Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Teuteronome 3:1-29

3  “Ona tatou liliu lea ma ō aʻe i le ala e tau atu i Vasana. O le mea lea na sau ai Oko+ le tupu o Vasana, o ia ma ona tagata uma ina ia faafetaui i tatou e tau ai le taua i Eterei.+  Ua fetalai mai Ieova iā te aʻu: ‘Aua e te fefe iā te ia,+ auā ou te tuuina atu o ia i lou lima atoa ma ona tagata uma ma ona laueleele; e te faia iā te ia le mea e pei ona e faia iā Sekono+ le tupu o tagata Amorī, o lē sa nofo i Hesepona.’  Ona tuuina mai foʻi lea e Ieova lo tatou Atua i o tatou lima o Oko le tupu o Vasana ma ona tagata uma, ma na tatou fasiotia i latou seʻia oo ina lē toe iai se isi na totoe iā te ia.+  Na tatou ō atu ma faoa ona aai uma i lenā taimi. E leai so latou aai na tatou lē faoa, e ono sefulu aai,+ o le vaipanoa atoa o Arakopo,+ le malo o Oko i Vasana.+  Ua malupuipuia ia aai uma i pā maualuluga, o faitotoʻa ma pou faalava i ia faitotoʻa, atoa ma nuu e tele i tua.  Peitaʻi na tatou matuā faaumatia+ ia mea uma e pei ona tatou faia iā Sekono le tupu o Hesepona, na matuā faaumatia aai uma, atoa ma tane, o fafine ma fanau.+  Na tatou ave foʻi mo i tatou lava o manu lalata uma ma mea na faoa mai i ia aai.+  “Ona tatou avea lea i lenā taimi o le laueleele mai i lima o tupu e toʻalua o tagata Amorī+ o ē na nonofo i le vaipanoa o Ioritana, mai i le vanu o Arinona+ seʻia oo atu i le Mauga o Heremoni;+  (na masani ona taʻua e tagata Saitonu Heremoni o Siriona,+ ae na taʻua e tagata Amorī o Senira,)+ 10  o aai uma lava i le fanua maualuga laugatasi ma Kiliata uma atoa ma Vasana e oo atu i Saleka+ ma Eterei;+ o aai ia o le malo o Oko i Vasana. 11  O Oko le tupu o Vasana o le tagata mulimuli lea o tagata Rafaimi.+ Tagaʻi foʻi! O lona moega* o le moega uʻamea. Pe e lē o iai ea i Rapa+ o le aai lea o atalii o Amoni? E iva kupita* le umi ae e fā kupita le lautele, e fua i le kupita masani. 12  O le laueleele lea sa fai mo i tatou i na ona pō; ua ou tuu atu le laueleele e amata mai i Aroeru,+ lea e latalata i le vanu o Arinona, ma le ʻafa o vaega maugā o Kiliata ma ona aai, i tagata o le ituaiga o Reupena ma i latou o le ituaiga o Kato.+ 13  A ua ou tuu atu le vaega uma o totoe o Kiliata+ ma Vasana+ uma o le malo o Oko, i le ʻafa o le ituaiga o Manase. Pe e lē o taʻua ea o vaipanoa uma o Arakopo,+ o Vasana uma lava, o le laueleele lea o tagata Rafaimi?+ 14  “Na ave e Iairo+ le atalii o Manase le vaipanoa uma o Arakopo+ e oo atu i le tuaoi o tagata Kasuri,+ ma tagata Maakati,+ ma na ia faaigoaina ai na nuu o Vasana i lona lava igoa, o Havota-iairo+ seʻia oo mai i le asō. 15  Ua ou avatu iā Makiro+ o Kiliata.+ 16  Ua ou avatu i tagata o le ituaiga o Reupena+ ma i latou o le ituaiga o Kato le laueleele e amata mai i Kiliata+ e oo i le vanu o Arinona. E tuaoi i le ogatotonu o le vanu, ua ou tuu atu foʻi seʻia oo atu i Iapoka le vanu lea ua fai ma tuaoi o atalii o Amoni;+ 17  ma Arapa, ma Ioritana ma ona auvai, e mai i Kinereta+ e oo atu i le sami o Arapa, o le Sami Oona lea,+ o loo i lalo ifo o malifa o Peseka+ i le itu e oso aʻe ai le lā. 18  “O lea taimi na ou faatonuina ai outou tane e faapea, ‘Ua tuuina atu iā te outou e Ieova lo outou Atua lenei laueleele e fai mo outou. E tou te ō atu i ai ma ua lava saunia mo le taua i luma o o outou uso, o atalii o Isaraelu, o tane totoa uma.+ 19  Ae o le a nonofo pea a outou avā ma a outou fanau ma a outou manu (ua ou iloa ua anoanoaʻi a outou manu) i o outou aai ua ou foaʻiina atu iā te outou,+ 20  seʻia avatu e Ieova i o outou uso le mapusaga faapea ma outou, ua fai foʻi ma i latou le laueleele lea na tuuina mai e Ieova lo outou Atua iā i latou i le isi itu o Ioritana; a mavae ona outou toe foʻi mai lea, e taʻitasi ma le mea na ou avatu iā te outou e fai ma ona tofi.’+ 21  “O lea taimi na ou poloaʻi ai iā Iosua+ e faapea, ‘Na vaai ou mata i mea uma na faia e Ieova lo outou Atua i ia tupu e toʻalua. O le a faapea foʻi ona faia e Ieova i malo ia o le a outou ui atu i ai.+ 22  O outou tane, aua tou te fefefe iā i latou, auā o Ieova lo outou Atua o ia e tau mo outou.’+ 23  “I lenā taimi na ou ʻaiʻoi atu ai iā Ieova ina ia finagalo malie mai, ua faapea atu, 24  ‘Ieova e, le Alii Pule Silisili Ese, ua oo ina e faaalia mai i lau auauna lou mamalu tele+ ma lou aao malosi,+ auā o ai se atua i le lagi po o le lalolagi e gaoioi e pei o oe ma na te faia galuega mamana e pei ona e faia?+ 25  Faamolemole seʻi e faataga mai aʻu ou te alu atu ma vaavaai i le laueleele lelei+ i le isi itu o Ioritana, o le laueleele maugā lauolaola+ ma Lepanona.’+ 26  Ae na matuā toʻasā pea Ieova iā te aʻu ona o outou+ ma e leʻi faafofoga mai iā te aʻu; ae ua fetalai mai Ieova iā te aʻu, ‘Ua lava lea! Aua neʻi e toe fai mai iā te aʻu i lea mataupu. 27  Ia e alu aʻe i le tumutumu o Peseka+ ma tepa aʻe i le itu i sisifo, i mātū, i saute ma sasaʻe ma vaai i ai ou mata, auā e te lē sopoʻia atu lava i le isi itu o lenei Ioritana.+ 28  Ia tofia Iosua e fai ma taʻitaʻi,+ ia faalaeiauina ma faamalosia o ia, auā o ia e alu atu i luma o lenei nuu,+ o ia foʻi e taʻitaʻiina i latou i le laueleele e fai ma o latou tofi lea e te vaai atu i ai.’+ 29  Ae o loo tatou nonofo pea i le vanu i luma o Petepeoro.+

Faamatalaga Pito i Lalo

O se moega e tuu ai luga se tino maliu.
E tusa le kupita ma le 44.5 senitimita (17.5 inisi).