Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Tala 1: Amata Ona Faia Mea e le Atua

Tala 1: Amata Ona Faia Mea e le Atua

O MEA lelei uma ua tatou maua e mai le Atua. Sa ia faia le lā e aumai ai le malamalama mo le ao, le masina ma fetu ia i ai sina malamalama i le pō. Sa faia fo‘i e ia le lalolagi tatou te ola ai.

Ae o le lā, le masina, fetu ma le lalolagi e lē o mea muamua ia na faia e le Atua. Pe e te iloa le mea sa muamua? Sa faia e le Atua peresona pei o ia. E lē mafai ona tatou vaaia nei peresona, e pei fo‘i ona lē mafai ona tatou vaaia le Atua. I le Tusi Paia o nei peresona e ta‘ua o agelu. Sa faia e le Atua agelu ia ola ma ia i le lagi.

O le ulua‘i agelu na faia e le Atua sa faapitoa. O le Alo muamua ia o le Atua, ma sa galue o ia ma lona Tamā. Sa fesoasoani o ia i le Atua ia faia isi mea uma lava. Sa la faia le la, le masina, fetu ma lo tatou lalolagi.

Sa faape‘ī la le lalolagi? I le amataga e leai se isi sa mafai ona ola i le lalolagi. Sa na o le sami tele sa ufitia ai le laueleele. Na mana‘o le Atua ia ola tagata i le lalolagi. Sa amata loa ona ia saunia mea mo i tatou. O le ā sa ia faia?

Sa mana‘omia se malamalama muamua i le lalolagi. Sa faasusulu mai loa e le Atua le lā i le lalolagi. Sa ia faia ina ia i ai le ao ma le pō. Ina ua uma sa faamanu ane loa e le Atua le eleele mai le sami.

I le amataga sa leai se mea i le eleele. Pei lava o le ata lenā e te vaai atu i ai. Sa leai ni fugālaau, laau po o ni mea ola. Sa leai fo‘i se i‘a i le sami. Sa tele la ni galuega a le Atua e faamanaia ai le lalolagi ia ola ai mea ola ma tagata.

Ieremia 10:12; Kolose 1:15-17; Kenese 1:1-10.

Laufanua lafulafuā


Fesili

  • O fea e maua ai mea lelei uma, ma pe e mafai ona e ta‘u mai se faata‘ita‘iga?
  • O le ā na faia muamua lava e le Atua?
  • Aiseā na faapitoa ai le ulua‘i agelu?
  • Ia faamatala pe na faape‘ī le lalolagi i le amataga. (Vaai i le ata.)
  • Na faapefea ona saunia e le Atua le lalolagi ina ia ola ai manu ma tagata?

Fesili faaopoopo

  • Faitau le Ieremia 10:12.

    O ā uiga o le Atua ua faaalia i mea na ia foafoaina? (Isa. 40:26; Roma 11:33)

  • Faitau le Kolose 1:15-17.

    O le ā le vaega a Iesu na faia i le foafoaina o mea, ma e faapefea ona aafia ai le auala tatou te manatu ai iā te ia? (Kolo. 1:15-17)

  • Faitau le Kenese 1:1-10.

    O ai na faia le lalolagi? (Kene. 1:1)

    O le ā na tupu i le aso muamua o le foafoaga? (Kene. 1:3-5)

    Faamatala le mea na tupu i le aso lona lua o le foafoaga. (Kene. 1:7, 8)