Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Teuteronome 34:1-12

34  Ona alu aʻe lea o Mose mai i le fanua laugatasi o le toafa o Moapi i le Mauga o Nepo,+ i le tumutumu o Peseka+ lea e faafesagaʻi ma Ieriko.+ Ua faailoa mai e Ieova iā te ia le laueleele atoa, o Kiliata e oo atu i Tanu,+  ma Nafatali uma, o le laueleele o Efaraima ma Manase, ma le laueleele uma o Iuta e oo atu i le sami i sisifo,+  ma Nekepi+ ma le Itumalo o Ioritana,+ o le vanu laugatasi o Ieriko, le aai o laau pama+ e oo atu i Soara.+  Ua toe fetalai mai Ieova iā te ia: “O le laueleele lenei na ou tautō atu ai iā Aperaamo, o Isaako ma Iakopo e faapea, ‘Ou te avatu lea laueleele i lau fanau.’+ Ua ou faaali atu iā te oe ina ia vaai i ai ou mata auā e te lē sopo atu i inā.”+  Ona maliu ai lea o Mose le auauna a Ieova+ i inā i Moapi, e tusa ma le mea na fetalai mai ai Ieova.+  Ona ia* tanu lea o ia i le vanu i le laueleele o Moapi i luma o Petepeoro,+ ma e leai se isi ua iloa le mea ua iai lona tuugamau e oo mai i le asō.+  E selau lua sefulu tausaga o Mose na maliu ai.+ E leʻi puaoa lana vaai,+ ma e leʻi mou atu lona malosi.+  Ona fetagisi lea o le fanauga a Isaraelu ona o Mose i le fanua laugatasi o le toafa o Moapi mo aso e tolu sefulu.+ Mulimuli ane ona māeʻa ai lea o aso ua fetagisi ma faavauvau ai ona o Mose.  Ua tumu Iosua le atalii o Nuno i le agaga e atamai ai,+ auā na faaee lima o Mose i ona luga;+ ona faalogo lea o le fanauga a Isaraelu iā te ia ma faia e pei ona poloaʻi mai ai Ieova iā Mose.+ 10  E leʻi tulaʻi mai lava se perofeta i Isaraelu e pei o Mose,+ o lē na fesagaʻi ma Ieova,+ 11  e tusa ma faailoga ma vavega uma ia na auina atu ai o ia e Ieova e fai i le atunuu o Aikupito, iā Farao ma ana auauna uma ma lona atunuu atoa,+ 12  e tusa foʻi ma le lima malosi ma gaoioiga matuā mataʻutia na faatinoina e Mose i luma o Isaraelu uma lava.+

Faamatalaga Pito i Lalo

E foliga mai e faatatau atu i le Atua.