Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Teuteronome 9:1-29

9  “Isaraelu e, faalogo mai ia, o le a e sopoʻia atu Ioritana+ i le aso nei ina ia e alu atu ma faatoʻilaloina nuu e sili ona toʻatele ma malolosi nai lo o oe,+ ma aai tetele ma malupuipuia e oo i le lagi,+  o tagata e malolosi ma uumi, o atalii o Anakima,+ o ē ua e iloa ma ua e faalogo i se tala e faapea, ‘O ai se e mafai ona tū atu i luma o atalii o Anaki?’  Ua e iloa lelei i le aso nei, e muamua ona sopo atu Ieova lou Atua iā te oe.+ O ia lea o le afi e faaumatia ai.+ E na te faaumatia i latou,+ e na te faatoʻilaloina foʻi i latou i ou luma; e ao ona e vave faatoʻilaloina ma faaumatia i latou, e pei ona fetalai mai ai Ieova iā te oe.+  “Pe a tuliesea e Ieova lou Atua i latou mai i ou luma, aua e te faapea ifo i lou loto, ‘O laʻu amiotonu ua ala ai ona aumai aʻu i inei e Ieova e fai mo aʻu lenei laueleele,’+ peitaʻi o amioga leaga a ia nuu ua ala ai ona tuliesea e Ieova i latou mai i ou luma.+  E lē ona o lau amiotonu+ po o le saʻo o lou loto+ e te alu atu ai ma fai mo oe lo latou laueleele; ae ona o amioga leaga a nei nuu e aveesea ai e Ieova lou Atua i latou mai i ou luma,+ ina ia faataunuu ai afioga ia na tautō ai Ieova i ou augātamā o Aperaamo,+ o Isaako,+ ma Iakopo.+  E ao ona e iloa e lē ona o lau amiotonu o le a avatu ai e Ieova lou Atua iā te oe lea laueleele lelei e fai mo oe; auā o oe o le nuu faauamaaa.+  “Ia manatua: Aua neʻi galo mea na e faaita ai Ieova lou Atua i le toafa.+ E mai i le aso na e alu ese ai mai i Aikupito seʻia outou oo mai i lenei nofoaga, o a outou amioga ua outou fouvale ai iā Ieova.+  Na outou faaita foʻi iā Ieova i Horepa ma na matuā toʻatamaʻi ai Ieova iā te outou, ma toetoe a faaumatia ai outou.+  Ina ua ou alu aʻe i le mauga e talia papamaa,+ o papamaa ia o le feagaiga lea na osia e Ieova ma outou,+ ma na ou nofo pea i le mauga i ao e fā sefulu ma pō e fā sefulu,+ (ou te leʻi ʻai i se meaʻai pe inu i se vai,) 10  ona tuuina mai lea e Ieova iā te aʻu o papamaa e lua ia na tusia e le aao*+ o le Atua; na iai foʻi afioga uma na fetalai mai ai Ieova iā te outou i le mauga mai i totonu o le afi i le aso na faapotopoto ai le faapotopotoga.+ 11  Ina ua uma ao e fā sefulu ma pō e fā sefulu, ona tuuina mai lea e Ieova iā te aʻu o papamaa e lua, o papamaa ia o le feagaiga;+ 12  ona fetalai mai lea o Ieova iā te aʻu, ‘Ia e tulaʻi ma faatopetope ona e alu ifo i lalo auā ua leaga tele le mea ua faia e le nuu na e aumai mai i Aikupito.+ Ua vave ona latou liliuese mai i le ala na ou poloaʻi atu ai iā i latou. Ua latou faia se tupua uʻamea mo i latou lava.’+ 13  Na fetalai atili mai Ieova iā te aʻu e faapea, ‘Ua ou iloa lenei nuu, faauta foʻi! o se nuu e faauamaaa.