Skip to content

Skip to secondary menu

Skip to table of contents

Molimau a Ieova

Faa-Samoa

La‘u Tusi o Tala o le Tusi Paia

Tala 20: Ua Oo se Faalavelave iā Tina

Tala 20: Ua Oo se Faalavelave iā Tina

PE E te iloaina o ai o asiasi atu i ai Tina? O loo alu atu o ia e vaai i isi teine e nonofo i le nuu o Kanana. Pe mata e fiafia lona tamā o Iakopo i lenei mea? Ina ia tali i lenei fesili, taumafai e manatua le manatu o Aperaamo ma Isaako i fafine o Kanana.

O loo asiasi atu Tina i teine Kanana

Pe sa mana‘o Aperaamo e faaipoipo atu lona atalii o Isaako i se teine mai Kanana? E leai. Pe na manana‘o Isaako ma Repeka e faaipoipo atu Iakopo i se teine mai Kanana? E leai. Pe e te iloaina aiseā?

Talu ai o tagata i Kanana e tapua‘i i atua sesē. E lē o i latou o ni tagata lelei e avea ma ni tane po o avā, ma e lē o ni tagata fo‘i e ono avea ma ni uō lelei. O lea la e tatau ona tatou mautinoa sa le‘i fiafia Iakopo ina ua faauō atu lona afafine i teine Kanana.

E moni lava, sa tupu se faafitauli iā Tina. Pe e te iloa atu le tamāloa Kanana lenā e i le ata o loo tilotilo atu iā Tina? O lona igoa o Sekema. I le tasi aso na asiasi atu ai Tina, sa faamalosi e Sekema Tina e taoto i lalo ma ia. E leaga lea, auā na o tane ma fafine ua faaipoipo e mafai ona taooto faatasi. O le mea leaga lenā na faia e Sekema iā Tina a ua ta‘ita‘i atu ai i ni faafitauli se tele.

Ina ua faalogo i ai tuagane o Tina i lenei mea sa tupu, ona feita ai lea o i latou. O le feita tele o Simeona ma Levi na ō ai ma a la pelu i le aai ma pu‘e faafuase‘i ai nei tamāloloa. O i la‘ua ma o la‘ua uso sa latou fasiotia Sekema ma isi tamāloloa uma. Sa ita Iakopo ina ua faia e lana fanau lenei mea leaga.

Na faapefea ona tupu lenei faafitauli? Talu ai ina ua faauō Tina i tagata latou te lē usiusita‘i i tulafono a le Atua. O le a tatou le manana‘o e fai ni uō faapena, a ea?

Kenese 34:1-31.



Fesili

  • Aiseā na le manana‘o ai Aperaamo ma Isaako e faaipoipo a la fanau i tagata Kanana?
  • Pe na fiafia Iakopo ina ua faauō atu lona afafine i teine Kanana?
  • O ai le tamāloa lenā o loo tilotilo atu iā Tina i le ata, ma o le a le mea leaga na ia faia?
  • O le ā na faia e tuagane o Tina o Simeona ma Levi ina ua la faalogo i le mea na tupu?
  • Pe na fiafia Iakopo i le mea na faia e Simeona ma Levi?
  • Na faapefea ona tupu le faafitauli i le aiga?

Fesili faaopoopo

  • Faitau le Kenese 34:1-31.

    Pe e na o le faatasi lava le taimi na aumea atu ai Tina i afafine o le nuu o Kanana? Faamatala. (Kene. 34:1, faatusatusa i le NW)

    Aiseā e ono tuua‘ia ai fo‘i Tina ona o le leiloa o lona tulaga taupou? (Kala. 6:7)

    E faapefea ona faaalia e talavou i aso nei lo latou teulotoina o le faaa‘oa‘oga a Tina lea e fai ma lapata‘iga? (Faata. 13:20; 1 Kori. 15:33; 1 Ioa. 5:19)