Skip to content

Skip to secondary menu

Skip to table of contents

Molimau a Ieova

Faa-Samoa

La‘u Tusi o Tala o le Tusi Paia

Tala 18: Alu Iakopo i Karana

Tala 18: Alu Iakopo i Karana

PE E te iloa nei tamāloloa o loo talanoa i ai Iakopo? Ina ua mavae ni aso se tele ona fetaui ai lea o ia ma i latou i le vaieli. Sa fesili atu Iakopo: ‘O fea tou te ō mai ai?

Na latou tali mai, ‘I Karana.’

‘Pe tou te iloaina Lapana?’ O le fesili lea a Iakopo.

Sa latou tali mai, ‘Ioe. Vaai, lea ua sau lona afafine o Rasela ma lana lafu mamoe.’ Pe e mafai ona e iloa atu Rasela o loo sau, e fai si mamao atu?

Ua fetaui Iakopo ma Rasela

Ina ua vaai atu Iakopo i a Rasela ma ana mamoe, ona alu atu lea o ia ma fuli ese le maa mai le vaieli ina ia mafai ona feinu mamoe. Ona sogi atu lea o Iakopo iā Rasela ma ta‘u atu i ai po o ai ia. Sa te‘i tele Rasela ma alu atu loa e ta‘u i lona tamā o Lapana.

Sa fiafia tele Lapana e nonofo ma Iakopo. Ma ina ua fai atu Iakopo e fia faaipoipo iā Rasela, sa fiafia tele Lapana. E ui i lea, sa ia fai atu i a Iakopo e galue muamua i lona fanua mo tausaga e fitu. Talu ai sa alofa tele o ia iā Rasela sa fai loa e Iakopo lenā mea. Ae ina ua oo i le taimi o le faaipoipoga, pe e te iloa le mea sa tupu?

Sa avatu e Lapana lona afafine matua o Lea ma Iakopo ae e lē o Rasela. Ina ua malie Iakopo e toe galue mo Lapana mo le isi fitu tausaga, sa avatu loa e Lapana ia Rasela. Na faataga e le Atua le tele o avā i na ona po. Ae ua faaalia mai i le Tusi Paia i aso nei e na o le tasi lava le avā mo tane ta‘itasi.

Kenese 29:1-30.



Fesili

  • O ai le tama‘ita‘i o loo i le ata, ma o le ā na faia e Iakopo mo ia?
  • O le ā na lotomalie Iakopo e fai ina ia faaipoipo ai iā Rasela?
  • O le ā na faia e Lapana ina ua oo i le taimi e faaipoipo ai Iakopo iā Rasela?
  • O le ā na malie Iakopo e fai ina ia fai Rasela ma ana avā?

Fesili faaopoopo

  • Faitau le Kenese 29:1-30.

    Ina ua faia e Lapana le togafiti iā te ia, na faapefea ona faaalia e Iakopo ona uiga tauagafau, ma o le ā tatou te a‘oa‘oina mai ai? (Kene. 25:27; 29:26-28; Mata. 5:37)

    Ua faapefea ona faaalia e le faaa‘oa‘oga a Iakopo le eseesega o le alofa moni ma le alofa faavalea? (Kene. 29:18, 20, 30; Pese 8:6)

    O ai fafine e toafa na nonofo ma Iakopo ma mulimuli ane maua a latou fanau mai iā te ia? (Kene. 29:23, 24, 28, 29)