Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Teuteronome 4:1-49

4  “O lenei, Isaraelu e, inā faalogo mai ia i tulafono ma iʻuga o faamasinoga ia ua ou aʻoaʻo atu ai iā te outou e fai, ina ia outou ola+ ma ō atu ma fai mo outou le laueleele lea o le a avatu e Ieova le Atua o outou augātamā iā te outou.  Aua tou te faaopoopo se upu i upu ua ou poloaʻi atu ai iā te outou, aua foʻi neʻi outou toese se upu mai i ia upu,+ ina ia tausia ai poloaʻiga a Ieova lo outou Atua ua ou poloaʻi atu ai iā te outou.  “Na vāai lava o outou mata i mea na faia e Ieova e tusa ma le mataupu iā Paala o Peoro.+ Na fasiotia e Ieova lo outou Atua mai iā te outou o tagata uma na mulimuli iā Paala o Peoro.+  Ae o outou o ē ua pipii+ atu iā Ieova lo outou Atua, o loo ola uma outou i le asō.  Vaai, ua ou aʻoaʻoina outou i tulafono+ ma iʻuga o faamasinoga+ e pei ona poloaʻi mai ai Ieova loʻu Atua iā te aʻu, ina ia outou faia faapea i totonu o le laueleele lea o le a fai mo outou.  E ao ona outou tausia ma faia ia mea, auā o se faaiʻuga atamai+ lo outou faia faapea ma e faaalia ai foʻi lo outou malamalama+ i luma o tagata o ē o le a faalogo i ia tuutuuga uma ma faapea ane, ‘E matuā atamamai ma malamalama tagata o lenei nuu malosi ma matuā toʻatele.’+  Po o fea ea se nuu+ malosi ma matuā toʻatele ua faalatalata i ai o latou atua, e pei o Ieova lo tatou Atua o lē ua latalata mai i mea uma lava ua tatou valaau atu ai iā te ia?+  Po o fea foʻi se nuu malosi ma matuā toʻatele ua iai ni tuutuuga amiotonu ma iʻuga o faamasinoga e pei o lenei tulafono uma ua ou folasia i o outou luma i le asō?+  “Ia e leoleo iā te oe lava ma tausi lelei iā te oe,+ ina ia aua neʻi galo iā te oe mea na vaai i ai ou mata+ ma aua neʻi teʻa ese mai i lou loto i aso uma o lou olaga;+ e ao ona e faailoa atu ia mea i lau fanau ma fanau a lau fanau,+ 10  o mea na tutupu i le aso na e tū ai i luma o Ieova lou Atua i Horepa,+ ina ua fetalai mai Ieova iā te aʻu, ‘Ia faapotopoto le nuu iā te aʻu ina ia latou faalogo mai i aʻu upu,+ ma latou aʻoaʻo ai ina ia matataʻu+ iā te aʻu i aso uma e ola ai i le fogāeleele ma aʻoaʻo ai o latou atalii.’+ 11  “Ona outou faalatalata atu lea ma tutū i le auvae o le mauga, ma na mū le mauga i le afi lea na oo atu i le vanimonimo; na pogisa, na iai foʻi ao ma na matuā uliuli lava.+ 12  Ona fetalai mai lea o Ieova iā te outou mai i totonu o le afi.+ E na o upu na outou faalogo i ai ae leai se tino+ na outou vāai i ai, ae e na o le siʻufofoga.+ 13  Na ia fetalai mai iā te outou e tusa ma lana feagaiga,+ lea na ia faatonuina ai outou ia faia Upu e Sefulu,*+ ona ia tusia lea o ia mea i papamaa e lua.+ 14  I lenā taimi na poloaʻi mai Ieova iā te aʻu e aʻoaʻo outou i tulafono ma iʻuga o faamasinoga, ina ia outou faia ia mea i le laueleele lea e tou te sopoʻia atu e fai mo outou.