+ 14  Aua le taofia aʻu mai i le faaumatiaina+ o i latou ma soloiesea o latou igoa mai i lalo o le lagi,+ ae seʻi oʻu faia oe ma nuu e sili ona malosi ma toʻatele ou tagata nai lo o i latou.’+ 15  “Mulimuli ane, na ou liliu ma alu ifo mai i le mauga, a o mū le mauga i le afi;+ ma na uu i oʻu lima papamaa e lua o le feagaiga.+ 16  Ona ou iloa atu lea, na outou agasala iā Ieova lo outou Atua! Na outou faia se tamaʻi povi uʻamea mo outou lava.+ Na vave ona outou liliuese mai i le ala na poloaʻi mai ai Ieova iā te outou.+ 17  Na ou uu papamaa e lua ma togi i lalo mai i oʻu lima ma na nutililii a o outou vāai i ai.+ 18  Ona ou faapaʻū faō lea i luma o Ieova, i ao e fā sefulu ma pō e fā sefulu e pei ona faia muamua. Ou te leʻi ʻai i se meaʻai pe inu i se vai,+ ona o a outou agasala uma na outou faia ina ua outou faia mea leaga i le silafaga a Ieova ma faatigā ai i lona finagalo.+ 19  Auā na ou fefe ona o le toʻasā tele o Ieova lea na toʻatamaʻi ai iā te outou ma toetoe a faaumatia ai outou.+ Ae peitaʻi na faafofoga mai Ieova iā te aʻu i lenā foʻi taimi.+ 20  “Na matuā toʻatamaʻi foʻi Ieova iā Arona na toetoe a faaumatia ai o ia;+ ae na ou faatoga+ foʻi mo Arona i lenā taimi. 21  Na ou tago i le mea na outou agasala ai, o le tamaʻi povi+ lea, ma ou susunuina i le afi ma tuʻininiia, ma matuā olo seʻia oo ina pei o le pefu; mulimuli ane na ou togi lea pefu i le vaitafe na tafe mai i le mauga.+ 22  “Na outou matuā faaita+ foʻi Ieova i Tapara,+ i Mase+ ma Kiperota-atava.+ 23  Ina ua aauina atu outou e Ieova mai i Katesapanea,+ na ia fetalai mai, ‘Ia outou ō aʻe ma fai mo outou le laueleele o le a ou tuuina atu iā te outou!’ ona outou fouvale lea i le faatonuga a Ieova lo outou Atua,+ na outou lē faatuatua+ iā te ia ma lē faalogo foʻi i lona siʻufofoga.+ 24  O la outou masani o le fouvale lea iā Ieova,+ talu mai lava le aso muamua na ou iloa ai outou. 25  “Na ou faapaʻū faō pea i luma o Ieova i ao e fā sefulu ma pō e fā sefulu,+ na ou faapaʻū faō faapea talu ai na finagalo Ieova e faaumatia outou.+ 26  Ona ou faatoga+ atu lea iā Ieova ma faapea atu, ‘Ieova e, le Alii Pule Silisili Ese, ia aua neʻi e faaumatia lou nuu, o au lava oloa,+ o ē na e laveaʻiina i lou mana tele, o ē na e aumaia mai i Aikupito+ i le aao malosi.+ 27  Ia e manatua au auauna o Aperaamo, o Isaako ma Iakopo.+ Aua neʻi e amanaʻiaina le loto malō o lenei nuu ma a latou amioga leaga, ma a latou agasala,+ 28  ina neʻi faapea mai tagata o le atunuu+ lea na e aumai ai i matou e faapea: “Ona ua lē mafai e Ieova ona avatu i latou i le laueleele lea na ia folafola e avatu iā i latou, ma talu ai na ia ʻinoʻino iā i latou na ia aveese ai i latou mai i inei ina ia fasiotia i latou i le toafa.”+ 29  Ae o i latou o lou lava nuu ma au lava oloa,+ o ē na e aumaia i lou mana tele ma lou aao faaloaloa.’+

Faamatalaga Pito i Lalo

I le gagana Eperu, “o le tamatamaʻilima o le Atua.”