Skip to content

Skip to secondary menu

Skip to table of contents

Molimau a Ieova

Faa-Samoa

Se Faatomuaga o le Afioga a le Atua

 FESILI 6

O le ā na Valoia Mai i le Tusi Paia e Faatatau i le Mesia?

O le ā na Valoia Mai i le Tusi Paia e Faatatau i le Mesia?

VALOAGA

“O oe, Peteleema Efarata e, . . . e tupu mai iā te oe mo aʻu o lē o le a avea ma pule i Isaraelu.”

Mika 5:2

FAATAUNUUGA

“Ina ua mavae le fanau mai o Iesu i Peteleema i Iutaia, i ona pō o le tupu o Herota, ona ō mai ai lea o ē e saʻiliʻili i fetu mai sasaʻe i Ierusalema.”

Mataio 2:1

VALOAGA

“Ua latou tufatufa oʻu ofu iā i latou, ma ua latou fai le vili i loʻu ofu.”

Salamo 22:18

FAATAUNUUGA

“Ina ua tutuʻi e fitafita Iesu i luga o le laau, ona latou ave lea o ona ofu tele, ua vaevae i vaega e fā . . . Ae o le ofu pito i totonu, e leai se sooga, ua lalagaina mai i luga e oo i lalo. Ona latou talatalanoa ai lea ma faapea ane: ʻAua neʻi o tatou saesaeina le ofu ae seʻi tatou faia le vili, e iloa ai po o ai e ave ma ia.’”

Ioane 19:23, 24

 VALOAGA

“E leoleo e ia o ona ivi uma; e leai lava se ivi e tasi ua gau.”

Salamo 34:20

FAATAUNUUGA

“Ina ua oo atu iā Iesu, ua latou iloa ai ua maliu o ia, ma latou te leʻi gauia ona vae.”

Ioane 19:33

VALOAGA

“Ua tuʻia o ia ona o a tatou solitulafono.”

Isaia 53:5

FAATAUNUUGA

“Ua tutuʻi e se tasi o fitafita lona itu i le tao, ona tafe mai ai lea o le toto ma le vai.”

Ioane 19:34

VALOAGA

“Ona latou totogi mai lea o loʻu totogi, e tolu sefulu tupe siliva.”

Sakaria 11:12, 13

FAATAUNUUGA

“Ona alu atu lea o le tasi o le toʻasefulu lua, e igoa iā Iuta le Sekara i le ʻaufaitaulaga sili, ma faapea atu: ʻE fia se mea tou te aumaia iā te aʻu ou te faalataina ai o ia iā te outou?’ Ona latou lotomalilie lea e avatu iā te ia le tolu sefulu tupe siliva.”

Mataio 26:14, 15; 27:5