Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Tito 1:1-16

1  O aʻu o Paulo, o se pologa+ a le Atua ma le aposetolo+ a Iesu Keriso e tusa ai ma le faatuatua o ē ua filifilia+ e le Atua, ma le poto saʻo+ i le upu moni+ lea e ōgatusa ma le faamaoni i le Atua+  e faavae i le faamoemoe o le ola e faavavau+ lea na folafola mai i aso anamua+ e le Atua, e lē mafai ona tala pepelo,+  ma i lana taimi e tatau ai, na ia faaalia mai ai lana afioga e ala i le talaʻiga lea na tuuina+ mai iā te aʻu, e tusa ma le faatonuga a le Atua lo tatou Faaola;+  o le tusi lenei iā Tito le atalii moni,+ e tusa ai ma le faatuatua ua tatou talitonu uma i ai: Tau ina ia iai le agalelei faifua ma le filemu mai i le Atua le Tamā,+ ma lo tatou Faaola o Keriso Iesu.+  O le mea lea na ou tuua ai oe i Kereta,+ ina ia e faasaʻoina mea sa faalētonu, ma ia e tofia+ ni toeaina i lea aai ma lea aai e pei ona ou faatonu atu ai iā te oe;+  afai e iai se tane e lē taʻuleagaina,+ o se tane e tasi le avā,+ e talitonu lana fanau ma e lē tuuaʻia foʻi i latou i amioga valea pe e lē taupulea.+  Auā e lē tatau ona taʻuleagaina+ se ovasia ona o ia o se auauna pule+ a le Atua, e lē lotomaaa,+ e lē maitaita,+ e lē o sē e onā ma faamisa,+ e lē o sē e fasi tagata,+ e lē o sē e matapeʻapeʻa i mea e maua e ala i faiga faapiʻopiʻo,+  ae e talimālō,+ e fiafia i amioga lelei, e mafaufau lelei,+ e amiotonu, e faamaoni,+ e amio pulea,+  e taofimau i upu faamaoni e tusa ai ma lona tomai e aʻoaʻo atu,+ ina ia mafai ona ia apoapoaʻi atu e ala i aʻoaʻoga e aogā,*+ ma aʻoaʻi+ i ē e tetee mai. 10  Auā e toʻatele tagata e amio lē taupulea, o ē e tautatala i mea e lē aogā,+ ma ē e faasesē i mafaufau o isi, aemaise na tamāloloa o ē e tausisi i le peritomeina.+ 11  E tatau ona punitia gutu o i latou na, auā o tagata na ua latou faaleagaina pea le faatuatua o aiga+ atoa i lo latou aʻoaʻo atu o mea e lē tatau ona latou aʻoaʻoina atu ona o le fia maua o mea e ala i faiga faapiʻopiʻo.+ 12  Ua faapea mai se tasi o i latou, o lo latou lava perofeta* ua faapea mai: “E pepelo i taimi uma tagata Kereta, o ni manufeʻai mataʻutia,+ o ni ē e lē fia galulue ma e soona aai.” 13  E moni lenei molimau. O le mea lea, ia e matuā aʻoaʻi atu pea iā i latou,+ ina ia latou malolosi+ i le faatuatua, 14  ma aua neʻi uaʻi atu i tala o le vavau+ a tagata Iutaia, ma poloaʻiga a tagata+ o ē ua liliuese mai i le upu moni.+ 15  E mamā mea uma i tagata e mamā o latou mafaufau.+ Ae e leai se mea e mamā i tagata e palapalā+ o latou mafaufau ma e leai se faatuatua,+ a ua palapalā o latou mafaufau ma lotofuatiaifo.+ 16  Ua latou taʻutino atu i luma o tagata ua latou iloa le Atua,+ ae peitaʻi, ua latou faafitia o ia e ala i a latou galuega,+ auā ua inosia i latou ma ua lē usiusitaʻi, ma ua lē taliaina+ mo so o se galuega lelei.

Faamatalaga Pito i Lalo

 Po o “aʻoaʻoga e malosi ai.”
 O le tala lenā a le fatusolo e igoa iā Epimenite, o se tagata Kereta na ola i le senituri lona 6 T.L.M.