Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

La‘u Tusi o Tala o le Tusi Paia

Vaega 7: Toe Faatūina Mai o Iesu e oo i le Faafalepuipuiina o Paulo

Vaega 7: Toe Faatūina Mai o Iesu e oo i le Faafalepuipuiina o Paulo

I le aso lona tolu talu ona mavae lona maliu, sa toe faatūina mai ai Iesu. I lenā aso na ia faaali faalima ai i ona soo i taimi eseese. Na faaauau ona faaali atu Iesu iā i latou mo le 40 aso. Ma a o vaavaai atu ni isi o ona soo, sa afio a‘e Iesu i le lagi. Sefulu aso mulimuli ane ai ona liligi ifo lea e le Atua le agaga paia i soo o Iesu o loo faatalitali i Ierusalema.

Mulimuli ane, ona lafoina lea e fili o le Atua le au aposetolo i le falepuipui, ae na faasa‘olotoina i latou e se agelu. Na fetogia e tagata tetee le soo o Setefano i maa ia oti. Ae ua tatou a‘oa‘oina pe na faapefea ona filifilia e Iesu se tasi o ia tagata tetee ia fai ma ana auauna faapitoa, ma na avea o ia o le aposetolo o Paulo. Ina ua tolu ma le afa tausaga talu ona mavae le maliu o Iesu, na auina atu ai e le Atua le aposetolo o Peteru e tala‘i iā Konelio e le o se Iutaia ma lona au aiga.

Pe tusa e 13 tausaga mulimuli ane ai ona amata lea o le malaga faatala‘i muamua a Paulo. I lana malaga lona lua sa faatasi atu ai Timoteo iā Paulo. Ua tatou a‘oa‘oina ai pe na faapefea e Paulo ma ana aumea ona tele ni taimi uiga ese i le auaunaga i le Atua. I le i‘uga na tuuina atu ai Paulo i le falepuipui i Roma. Lua tausaga mulimuli ane ai sa toe faasa‘oloto mai o ia, ae na toe tuuina atu fo‘i o ia i le falepuipui ma fasiotia ai. O mea o tutupu i le VAEGA 7 na tutupu i se vaitaimi e tusa ma le 32 tausaga.

Ua faatauasoina Saulo i le malamalama