Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Teuteronome 27:1-26

27  Ona poloaʻi atu lea o Mose ma toeaina o Isaraelu i le nuu e faapea: “E ao ona outou tausia poloaʻiga uma ua ou poloaʻi atu ai iā te outou i le asō.+  Pe a oo i le aso tou te sopo atu ai Ioritana+ ma ō atu i le laueleele ua tuuina mai e Ieova lou Atua iā te oe, e ao ona e faatūina mo oe ni maa tetele ma vali paʻepaʻe.*  E ao ona e tusia i ia maa o upu uma o lenei tulafono,+ pe a e sopo atu+ ina ia e oo atu i le laueleele ua tuuina mai e Ieova lou Atua iā te oe, o se laueleele o loo tafe ai le suāsusu ma le meli, e tusa ma fetalaiga a Ieova le Atua o ou augātamā iā te oe.+  Pe a outou sopoʻia atu i Ioritana, ia outou faatutūina nei maa e pei ona ou poloaʻi atu ai iā te outou i le asō, i le Mauga o Evalu,+ ma ia e vali nei maa i le vali paʻepaʻe.+  E ao ona e faia se fata faitaulaga i inā iā Ieova lou Atua, o le fata e fai i maa. Aua e te faaaogā ai se mea faigaluega uʻamea i nei maa.+  Ia e fausia le fata faitaulaga o Ieova lou Atua i maa atoatoa, ia e ofoina atu foʻi taulaga mū iā Ieova lou Atua i luga o lea fata faitaulaga.+  E ao ona e faia ai foʻi taulaga o taulaga faifaatasi+ ma ʻai ai i inā,+ ia e fiafia i luma o Ieova lou Atua.+  Ia e tusia i nei maa o upu uma o lenei tulafono,+ ia manino lelei ona tusia.”+  Ona fai atu lea o Mose ma ositaulaga, o le ʻau sa Levī iā Isaraelu uma e faapea: “Isaraelu e, ia fifilemu ma faalogo mai. O le asō ua avea ai oe ma nuu o Ieova lou Atua.+ 10  Ia e faalogo i le siʻufofoga o Ieova lou Atua ma tausia ana poloaʻiga+ ma ana tulafono,+ ua ou poloaʻi atu ai iā te oe i le asō.” 11  Ona toe poloaʻi atu lea o Mose i le nuu i lenā aso e faapea: 12  “O i latou nei o le a tutū i le Mauga o Keresema+ e faamanuia atu i le nuu pe a outou sopoʻia atu Ioritana: O Simeona, o Levi, o Iuta, o Isakara, o Iosefa ma Peniamina. 13  A o i latou nei o le a tutū i le Mauga o Evalu+ e faamalaia+ atu: O Reupena, o Kato, o Asera, o Sepulona, o Tanu ma Nafatali. 14  E ao i le ʻau sa Levī ona faapea atu ma le leotetele i tagata uma o Isaraelu:+ 15  “ ‘E malaia le tagata na te faia se faatusa ua tā,+ po o se tupua uʻamea,+ o le mea lea e inosia e Ieova,+ o le galuega a lima o se tufuga,+ ma na ia tuu ai i se mea lilo.’ (E ao i tagata uma ona tali mai e faapea, ‘Amene!’*)+ 16  “ ‘E malaia le tagata e manatu faatauvaa i lona tamā po o lona tinā.’+ (E ao i tagata uma ona tali mai e faapea, ‘Amene!’) 17  “ ‘E malaia le tagata e na te tuu i tua le pine o le tuaoi a lona uso a tagata.’+ (E ao i tagata uma ona tali mai e faapea, ‘Amene!’) 18  “ ‘E malaia le tagata e na te faasesēina le mea e alu i ai le tauaso.’+ (E ao i tagata uma ona tali mai e faapea, ‘Amene!’) 19  “ ‘E malaia le tagata e na te faapiʻopiʻo+ ona faia le faamasinoga+ o le tagata ese e aumau,+ o le tama e leai se tamā ma le fafine ua oti lana tane.’+ (E ao i tagata uma ona tali mai e faapea, ‘Amene!’) 20  “ ‘E malaia le tamāloa e momoe ma le avā a lona tamā, auā ua ia aveese le ʻie o lona tamā.’+ (E ao i tagata uma ona tali mai e faapea, ‘Amene!’) 21  “ ‘E malaia le tagata e momoe ma se manu.’+ (E ao i tagata uma ona tali mai e faapea, ‘Amene!’) 22  “ ‘E malaia le tamāloa e momoe ma lona tuafafine, o le afafine a lona tamā po o le tama teine a lona tinā.’+ (E ao i tagata uma ona tali mai e faapea, ‘Amene!’) 23  “ ‘E malaia le tagata e momoe ma le tinā o lana avā.’+ (E ao i tagata uma ona tali mai e faapea, ‘Amene!’) 24  “ ‘E malaia le tagata e na te faapō ma fasiotia lona tuaoi.’+ (E ao i tagata uma ona tali mai e faapea, ‘Amene!’) 25  “ ‘E malaia le tagata e na te taliaina se foaʻi ina ia fasiotia se isi tagata, o lē e lē sala.’+ (E ao i tagata uma ona tali mai e faapea, ‘Amene!’) 26  “ ‘E malaia le tagata e lē faamamaluina upu o lenei tulafono ona e lē o usiusitaʻi i ai.’+ (E ao i tagata uma ona tali mai e faapea, ‘Amene!’)

Faamatalaga Pito i Lalo

O lona uiga, “o le vali paʻepaʻe e fai mai i ʻamu ma atigi figota e vali ai fale.”
Po o “ia faapea lava ona fai.”