+ 15  “E ao ona outou leoleo iā te outou lava,+ auā na outou lē vāai i se tino+ i le aso na fetalai mai ai Ieova iā te outou i Horepa mai i totonu o le afi, 16  ina ia aua neʻi faia ni mea e faaleagaina ai+ ma aua neʻi faia mo outou ni tupua ua tā, po o se mea e foliga i se faatusa, o se faatusa o se tane po o se fafine,+ 17  o se faatusa o so o se manu ua iai i le lalolagi,+ o se faatusa o so o se manulele o loo lele i le lagi,+ 18  o se faatusa o so se manu fetolofi ua iai i le eleele, o se faatusa o so o se iʻa+ i le sami po o le vai i lalo o le laueleele; 19  ma ia aua neʻi tepa aʻe i le lagi ma vaai atu i le lā, i le masina, i fetu, i ʻau uma o le lagi ma tosina ai oe e ifo atu i ia mea ma auauna i ai,+ o mea ia ua tuuina atu e Ieova lo outou Atua i tagata uma i lalo o le lagi atoa.+ 20  Ae o outou, na ave outou e Ieova ina ia aumaia outou mai i le ogaumu e tunu ai uʻamea,+ mai i Aikupito, ina ia avea outou ma ona lava tagata+ e pei ona iai i lenei aso. 21  “Na toʻatamaʻi Ieova iā te aʻu ona o outou,+ ma na ia tautō e faapea, ou te lē sopoʻia atu Ioritana, pe alu atu i le laueleele lelei o le a tuuina atu e Ieova lou Atua e fai ma ou tofi.+ 22  Auā ou te oti i lenei laueleele.+ Ou te lē sopoʻia Ioritana, ae e sopoʻia atu e outou, ma o le a fai mo outou lenā laueleele lelei. 23  Ia outou leoleo outou lava ina ia aua neʻi o outou faagaloina le feagaiga a Ieova lo outou Atua, lea na ia osia ma outou+ ma aua neʻi outou faia mo outou lava se tupua ua tā, o se faatusa o so o se mea lea ua faasā mai e Ieova lou Atua.+ 24  Auā o Ieova lou Atua, o le afi lea e faaumatia ai,+ o le Atua e finagalo e tapuaʻi atu tau lava o ia.+ 25  “Pe a oo ina fai ni au fanau ma fanau a lau fanau, ma ua leva foʻi ona outou nonofo i le laueleele, ma faia ni mea e faaleagaina ai+ i le faia o ni tupua ua tā,+ o se faatusa o so o se mea, ma faia mea leaga i le silafaga a Ieova lou Atua+ e faatigā ai i lona finagalo, 26  ou te faia le lagi ma le lalolagi ma molimau e faasaga iā te outou,+ o le a vave ona matuā faaumatia outou mai i le laueleele lea o le a outou sopoʻia atu ai Ioritana ina ia fai mo outou. E lē faaumiumi o outou aso i lea laueleele, auā o le a matuā faaumatia outou.+ 27  E faataapeapeina lava outou e Ieova i isi nuu,+ ma e toʻaitiiti+ outou e faatotoeina i nuu o le a tutuli i ai outou e Ieova. 28  O le a outou auauna i atua o ia nuu,+ o galuega ua faia i lima o tagata, o laau ma maa+ e lē mafai ona vāai, faalogo, ʻai pe sogisogi.+ 29  “Ae afai tou te saʻili atu iā Ieova lou Atua mai i inā, e tou te maua lava o ia,+ auā e te saʻili atu iā te ia ma lou lotoatoa ma lou ola atoa.+ 30  Pe afai e faataunuuina ia upu iā te oe ma ua faapuapuagatia ai oe i aso faaiʻu, ona e toe foʻi lea iā Ieova lou Atua+ ma faalogo i lona siʻufofoga.+ 31  Auā o Ieova lou Atua, o se Atua e alofa mutimutivale.+ E na te lē tuulafoaʻiina oe pe faaumatia oe pe faagaloina le feagaiga+ ma ou augātamā lea na ia tautō atu ai iā i latou. 32  “Faamolemole ia fesili atu e faatatau i aso anamua+ ia na iai e muamua atu iā te oe, talu mai le aso na foafoaina ai e le Atua le tagata i le lalolagi,+ ma e mai i le isi pito o le lagi e oo atu i le isi pito o le lagi, Pe na iai se isi mea na tupu e sili lona mataʻutia e pei o lenei mea po o se mea na faalogoina e pei o lenei mea?