Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Tito 2:1-15

2  A o oe, ia e tautala atu pea i mea e talafeagai ma aʻoaʻoga aogā.*+  O tane ua matutua,+ ia pulea a latou amio, ia matutua i o latou mafaufau,+ ia mafaufau lelei, ia malolosi i le faatuatua+ ma le alofa ma le tumau.+  O fafine ua matutua,+ ia faapena foʻi ona pei a latou amio o tagata paia, e lē faitala taufaaleaga,+ e lē faapologaina i le inu tele i le uaina, o ē e aʻoaʻo atu i mea lelei;  ina ia fesoasoani i fafine talavou ia toe sagatonu o latou mafaufau, ina ia alolofa i a latou tane+ ma a latou fanau,+  ia mafaufau lelei, ia amio mamā,+ ia faia galuega i le fale, ia amiolelei, ia gauaʻi+ atu i a latou lava tane, ina neʻi upuleagaina le afioga a le Atua.+  Ia faapena foʻi ona apoapoaʻi atu pea i tauleleʻa ina ia mafaufau lelei,+  ia fai oe ma faaaʻoaʻoga o galuega lelei+ i mea uma lava; ia aʻoaʻo+ atu ma le faamaoni+ ma ia matua i le mafaufau,  ia fai faamatalaga mamā ia e lē mafai ona taʻusalaina;+ ina ia māsiasi ai lē e tetee mai, ma ia leai se upuleaga e fai mai e uiga iā i tatou.+  Ia gauaʻi atu pologa+ i o latou matai i mea uma lava,+ ma ia faafiafia iā i latou ae lē tali upu,+ 10  aua foʻi le gaoi,+ ae ia matuā faamaoni,+ ina ia latou faamamaluina i mea uma lava aʻoaʻoga a le Atua lo tatou Faaola.+ 11  Auā ua faaali+ mai le agalelei faifua+ o le Atua, lea e maua ai e ituaiga uma o tagata+ le faaolataga,+ 12  ma ua faatonuina i tatou ina ia teena amioga faalēmataʻu+ ma tuʻinanauga o le lalolagi,+ ma ia ola ma le mafaufau lelei, ma le amiotonu, ma le faamaoni i le Atua+ i le faiga o mea a lenei lalolagi,+ 13  a o tatou faatalitali i le faamoemoe+ fiafia ma le faaali mai i le mamalu+ o le Atua sili, atoa ma lo tatou Faaola o Keriso Iesu, 14  o lē na foaʻi mai o ia lava+ mo i tatou ina ia laveaʻiina+ i tatou mai so o se solitulafono, ma faamamāina+ i tatou mo ia lava e fai ma ona tagata,+ o ē e maelega i galuega lelei.+ 15  Ia fai atu pea nei mea ma aʻoaʻi atu ma ia faatonu atu ma le pule uma lava na tuuina atu iā te oe.+ Aua neʻi vaai maulalo+ se tasi iā te oe.

Faamatalaga Pito i Lalo

Tito 2:1 * Po o “aʻoaʻoga e malosi ai.”