Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Tala 2: O se Faato‘aga Matagofie

Tala 2: O se Faato‘aga Matagofie

IA VAAI atu i lenei lalolagi! E ese le matagofie o mea uma! Vaai atu i mutia ma laau, fugālaau ma mea ola. Pe e mafai ona e faasinoina mai le leona ma le elefane?

O manu o loo i le faato‘aga o Etena

Sa faapefea ona i ai lenei faato‘aga manaia? Se‘i o tatou vaai pe faapefea ona saunia e le Atua le lalolagi mo i tatou.

Muamua, sa faia e le Atua mutia lanu meamata ia ufitia ai le eleele. O ituaiga o laau iti, togāvao ma laau. O na la mea tutupu e fesoasoani e faamanaia ai le lalolagi. Ae latou te faia ni isi mea e sili atu. O le tele o na mea e faia ai a tatou mea ai manogi.

Mulimuli ane sa faia e le Atua i‘a e aau i le sami ma manu e felelei i le lagi. O maile ma pusi ma solofanua; manu lapopo‘a ma manu lāiti. O ā ni mea ola o ola i tafatafa o lou fale? Pe tatou te le fiafia ua faia e le Atua mea uma lava mo i tatou?

Mulimuli lava, sa faia loa e le Atua se vaega o le lalolagi faapitoa. Sa ia faaigoaina o le faato‘aga o Etena. Sa lelei atoatoa. Sa matagofie uma lava. Na finagalo fo‘i le Atua ia faapea le lalolagi atoa e pei o le faato‘aga manaia ua uma ona ia faia.

Se‘i toe vaai atu i le ata. Pe e te iloaina le mea na silasila atu le Atua ua leai? Se‘i o tatou vaai.

Kenese 1:11-25; 2:8,9.



Fesili

  • Na faapefea ona saunia e le Atua le lalolagi ina ia tatou nonofo ai?
  • Ia faamatala le tele o manu eseese na faia e le Atua. (Vaai i le ata.)
  • Aiseā na lelei tele ai le faato‘aga o Etena?
  • Na finagalo le Atua ia pei le lalolagi atoa o se ā?

Fesili faaopoopo

  • Faitau le Kenese 1:11-25.

    O le ā na foafoaina e le Atua i le aso lona tolu o le foafoaga? (Kene. 1:12)

    O le ā na tupu i le aso lona fa o le foafoaga? (Kene. 1:16)

    O ā ituaiga o manu na faia e le Atua i le aso lona lima ma le ono? (Kene. 1:20, 21, 25)

  • Faitau le Kenese 2:8, 9.

    O ā laau faapitoa e lua na tuuina e le Atua i le faato‘aga, ma o ā mea na faaataina e nei laau?