Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Tala 25: Ua ō Atu le Aiga i Aikupito

Tala 25: Ua ō Atu le Aiga i Aikupito

UA LĒ mafai nei ona toe pulea e Iosefa ona faalogona. Ona ia faatonu lea o ana auauna uma ia o ese ma le potu. Ina ua na o i latou ma ona uso, ona amata lea ona tagi o ia. Tatou mafaufau i le tete‘i o ona uso, auā latou te lē iloa pe aiseā ua tagi ai o ia. Mulimuli ane ona ia fai atu lea: ‘O a‘u o Iosefa. Pe o ola pea lo‘u tamā?’

Ua tete‘i uma ona uso, ua lē mafai ona toe tautatala ma ua fefefe. Ae ua fai atu Iosefa: ‘Sōsō mai tele faamolemole.’ Ona ia fai atu lea: ‘O a‘u o lo outou uso o Iosefa sa outou faatauina i Aikupito.’

Sa tautala i ai Iosefa i ni upu agalelei: ‘Aua tou te tuua‘ia outou ina ua outou faatauina a‘u. O le Atua moni lava na aumaia a‘u i Aikupito ina ia faaolaina tagata. Ua tofia a‘u e Farao e fai ma pule i le atunuu atoa. Ia outou o vave nei ma ta‘u atu i lo‘u tamā nei mea. Ma fai atu i ai ia o mai ma nonofo i inei.’

Ona fusi lea e Iosefa ona uso ma sogi atu iā i latou uma. Ina ua faalogo Farao ua o mai uso o Iosefa, ona ia fai atu lea iā Iosefa: ‘Ia tuu atu iā i latou ni taavale solofanua ia latou o ai ma aumai lo latou tamā ma o latou aiga. Ou te avatua iā i latou fanua aupito lelei i Aikupito.’

Sa latou faia faapea. O loo e vaai atu nei iā Iosefa o loo feiloa‘i ma lona tamā ina ua o mai uma ma lona aiga i Aikupito.

Ua faato‘ateleina pea le aiga o Iakopo. Sa 70 lo latou aofa‘i ina ua o mai i Aikupito, e aofia ai ma Iakopo ma lana fanau ma fanau a lana fanau. O a latou avā, atonu fo‘i ma le tele o ni auauna. Sa latou nonofo uma i Aikupito. Na faaigoa i latou o Isaraelu, talu ai ua suia e le Atua le igoa o Iakopo iā Isaraelu. Ua avea Isaraelu ma ni tagata faapitoa i le Atua, e pei o le a tatou iloa mulimuli ane ai.

Kenese 45:1-28; 46:1-27

Iosefa ma lona aiga


Fesili

  • O le ā na tupu ina ua faailoa atu e Iosefa o ia i ona uso?
  • O le ā na ta‘u atu ma le agalelei e Iosefa i ona uso?
  • O le ā na fai atu ai Farao ina ua ia faalogo e faatatau i uso o Iosefa?
  • O le ā le to‘atele o le aiga o Iakopo ina ua o mai i Aikupito?
  • O le ā na faaigoa ai le aiga o Iakopo, ma aiseā?

Fesili faaopoopo

  • Faitau le Kenese 45:1-28.

    E faapefea ona faaalia i le tala o le Tusi Paia e faatatau iā Iosefa, e mafai ona liua e Ieova se tulaga e ono afāina ai ana auauna ina ia maua ai ni i‘uga lelei? (Kene. 45:5-8; Isa. 8:10; Fili. 1:12-14)

  • Faitau le Kenese 46:1-27.

    O le ā le faamautinoaga na ta‘u atu e Ieova iā Iakopo a o aga‘i atu i Aikupito? (Kene. 46:1-4, faaopoopoga i lalo o le NW, tusi telē)