Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Tala 12: Fausia e Tagata se Olo Telē

Tala 12: Fausia e Tagata se Olo Telē

I NI tausaga e tele ua mavae, sa to‘atele fanau a fanau a Noa. Sa fai fo‘i fanau a ā latou fanau e to‘atele. Sa le‘i umi ae to‘atele tagata i le lalolagi.

O se tasi o nei tagata o le atalii o le atalii o le atalii o Noa o Nimarota. O ia o se tamāloa leaga na te tulia ma tapēina manu ma fasioti tagata. Sa ia faia fo‘i o ia ma tupu i luga o tagata. Sa le fiafia le Atua iā Nimarota.

Sa tautala uma tagata i lenā vaitaimi i le gagana e tasi. Sa mana‘o Nimarota ia taofiofia faatasi latou ina ia pule ai ia. Sa ia fai atu i tagata e fai se aai ma fausia ai se olo i totonu. Vaai atu iā i latou i lenā ata o loo fai ni piliki.

Sa lē fiafia Ieova le Atua i lenei fale. Na finagalo le Atua ia ō ese atu tagata ma ola solo i le lalolagi atoa. Peita‘i sa fai mai tagata: ‘O mai ia! Se‘i o tatou faia se aai ma se olo maualuga tele ia pa‘i atu lona tumutumu i le lagi. Ona ta‘uta‘ua ai lea o i tatou!’ Sa manana‘o tagata mo se viiga mo i latou, ae lē mo le Atua.

Sa taofia loa e le Atua tagata mai le fauina o le olo. Pe sa faapefea? E ala i le faafuase‘i lava ona faatautala tagata i gagana eseese ae ua le tasi. Na lē toe malamalama loa le isi au faigaluega i isi. O le māfuaaga lea na faaigoa ai le aai o Papelu, po o Papelonia, o lona uiga “Fenuminumia‘i.”

Sa amata loa ona ō ese mai tagata mai Papelu. O vaega o tagata na tautatala i gagana tutusa sa ō faatasi ma ola i isi vaega o le lalolagi.

Kenese 10:1,8-10; 11:1-9.

Au faigaluega o loo fauina le olo telē


Fesili

  • O ai Nimarota, ma o le ā le silasila a le Atua iā te ia?
  • Vaai fo‘i i le ata, aiseā ua faia ai e tagata piliki?
  • Aiseā sa le fiafia ai Ieova i le fauina o le olo?
  • Na faapefea ona taofia e le Atua le fauina o le olo?
  • O ai le igoa o le aai, ma o le ā le uiga o lenā igoa?
  • O le ā na tupu i tagata ina ua uma ona faafenuminumia‘i e le Atua a latou gagana?

Fesili faaopoopo

  • Faitau le Kenese 10:1, 8-10.

    O ā uiga na faaalia e Nimarota, ma o le ā le lapata‘iga mo i tatou? (Faata. 3:31)

  • Faitau le Kenese 11:1-9.

    O le ā le pogai na ala ai ona fau le olo, ma aiseā na lē mafai ai ona taulau lenā galuega? (Kene. 11:4; Faata. 16:18; Ioa. 5:44)