Skip to content

Skip to secondary menu

Skip to table of contents

Molimau a Ieova

Faa-Samoa

Se Faatomuaga o le Afioga a le Atua

 FESILI 18

E Faapefea Ona E Mafuta Vavalalata Atu i le Atua?

E Faapefea Ona E Mafuta Vavalalata Atu i le Atua?

“Le Faafofoga tatalo e, e ō atu iā te oe tagata uma lava.”

Salamo 65:2

“Ia e faatuatua iā Ieova ma lou lotoatoa, ae aua le faalagolago i lou lava malamalama. Ia e manatua o ia i ou ala uma, ona ia faasaʻoina lea o ou ala.”

Faataoto 3:5, 6

“O le ola e faavavau foʻi lenei, ia latou iloa oe, le Atua moni e toʻatasi, atoa ma lē na e auina mai, o Iesu Keriso.”

Ioane 17:3

“E lē o mamao [le Atua] mai iā i tatou taʻitoʻatasi.”

Galuega 17:27

“O le mea lenei ua faaauau ai ona ou tatalo, ina ia faatuputeleina lo outou alofa i le poto saʻo ma le faautaga loloto.”

Filipi 1:9

 “Pe afai ua leai se atamai i se tasi o outou, inā ōle atu pea ia i le Atua, auā o ia na te foaʻi tele mai ma le lē toe taʻutaʻua, ona foaʻiina mai lea iā te ia.”

Iakopo 1:5

“Ia outou mafuta vavalalata atu i le Atua, ona mafuta vavalalata mai lea o ia iā te outou. O outou tagata agasala e, inā fafano ia o outou lima. O outou tagata faalotolotolua e, inā faamamā ia o outou loto.”

Iakopo 4:8

“O le alofa lenei i le Atua, ia tatou tausi i ana poloaʻiga; ma e lē mamafa ana poloaʻiga.”

1 Ioane 5:3