Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Tala 30: Laau na Mumū

Tala 30: Laau na Mumū

NA ALU mamao lava Mose i le mauga o Horepa e su‘e mai ai ni vao mo ana mamoe. O i ina na ia iloa ai se laau o mū, ae e lē o liu efuefu!

O Mose i le mea na iai le laau na mumū

Na manatu Mose, ‘O se mea uiga ese lenei. O le a ou faalatalata atu sei ou vaai lelei i ai.’ Ona sau ai lea o le leo mai le laau, ua faapea mai: ‘Aua e te sōsō mai. Ave ese ou seevae, auā o loo e tū i le eleele paia.’ O le Atua sa fetalai e ala mai i se agelu, ona ufiufi lea e Mose ona mata.

Ona faapea mai lea o le Atua: ‘Ua ou iloa le puapuaga o o‘u tagata i Aikupito. O le a ou faasa‘olotoina i latou, ma ou te auina atu oe e ta‘ita‘iina mai ou tagata mai Aikupito.’ O le a aumaia e Ieova ona tagata i le atunuu matagofie o Kanana.

Peita‘i sa fai atu Mose: ‘E faapefea ona ou faia lenei mea? Afai ou te alu, o le a fai mai Isaraelu: “O ai na auina mai oe?” Po o le a sa‘u tali?’

Sa tali mai le Atua, ‘Ia e ta‘u atu faapea, “Ua auina mai a‘u iā te outou e IEOVA le Atua o Aperaamo, le Atua o Isaako ma le Atua o Iakopo.”’ Ona toe faaopoopo lea o Ieova: ‘O lo‘u igoa lea e faavavau.

‘Ae faapefea pe a latou le talitonu sa e auina atu a‘u,’ o le tali lea a Mose.

‘O le ā o i lou lima?’ o le fesili lea a le Atua.

Sa tali atu Mose: ‘O le laau.’

‘Togi i le eleele,’ o le upu lea a le Atua. Ina ua faia e Mose, ona liu gata lea o le laau. Sa ia toe faapea atu: ‘Tuu lou lima i totonu o lou ofu.’ Sa faia e Mose, ma ina ua toe tuu mai i fafo sa pa‘epa‘e e pei o le kiona! Ua maua le lima i le ma‘i leaga o le lepela. O le isi mea na sosoo ai sa tuuina atu e Ieova iā Mose le mana na te faia ai le vavega lona tolu. Mulimuli ane sa ia faapea atu: ‘Afai e te faia na vavega o le a talitonu ai Isaraelu na ou auina atu oe.

Ona fo‘i atu lea o Mose i a Ietero ma fai atu: ‘Faamolemole tuu mai a‘u ou te toe fo‘i e asiasi i o‘u aiga i Aikupito ma vaai pe o a mai i latou.’ Ona faamavae ai lea o Ietero iā Mose, ma alu atu loa Mose i Aikupito.

Esoto 3:1-22; 4:1-20.



Fesili

  • O le ā le igoa o le mauga o loo i le ata?
  • Ia faamatala le mea uiga ese na vaaia e Mose a o alu atu i le mauga ma ana mamoe.
  • O le ā na fai mai ai le leo mai le laau o mū, ma o le leo o ai?
  • O le ā le tali a Mose ina ua fetalai atu le Atua iā te ia o le a ia ta‘ita‘iina tagata o le Atua mai Aikupito?
  • O le ā le tala na ta‘u atu e le Atua iā Mose e fai pe a fesili atu tagata po o ai na auina atu o ia?
  • O le a faapefea ona faamaonia e Mose o le Atua na auina atu o ia?

Fesili faaopoopo

  • Faitau le Esoto 3:1-22.

    E faapefea i le mea na tupu i a Mose ona tatou mautinoa ai e lagolagoina e Ieova i tatou tusa lava pe tatou te manatu tatou te lē agavaa e faatinoina se tofiga mai le Atua? (Eso. 3:11, 13; 2 Kori. 3:5, 6)

  • Faitau le Esoto 4:1-20.

    Na suia faapefea uiga o Mose i le faagasologa o tausaga e 40 a o iai i Mitiana, ma o le ā le lesona e a‘oa‘oina mai ai e i latou e aapa atu i faaeaga i le faapotopotoga? (Eso. 2:11, 12; 4:10, 13; Mika 6:8; 1 Timo. 3:1, 6, 10)

    E tusa pe e a‘oa‘ia i tatou e Ieova e ala mai i lana faalapotopotoga, e faapefea ona iā i tatou ni lagona mautinoa ona o le faaa‘oa‘oga a Mose? (Eso. 4:12-14; Sala. 103:14; Epe. 12:4-11)