatau ona e alu e fetuu iā Isaraelu. Ana le faliu ese lau asini mai iā te a‘u, semanū ua ou tāina oe ia e oti, ae ou te le faamanu‘aina lau asini.’

Sa fai atu Palaamo: ‘Ua ou agasala. Ou te le‘i iloaina o loo e tū mai i le ala.’ Sa tuu atu e le agelu Palaamo e alu e vaai Palako. Ua taumafai pea ia e fetuu iā Isaraelu, ae peita‘i, na faia e Ieova ina ia faamanuia atu e ia Isaraelu faatolu.

Numera 21:21-35; 22:1-40; 23:1-30; 24:1-25.



Fesili

  • O ai Palako, ma aiseā sa ia aami ai Palaamo?
  • Aiseā sa taoto ai le asini a Palaamo i lalo i le auala?
  • O le ā ua faalogoina e Palaamo o fai atu ai le asini?
  • O le ā na fai atu ai se agelu iā Palaamo?
  • O le ā na tupu ina ua taumafai Palaamo e fetuu Isaraelu?

Fesili faaopoopo

  • Faitau le Numera 21:21-35.

    Aiseā na faato‘ilalo ai e Isaraelu ia Sekono le tupu o sa Amorī ma Oko le tupu o Vasana? (Nu. 21:21, 23, 33, 34)

  • Faitau le Numera 22:1-40.

    O le ā le pogai na taumafai ai Palaamo e fetuu Isaraelu, ma o ā ni lesona tatou te a‘oa‘oina mai ai? (Nu. 22:16, 17; Faata. 6:16, 18; 2 Pete. 2:15; Iuta 11)

  • Faitau le Numera 23:1-30.

    E ui lava na tautala Palaamo e peisea‘ī e tapua‘i iā Ieova, ae faapefea ona tuufaafeagai lenā mea ma ana gaoioiga? (Nu. 23:3, 11-14; 1 Samu. 15:22)

  • Faitau le Numera 24:1-25.

    E faapefea ona faamalosia e lenei tala o le Tusi Paia lo tatou faatuatua i le faataunuuina o fuafuaga a Ieova? (Nu. 24:10; Isa. 54:17)