Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Tala 5: Amata se Olaga Faigatā

Tala 5: Amata se Olaga Faigatā

I FAFO o le faato‘aga o Etena, sa tele ni faafitauli o Atamu ma Eva. Sa galulue mamafa i la‘ua mo a la mea‘ai. Na i lo laau fua lelei sa la vaaia le tele o laau tuitui ma laau talatala. O le mea lenā sa tupu ina ua le usiusita‘i Atamu ma Eva i le Atua ma taofia ai le avea o i la‘ua ma Ana uō.

O loo galue mamafa Atamu ma lona atalii

A e leaga atu i lo lenā, ua amata nei ona oti Atamu ma Eva. Ia manatua sa lapata‘ia i la‘ua e le Atua la te oti pe afai e aai i fua mai i se laau faapitoa. Ia, o le aso lava sa aai ai sa amata loa ona la feoti. Pagā le valea o lo la lē faalogo i le Atua!

O fanau a Atamu ma Eva sa fananau uma ina ua uma ona tuueseina mai e le Atua o latou matua i fafo i le faato‘aga i Etena. O lona uiga la e ola matutua fo‘i fanau ma feoti.

Ana fai sa usiusita‘i pea Atamu ma Eva i le Atua, o le olaga o le a fiafia tele mo i la‘ua ma a la fanau. E ono mafai ona ola e faavavau ma le fiafia i le lalolagi. E leai se tasi o le a ola matua, ma‘i ma oti.

E finagalo le Atua ia ola fiafia e faavavau tagata, ma ua tautō mai Ia o se isi aso o le a latou faapena ai. E le gata o le a manaia le lalolagi, ae o tagata uma o le a malolosi. Ma o le a lelei le faigāuō a tagata uma ma faapena fo‘i ma le Atua.

Eva ma lana fanau

Ae ua le toe avea nei Eva ma uō a le Atua. Sa ia fanaua ni tamaiti, ae sa le faigofie mo ia. Sa iā te ia le tigā. O lona le usiusita‘i i le Atua sa aumaia ai le tele o faanoanoaga iā te ia, pe e te le ioe i ai?

Sa to‘atele atalii ma afafine o Atamu ma Eva. O lo la ulua‘i atalii o Kaino. Sa faaigoa lo la atalii lona lua iā Apelu. O le ā sa tupu ia i la‘ua? Pe e te iloaina?

Kenese 3:16-23; 4:1,2; Faaaliga 21:3,4.



Fesili

  • Na faape‘ī olaga o Atamu ma Eva i fafo o le faato‘aga o Etena?
  • O le ā sa amata ona tupu iā Atamu ma Eva, ma aiseā?
  • Aiseā o le a ola matutua ai ma feoti le fanau a Atamu ma Eva?
  • Ana usiusita‘i Atamu ma Eva i a Ieova, e faape‘ī o la olaga ma olaga o le la fanau semanū e iai?
  • Na faapefea ona tigā Eva ona o le lē usiusita‘i?
  • O ai igoa o atalii matutua e to‘alua o Atamu ma Eva?
  • O ai isi tamaiti o loo i le ata?

Fesili faaopoopo

  • Faitau le Kenese 3:16-23 ma le 4:1, 2.

    Na faapefea ona aafia le olaga o Atamu i le faamalaiaina o le laueleele? (Kene. 3:17-19; Roma 8:20, 22)

    Aiseā ua talafeagai ai le igoa o Eva lea o lona uiga “o Lē Ola”? (Kene. 3:20)

    Na faapefea ona faaalia e Ieova lona manatu mamafa i a Atamu ma Eva e ui lava ua la agasala? (Kene. 3:7, 21)

  • Faitau le Faaaliga 21:3, 4.

    O ā “mea muamua” e te fia vaai i ai ua aveesea?