Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Tala 27: Pule le Tupu Leaga i Aikupito

Tala 27: Pule le Tupu Leaga i Aikupito

O TAMĀLOLOA nei o loo latou faamalosia tagata ia fai galuega. Sei vaai i le tamāloa lenā na te sasaina le isi tagata galue i le sasa! O le au faigaluega o tagata o le aiga o Iakopo, ma ua igoa o Isaraelu. Sa faamalosia i latou ia fai galuega e tagata Aikupito ma avea ma a latou pologa. Na faapefea ona tupu lenei mea?

O loo faapologaina e tagata Aikupito tagata Isaraelu

Mo le tele o tausaga sa ola fifilemu pea le aiga to‘atele o Iakopo i Aikupito. O Iosefa, o le tagata tāua e sosoo atu iā Farao sa na tausia lelei i latou. Ae mulimuli ane ua oti Iosefa. Ma o le Farao fou sa le fiafia i tagata Isaraelu ma ua avea nei o ia ma tupu i Aikupito.

O lenei Farao leaga ua na faia tagata Isaraelu ma pologa. Ma sa ia tofia ni tagata sauā ma le lē alolofa latou te vaaia i latou ma faamalosia ia galulue tigāina i le fausia o le aai mo Farao. Peita‘i sa faaauau pea ona tuputupu tagata Isaraelu. Ina ua mavae sina taimi sa fefefe tagata Aikupito ina ne‘i to‘atele ma malolosi tele tagata Isaraelu.

O loo faapologaina e tagata Aikupito tagata Isaraelu

Pe e te iloa le mea sa fai e Farao? Sa ia fai atu i fafine na fesoasoani i tinā Isaraelu ma faapea atu: ‘E tatau ona outou fasiotia uma pepe tama o le a fananau mai.’ Peita‘i o ni fafine lelei i latou ma e lē mafai ona latou fasiotia pepe.

Ona poloa‘i lea o Farao i tagata uma: ‘Ia outou fasiotia uma pepe tama a Isaraelu. Ae faaola na o pepe teine.’ Pe e lē o se faatonuga leaga ea lenā? Sei o tatou vaai pe na faapefea ona faasaoina le tasi o pepe tama.

Esoto 1:6-22.



Fesili

  • Vaai i le ata, o ai le tamāloa o loo uuina le sasa, ma o ai o loo ia sasaina?
  • Ina ua mavae le oti o Iosefa, o le ā na tupu i tagata Isaraelu?
  • Aiseā na fefefe ai tagata Aikupito i tagata Isaraelu?
  • O le ā le faatonuga a Farao na fai atu i fafine na fesoasoani i tinā Isaraelu?

Fesili faaopoopo

  • Faitau le Esoto 1:6-22.

    O le ā le auala na amata ai ona faataunuu e Ieova lana folafolaga i a Aperaamo? (Eso. 1:7; Kene. 12:2; Galu. 7:17)

    Na faapefea ona faaalia e faatosaga Eperu lo la faatāuaina o le paia o le ola? (Eso. 1:17; Kene. 9:6)

    Na faapefea ona tauia faatosaga ona o lo la faamaoni i a Ieova? (Eso. 1:20, 21; Faata. 19:17)

    Na faapefea ona taumafai Satani e seua le fuafuaga a Ieova e faatatau i le Fanau folafolaina a Atamu? (Eso. 1:22; Mata. 2:16)