+ 33  Pe na faalogo se isi nuu i le siʻufofoga o le Atua o saunoa mai i totonu o le afi e pei ona e faalogo i ai ma ola pea?+ 34  Pe na gaoioi ea le Atua e afio mai ma ave se nuu mo ia lava mai i totonu o se isi atunuu i le faia o tofotofoga,+ ma faailoga,+ ma vavega,+ ma taua,+ ma le aao malosi,+ ma le aao faaloaloa+ ma mea mataʻutia tele lava,+ e pei o mea uma na faia e Ieova lo outou Atua mo outou i Aikupito a o outou vāai i ai? 35  Ua faailoa atu iā te oe lava, ina ia e iloa ai o Ieova o le Atua moni ia;+ e leai lava se isi e na o ia.+ 36  Na ia fetalai mai i le lagi ina ia mafai ona e faalogo i lona siʻufofoga ina ia aʻoaʻia ai oe; ma na ia faaalia lana afi tele i le lalolagi ina ia e vaai i ai, na e faalogo foʻi i ana fetalaiga mai i totonu o le afi.+ 37  “A o lenei ua e ola pea, auā na ia alofa i ou augātamā, o le mea lea na ia tofia ai a latou fanau ina ua mavae atu i latou,+ ma aveese oe mai i Aikupito i lona silasila mai ma lona mana tele,+ 38  ina ia tuliesea mai i ou luma o nuu e sili ona malolosi ma toʻatele iā te oe, ina ia avatu oe i lea mea ma tuuina atu iā te oe o latou laueleele e fai ma ou tofi e pei ona faia i le taimi nei.+ 39  Ua e iloa lelei i le asō, ma e tatau ona e toe manatua i lou loto o Ieova o le Atua moni i le lagi i lugā atoa ma le lalolagi i lalo nei.+ E leai lava se isi.+ 40  E tatau foʻi ona e tausia ana tulafono+ ma ana poloaʻiga ia ua ou poloaʻi atu ai iā te oe i le asō, ina ia sologa lelei ai mea i aso uma lava mo oe+ ma ou atalii pe a mavae atu oe, ma ia faaumiumi ai ou aso i le laueleele lea o le a avatu e Ieova lou Atua iā te oe.”+ 41  Ona faatulagaina lea e Mose o aai e tolu i le itu mai o Ioritana i le itu e oso aʻe ai le lā,+ 42  ina ia sola i ai le fasioti tagata paʻivalea o lē ua fasiotia lona tuaoi, e aunoa ma le fuafuaina+ e leʻi ʻinoʻino muamua iā te ia;+ ma e ao ona sola o ia i se tasi o ia aai ma ola ai,+ 43  o le aai o Peseri+ i le fanua maualuga laugatasi i le toafa mo le ituaiga o Reupena, o Ramota+ i Kiliata mo le ituaiga o Kato, ma Koleni+ i Vasana mo le ituaiga o Manase.+ 44  O le tulafono+ lenei na faataatia e Mose i luma o le fanauga a Isaraelu. 45  O faamanatuga,+ o tulafono+ ma iʻuga o faamasinoga+ na fai atu ai Mose i le fanauga a Isaraelu ina ua latou ō ese mai i Aikupito, 46  i le vaipanoa o Ioritana i le vanu i luma o Petepeoro,+ i le laueleele o Sekono le tupu o tagata Amorī, o lē sa nofo i Hesepona,+ o lē na faatoʻilaloina e Mose ma atalii o Isaraelu ina ua latou ō ese mai i Aikupito.+ 47  Ua fai mo latou lona laueleele ma le laueleele o Oko+ le tupu o Vasana, o tupu ia e toʻalua o tagata Amorī o ē na nonofo i le vaipanoa o Ioritana i le itu e oso aʻe ai le lā. 48  E amata mai i Aroeru+ lea e i le pito o le vanu o Arinona e oo atu i le Mauga o Seona, lea ua igoa foʻi o Heremoni,+ 49  e aofia ai foʻi ma Arapa+ i le vaipanoa o Ioritana agaʻi i sasaʻe, ma e oo atu i le sami o Arapa+ o loo i lalo ifo o malifa o Peseka.+

Faamatalaga Pito i Lalo

O lona uiga, o “Tulafono e Sefulu.”