Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

‘Ia Faatumau iā te Outou i le Alofa o le Atua’

 FAAOPOOPOGA

O le Aʻoaʻoga a le Tusi Paia i le Teteʻa ma le Nonofo Eseese

O le Aʻoaʻoga a le Tusi Paia i le Teteʻa ma le Nonofo Eseese

E finagalo Ieova ina ia faamaoni ē ua faaipoipo i a latou tautoga o le faaipoipoga. Na fetalai Ieova ina ua faatasia le uluaʻi tane ma le fafine i le faaipoipoga: “E . . . nonofo faatasi [le tane] ma lana avā, ona avea ai lea o i laʻua ma tino e tasi.” Mulimuli ane, na toe taʻua e Iesu Keriso lenā fetalaiga, ma faaopoopo i ai e faapea: “O ē ua faatasia e le Atua, aua neʻi tuueseeseina e se tagata.” (Kenese 2:24; Mataio 19:3-6) O lea  la, e silasila Ieova ma Iesu i faaipoipoga o se mafutaga e tumau i le olaga atoa, e faatoʻā muta lava pe a maliu se tasi o le paaga. (1 Korinito 7:39) O le faaipoipoga o se faatulagaga paia, ma e lē tatau ona manatu māmā i le teteʻa, po o le tatalaina o le faaipoipoga. O le mea moni, e inosia e Ieova le teteʻa o se ulugalii e aunoa ma se faavae faale-Tusi Paia.Malaki 2:15, 16.

O le ā la le faavae faale-Tusi Paia e mafai ona teteʻa ai se ulugalii? E inosia e Ieova le mulilua ma le faitaaga. (Kenese 39:9; 2 Samuelu 11:26, 27; Salamo 51:4) Ona o lona ʻinoʻino tele i le faitaaga, ua ia faataga ai le teteʻa o se ulugalii pe a faitaaga se tasi o i laʻua. (Mo le iloiloina o mea e aofia ai i le faitaaga, tagaʻi i le Mataupu e 9, palakalafa 7 lea o loo faamatala ai le uiga o le faitaaga.) Ua tuu mai e Ieova i le paaga faamaoni le aiā tatau e filifili ai pe e manaʻo e nofo pea ma le paaga na faitaaga, pe e manaʻo e teteʻa. (Mataio 19:9) O lea la, afai e manaʻo le paaga faamaoni e teteʻa, e lē inosia e Ieova lana faaiʻuga ua fai. Peitaʻi, e lē faalaeiauina e le faapotopotoga Kerisiano se tasi ina ia teteʻa ma lona toʻalua. O le mea moni, e iai tulaga o le a manaʻo ai le paaga faamaoni e nonofo pea ma le paaga na faitaaga, aemaise ona ua salamō moni o ia. Ae ui i lea, o i latou ua iai le faavae faale-Tusi Paia e teteʻa ai, e tatau ona fai la latou lava faaiʻuga, ma talia āuga o lenā faaiʻuga.Kalatia 6:5.

Ona o le matuiā o o latou tulaga, ua filifili ai nisi Kerisiano e nonofo eseese pe e teteʻa ma a latou paaga faaipoipo, e ui lava e leʻi faitaaga a latou paaga. Afai o lea, ua faatonuina e le Tusi Paia lē ua tuua lana paaga ina “ia nofofua pea o ia pe toe faalelei ma lana” paaga. (1 Korinito 7:11) E lē saʻoloto lenā Kerisiano e saʻili se isi tagata e toe faaipoipo i ai. (Mataio 5:32) Seʻi mafaufau i nisi o tulaga matuiā, ua manatu nisi e talafeagai ona nonofo eseese ai.

Matuā lē manaʻo e tausia le aiga. Atonu ua lē tagolima le aiga ma ua leai ni mea e ola ai, ona ua lē tausia i latou e le tane, e ui ina mafai e le tane ona tausia i latou. Ua faapea mai le Tusi Paia: “Afai e lē tausi e se tasi i . . . lona aiga, ua faafitia e ia le faatuatua, ma e sili lona leaga i lo le tagata e lē faatuatua.” (1 Timoteo 5:8) Afai e lē manaʻo le tane e sui ona ala, e ao i le  avā ona filifili pe e tatau ona ia puipuia o latou ola mālōlōina ma lana fanau, e ala i le saʻili o se poloaʻiga faaletulafono e nonofo eseese ai ma le tane. E iloilo ma le faaeteete e toeaina Kerisiano se tuuaʻiga e faapea, e lē manaʻo se Kerisiano e tausi i lona aiga. A lē manaʻo se tane e tausi i lona aiga, e ono iʻu ina faateʻaeseina o ia mai le faapotopotoga.

O le soona faasauā. Atonu ua lamatia le ola mālōlōina o se paaga ona o le matuā sauā o le isi paaga. Afai o se Kerisiano le paaga sauā, e tatau la ona suʻesuʻe e toeaina o le faapotopotoga na tuuaʻiga. E mafai ona faateʻaeseina se tasi pe a lotoa o ia, ma o lana lea masani o le faasauā.Kalatia 5:19-21.

Ua matuā lamatia le ola faaleagaga. O se paaga e fai ma ana masani le faasā o lona toʻalua Kerisiano e auai i le tapuaʻiga moni, pe e taumafai foʻi e faamalosia o ia e soli se tulafono a le Atua. Afai o lea, e tatau ona filifili le paaga o loo lamatia lona ola faaleagaga pe e pau le auala e “usiusitaʻi [ai] i le Atua o le pule, nai lo o tagata,” o le saʻili lea o se poloaʻiga faaletulafono e nonofo eseese ai ma le paaga.Galuega 5:29.

E lē tatau i se tasi ona tauanauina se paaga faamaoni o loo iai i ni tulaga matuiā e pei ona taʻua, ina ia nonofo eseese pe ia nonofo faatasi ma lona toʻalua. E ui lava e mafai ona avatu e uō e matutua faaleagaga ma toeaina le lagolagosua ma ni fautuaga faale-Tusi Paia, ae latou te lē o iloa atoatoa le mea o tupu i le va o le tane ma le avā. E na o Ieova lava e silafia atoatoa. O le mea moni, e lē faamamaluina e se avā po o se tane Kerisiano le Atua po o le faatulagaga o le faaipoipoga, pe afai e na te soona faatelē le matuiā o ona faafitauli faaleaiga, ina ia nofo ese ai mai lona toʻalua. Ua silafia e Ieova so o se faufauga ina ia nonofo eseese ai, e tusa lava pe e taumafai se tasi e natia. O le mea moni, “e taatitia fua mai mea uma, ma ua matuā faaalia mea uma i luma o lana silafaga, o lē e ao ona tatou tali atu i ai.” (Eperu 4:13) Afai ua umi se taimi o iai se tasi i se tulaga matuiā, e lē tatau i isi ona faitioina se Kerisiano e filifili e nonofo eseese ma lona toʻalua, ona ua leai se isi mea e mafai. O le iʻuga, “tatou te tutū uma lava i luma o le nofoa faamasino o le Atua.”Roma 14:10-12.