Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Teuteronome 8:1-20

8  “O poloaʻiga uma ua ou poloaʻi atu ai iā te oe i le asō, e ao ona outou tōʻaaga e tausia+ ina ia outou ola ai pea+ ma faatoʻateleina ai, ma ō atu ma fai mo outou le laueleele lea na tautō ai Ieova i o outou augātamā.+  E ao ona e manatua le ala na tuu ai oe e Ieova lou Atua e te savali ai i le toafa+ mo tausaga e fā sefulu, ina ia aʻoaʻoina ai oe ia lotomaulalo,+ e tofotofoina+ ai oe ina ia iloa mea o i lou loto,+ pe e te tausia ana poloaʻiga pe leai.  Na ia faamaulaloina oe ma tuu oe ia matelāina,+ ma fafaga iā te oe i le manai+ lea e te leʻi masani ai pe masani ai foʻi ou augātamā; ina ia e iloa ai e lē na o meaʻai e ola ai le tagata, ae o afioga uma e tulei mai i le fofoga o Ieova e ola ai le tagata.+  E leʻi pala lou ofu lea na ofu, e leʻi fulafula foʻi ou vae i na tausaga e fā sefulu.+  Ua e iloa foʻi i lou lava loto, e pei ona faasaʻo e se tamāloa o lona atalii, e faapena foʻi ona faasaʻo oe e Ieova lou Atua.+  “E ao ona e tausia poloaʻiga a Ieova lou Atua e ala i le savali i ona ala+ ma mataʻu iā te ia.+  Auā e avatu oe e Ieova lou Atua i le laueleele lelei,+ o le laueleele e tele ai vanu ua iai vaitafe, o vaipuna ma vai loloto o loo puna aʻe i vanu laugatasi+ ma vaega maugā,  o le laueleele e tele ai saito, o karite, o vine, o mati ma rimoni,+ o le laueleele e iai laau olive e fai ai suāuu ma le meli,+  o le laueleele e te ʻai ai i meaʻai ma e lē oge lava, e te lē mativa ai i se mea e tasi, o le laueleele e maua ai maa e tumu i uʻamea, ma e te eli ai foʻi le ʻapamemea i ona mauga. 10  “Pe a e ʻai ma e maʻona ai,+ e ao ona e faamamaluina+ Ieova lou Atua, ona o le laueleele lelei ua ia avatu iā te oe.+ 11  Ia leoleo oe iā te oe lava neʻi galo+ iā te oe Ieova lou Atua ma e lē tausia ai ana poloaʻiga, o ana iʻuga o faamasinoga, o ana tulafono ua ou poloaʻi atu ai iā te oe i le asō;+ 12  neʻi e ʻai ma e maʻona ma e fausia ni fale mananaia ma e nofo ai,+ 13  ma faateleina au lafu povi ma lafu mamoe, ma faateleina foʻi au siliva ma auro, ma faateleina au mea uma lava; 14  ma faamaualugaina ai lou loto+ ma galo ai iā te oe Ieova lou Atua, o lē na aveesea oe mai i Aikupito, mai i le mea sa nofo pologa ai;+ 15  o lē na māfua ai ona e savali i le toafa telē ma matuā mataʻutia,+ na iai gata feʻai,+ o akarava ma le laueleele naumati e leai se vai; o lē na faatafe mai le vai mai i le papa malō mo oe;+ 16  o lē na fafagaina oe i le manai+ i le toafa, lea na lē masani ai ou augātamā, ina ia faamaulaloina oe+ ma ina ia tofotofoina ai oe mo lou lava lelei i aso o i luma;+ 17  ma e faapea ifo i lou loto, ‘O loʻu lava malosi ma le malosi o ou lima ua ou mauʻoa ai.’+ 18  E ao ona e manatua Ieova lou Atua, auā o ia na avatua le malosi iā te oe e mauʻoa ai;+ ina ia tausia lana feagaiga na ia tautō ai i ou augātamā, e pei ona ia faia e oo mai i le asō.+ 19  “Afai e galo lava iā te oe Ieova lou Atua, ma e mulimuli atu i isi atua ma auauna iā i latou ma ifo iā i latou, ou te taʻutino atu iā te outou i le asō, o le a faaumatia lava outou.+ 20  E pei o nuu ia o le a faaumatia e Ieova mai i o outou luma, o le a faapena foʻi ona faaumatia outou, auā tou te lē faalogo lava i le siʻufofoga o Ieova lo outou Atua.+

Faamatalaga Pito i Lalo