Skip to content

Skip to secondary menu

Molimau a Ieova

Faa-Samoa

E Faapefea Ona Maua e se Aiga le Fiafia Moni?

E Faapefea Ona Maua e se Aiga le Fiafia Moni?

Pe e te manatu . . .

  • o le alofa?

  • o tupe?

  • o se isi mea?

 MANATU O LE TUSI PAIA

“Afai ua outou iloa nei mea, e fiafia outou pe a outou faia.”—Ioane 13:17, Faaliliuga a le Lalolagi Fou.

AOGĀ E TE MAUA MAI AI

Maua ai le alofa moni.—Efeso 5:28, 29.

Maua le faaaloalo moni.—Efeso 5:33.

Maua ai le autasi moni.—Mareko 10:6-9.

 PE MAFAI ONA TATOU TALITONU MONI I LE TUSI PAIA?

Ioe, mo ni māfuaaga se lua:

  • O le Atua o Lē na faavaeina aiga. Ua ta‘ua i le Tusi Paia, o Ieova le Atua ‘ua maua ai e aiga uma o latou igoa.’ (Efeso. 3:14, 15) I nisi faaupuga, ua māfua ona iai aiga ona na amataina e Ieova. Aiseā e mata‘ina ai lenei mea?

    Se‘i manatu: Afai sa e olioli i se taumafataga susua ma manaia, ma ua e fia iloa po o ā mea manogi na tuu iai, o ai e te fesili i ai? O le mea moni o le tagata na saunia.

    I se tulaga tutusa, ina ia iloa le auala e maua ai e se aiga le fiafia moni, e tatau ona tatou sa‘ili atu iā Ieova o Lē na faavaeina le faatulagaga o le aiga.—Kenese 2:18-24.

  • E manatu mamafa mai le Atua iā te oe. O se mea atamai i aiga le sa‘ili i fautuaga mai iā Ieova, lea ua saunia mai i lana Afioga. Aiseā? “Auā o loo manatu mamafa mai o ia iā te outou.” (1 Peteru 5:6, 7) E matuā naunau mai Ieova mo lou lelei—ma e aogā i taimi uma ana fautuaga.—Faataoto 3:5, 6; Isaia 48:17, 18.

 IA MAFAUFAU I AI

E faapefea ona avea oe o se tane, avā, po o se matua lelei?

O loo taliina i le Tusi Paia lenā fesili i le EFESO 5:1, 2 ma le KOLOSE 3:18-21.