Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Tala 36: Tama‘i Povi Auro

Tala 36: Tama‘i Povi Auro

OI, AUE! O le ā ua faia nei e tagata? Ua latou tatalo nei i se tama‘i povi! Aiseā?

Ina ua umi ona alu Mose, sa faapea ifo loa tagata: ‘Ua lē iloa po o le ā le mea ua tupu iā Mose. Se‘i fai so tatou atua na te ta‘ita‘iina ese i tatou mai lenei laueleele.’

Ua togi i lalo e Mose papa maa e lua

‘Ua lelei. Aveese o outou tautaliga auro ma aumai iā te au.’ O le tala lea a Arona le uso o Mose. Sa ia faamataaina loa ma fai ai le povi auro. Ona faapea mai lea o tagata: ‘O lo tatou Atua lenei, sa ia ta‘ita‘iina mai i tatou mai Aikupito!’ Ona fai ai lea e Isaraelu se fiafia tele, ma tapua‘i atu iai.

Ona ita ai lea o Ieova, ma faapea atu iā Mose: ‘Faavave ma e alu ifo i lalo. Ua leaga tele mea o loo faia e tagata. Ua galo iā i latou a‘u tulafono ma ua latou ifo atu nei i le tama‘i povi auro.’

Ua tapua‘i atu tagata i le tama‘i povi auro

Ua faavave atu nei Mose i lalo o le mauga. Ma sa ia vaaia ai ua pepese ma sisiva tagata faataamilo i le tama‘i povi auro! Ua ita tele Mose ma sa ia togia loa i lalo papa maa e lua ua iai tulafono, ma sa nutililii i vaega e tele. Ona ia faamataaina lea o le tama‘i povi auro ma oloina e fai ma pauta.

Ua faia e tagata se mea leaga tele. Ona fai atu lea o Mose i isi tamāloloa: ‘O tagata leaga o e na tapua‘i i le tama‘i povi auro e tatau ona feoti.’ Ona fafasi lea e tamāloloa o tagata e 3,000! Pe e le faaalia ai i lenei mea le mana‘omia ona tatou faaeteete e tapua‘i tau o Ieova, ae lē o isi atua sesē?

Esoto 32:1-35.



Fesili

  • O le ā ua faia e tagata e pei ona vaaia i le ata, ma aiseā?
  • Aiseā ua ita ai Ieova, ma o le ā ua faia e Mose ina ua vaai atu i mea o loo faia e tagata?
  • O le ā na fai atu ai Mose i isi tamāloloa ia latou faia?
  • O le ā le lesona tatou te a‘oa‘oina mai lenei tala?

Fesili faaopoopo

  • Faitau le Esoto 32:1-35.

    E faapefea ona faaalia e lenei tala le silafaga a Ieova e faatatau i le palu faatasi o tapua‘iga sesē ma le tapua‘iga moni? (Eso. 32:4-6, 10; 1 Kori. 10:7, 11)

    O le ā e ao ona faaeteete iai Kerisiano i le filifilia o faafiafiaga e pei o le usuina o pese ma le siva? (Eso. 32:18, 19; Efe. 5:15, 16; 1 Ioa. 2:15-17)

    Ua faapefea ona saunia e le ‘au sa Levī se faaa‘oa‘oga lelei i le tausisia o le amiotonu? (Eso. 32:25-28; Sala. 18:25)