Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Tala 11: O le Ulua‘i Nuanua

Tala 11: O le Ulua‘i Nuanua

PE E te iloa le mea muamua na faia e Noa ma lona aiga ina ua latou o mai i fafo mai le vaa? Sa ia faia se taulaga po o se mea alofa mo le Atua. E pei o le ata o i lalo. Sa tuuina atu e Noa lana meaalofa i le Atua e faafetai atu ai i le Atua mo le faaolaina o lona aiga mai le lolo tele.

Le vaa ma le nuanua

Pe e te manatu sa talia e Ieova lenei mea alofa? Ioe, sa ia taliaina. Ma sa ia tautō atu iā Noa o le a ia lē toe faaumatiaina le lalolagi i se lolo.

Ona mātūtū ai lea o le eleele, ma ua amata nei e Noa ma lona aiga se olaga fou i fafo o le vaa. Sa faamanuia ma tulei atu le Atua iā i latou: ‘Ia to‘atele lau fanau. Ma ia tuputupu ia to‘atele ai tagata e nonofo i le lalolagi.’

Peita‘i, afai e faalogo tagata i le lolo, atonu o le a latou fefefe ne‘i toe tupu se isi lolo faapena. Sa tuuina mai loa e le Atua se mea e faamanatu ai i tagata e lē toe oo se lolo i le lalolagi atoa. Pe e te iloaina le mea sa ia avatua e faamanatu ai iā i latou? O se nuanua.

Noa ma lona aiga

E masani ona vaaia le nuanua i le lagi pe a susulu mai le lā pe a uma ona timu. E tele ni lanu mananaia o le nuanua. Pe ua e vaai ea i ai? Pe ua e vaai atu ea i lenā e tuu mai i le ata.

O le mea lenei sa tulei mai ai le Atua: ‘E lē toe faaumatia fo‘i tagata ma manu i se vai. Ou te tuuina fo‘i la‘u nuanua i le ao. A ou vaaia ona ou toe manatua ai lea o la‘u feagaiga.’

O lea la, a e vaai i se nuanua o le ā o le a ia faamanatu mai i a te oe? Ioe, o le feagaiga a le Atua na te le toe faaumatia le lalolagi i se lolo tele.

Kenese 8:18-22; 9:9-17.



Fesili

  • E pei ona faaalia i le ata, o le ā na faia e Noa ina ua faato‘ā ō ese mai le vaa?
  • O le ā le tuleiga a le Atua iā Noa ma lona aiga ina ua uma le Lolo?
  • O le ā le folafolaga na faia e le Atua?
  • A tatou vaaia se nuanua, o le ā e ao ona tatou manatuaina?

Fesili faaopoopo

  • Faitau le Kenese 8:18-22.

    E faapefea ona tatou ofoina atu i aso nei le mea “manogi lelei” iā Ieova? (Kene. 8:21; Epe. 13:15, 16)

    O le ā na fetalai i ai Ieova e faatatau i le loto o le tagata, ma o le ā e ao ona tatou faaeteete i ai? (Kene. 8:21; Mata. 15:18, 19)

  • Faitau le Kenese 9:9-17.

    O le ā le feagaiga na osia e Ieova ma tagata ma meaola uma o le lalolagi? (Kene. 9:10, 11)

    O le ā le umi o le a aogā ai le feagaiga o le nuanua? (Kene. 9:16)