Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Teuteronome 30:1-20

30  “Pe a oo ina taunuu ia upu uma iā te oe, o le manuia+ ma le malaia+ ua ou tuuina atu i ou luma, ma e toe manatua foʻi ia mea i lou loto+ i nuu uma ua faataapeapeina i ai oe e Ieova lou Atua,+  e te toe foʻi atu iā Ieova lou Atua+ ma faalogo i lona siʻufofoga e tusa ma mea uma ua ou poloaʻi atu ai iā te oe i le asō, o oe ma ou atalii, ma lou lotoatoa ma lou ola atoa,+  e aumaia e Ieova lou Atua ou tagata na ave faapagota+ ma faaalia atu iā te oe le alofa mutimutivale,+ ma toe faapotopoto ai oe mai i nuu uma na faataapeapeina i ai oe e Ieova lou Atua.+  Afai o le a salalau solo ou tagata i tuluʻiga o le lagi, e faapotopoto e Ieova lou Atua oe mai i lenā mea ma e na te aumaia oe mai i inā.+  E avatu e Ieova lou Atua oe i le laueleele na nonofo ai ou augātamā, e fai mo oe lenā laueleele; ma o le a ia faia mea lelei iā te oe ma ia faatoʻateleina oe e sili atu i ou augātamā.+  O le a peritomeina e Ieova lou Atua lou loto+ ma loto o lau fanau,+ ina ia e alofa ai iā Ieova lou Atua ma lou lotoatoa ma lou ola atoa ina ia e ola ai.+  O le a faaoo e Ieova lou Atua ia malaia uma i luga o ou fili ma i latou uma e ʻinoʻino iā te oe, o ē na faasauā iā te oe.+  “A o oe, e te toe foʻi mai ma faalogo i le siʻufofoga o Ieova, ma tausia ana poloaʻiga uma ua ou poloaʻi atu ai iā te oe i le asō.+  O le a faapogaia e Ieova lou Atua ina ia lava ma totoe mea ua e maua i galuega a ou lima,+ i le fanauina o fanau, o fanau foʻi a au manu lalata,+ ma fua o lou fanua,+ ma iʻu ina faatamaoaigaina ai;+ auā o le a toe finagalo malie Ieova e faia mea lelei mo oe, e pei ona finagalo malie o ia i ou augātamā;+ 10  ona o le a e faalogo i le siʻufofoga o Ieova lou Atua, ma tausia ana poloaʻiga ma ana tulafono ua tusia i lenei tusi o le tulafono,+ auā o le a e toe foʻi iā Ieova lou Atua ma lou lotoatoa ma lou ola atoa.+ 11  “Auā e lē faigatā lenei poloaʻiga ua ou poloaʻi atu ai iā te oe i le asō pe mamao foʻi.+ 12  E lē o iai i le lagi lenei poloaʻiga ina ia faapea ane ai se tasi, ‘O ai e alu aʻe i le lagi mo i tatou ina ia aumaia lea mea mo i tatou, ina ia tatou faalogo i ai ma faia ia mea?’+ 13  E lē faapea o iai i le isi itu o le sami, ina ia faapea ane ai se tasi, ‘O ai e sopoʻia i le isi itu o le sami mo i tatou ina ia aumaia ai mo i tatou, ina ia tatou faalogo i ai ma faia ia mea?’ 14  auā ua matuā latalata mai iā te oe le upu, i lou lava gutu ma lou lava loto,+ ina ia e faia ai.+ 15  “Vaai, ua ou tuuina i ou luma i le asō le ola ma le manuia, o le oti foʻi ma le malaia.+ 16  [Afai e te faalogo i poloaʻiga a Ieova lou Atua] ia ua ou poloaʻi atu ai iā te oe i le asō, ina ia alofa iā Ieova lou Atua+ ma savali i ona ala ma tausia ana poloaʻiga,+ o ana tulafono, ma iʻuga o ana faamasinoga,+ ona e ola ai pea+ lea ma faatoʻateleina ai, ma o le a faamanuia oe e Ieova lou Atua i le laueleele lea e te alu atu i ai e fai mo oe.+ 17  “Afai e liliuese lou loto ma e lē faalogo,+ ma e faasesēina oe ina ia e ifo i isi atua ma e auauna i ai,+ 18  ou te fai atu iā te outou i le asō, o le a faaumatia lava outou.+ O le a lē faaumiumi o outou aso i le laueleele o le a e sopoʻia ai Ioritana e te alu atu i ai e fai mo oe. 19  Ou te faia le lagi ma le lalolagi ma molimau e faasagatau iā te outou i le asō,+ ou te tuuina atu le ola ma le oti i ou luma,+ o le manuia+ ma le malaia;+ ma ia e filifili i le ola ina ia e ola ai pea,+ o oe ma lau fanau,+ 20  e ala i le alofa iā Ieova lou Atua,+ e ala i le faalogo i lona siʻufofoga ma pipii atu iā te ia;+ auā o ia e tuuina mai lou ola ma le tele o ou aso,+ ina ia e nofo ai i le laueleele lea na tautō ai Ieova i ou augātamā o Aperaamo, o Isaako ma Iakopo e avatu iā i latou.”+

Faamatalaga Pito i Lalo