Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Teuteronome 26:1-19

26  “Pe a oo ina e ulu atu i le laueleele e tuuina mai e Ieova lou Atua e fai ma ou tofi, ua fai mo oe ma ua e nofo ai,+  e ao foʻi ona e aumai ni uluaʻi fua+ o fua uma o le laueleele, e te aumai mai i lou laueleele ua tuuina mai e Ieova lou Atua iā te oe, ma e ao ona e tuu i totonu o se ato ma alu atu i le nofoaga o le a filifilia e Ieova lou Atua e tuu ai lona suafa.+  Ia e alu atu i le ositaulaga+ o lē o le a auauna i lenā aso ma faapea atu iā te ia, ‘E ao ona ou faailoa atu i le aso nei iā Ieova lou Atua, ua ou oo mai i le laueleele lea na tautō ai Ieova i o tatou augātamā e tuuina mai iā i tatou.’+  “Ona talia lea e le ositaulaga o le ato mai i lou lima ma tuu i luma o le fata faitaulaga o Ieova lou Atua.  E ao ona e tali atu ma faapea atu i luma o Ieova lou Atua, ‘O loʻu tamā o se Suria na toetoe a oti;+ na alu atu o ia i Aikupito+ ma aumau ai i inā o se tagata ese faatasi ma ni nai tagata toʻaitiiti;+ ae ua oo ina avea ma nuu tele, e malosi ma e matuā toʻatele.+  Na sauāina i tatou e tagata Aikupito ma faapuapuagatia i tatou ma faafaigaluegaina i tatou i galuega matuā mamafa.+  Ona tatou alalaga atu lea iā Ieova le Atua o o tatou augātamā+ ma na faafofoga mai Ieova i o tatou leo,+ ma silasila mai i o tatou puapuaga, i o tatou tigā ma le sauāina o i tatou.+  Mulimuli ane na aveese e Ieova i tatou mai i Aikupito i le aao malosi,+ i le aao faaloaloa+ ma le mataʻutia tele,+ i faailoga ma vavega.+  Ona ia aumaia lea o i tatou i lenei nofoaga ma tuuina mai iā i tatou lenei laueleele, o se laueleele o loo tafe ai le suāsusu ma le meli.+ 10  O lenei ua ou aumaia uluaʻi fua o fua o le laueleele ua tuuina mai e Ieova iā te aʻu.’+ “E ao foʻi ona e tuu atu ia mea i luma o Ieova lou Atua ma ifo i luma o Ieova lou Atua.+ 11  Ia e fiafia+ i mea lelei uma ua tuuina mai e Ieova lou Atua iā te oe ma lou aiga, o oe, o le sa Levī ma le tagata ese ua aumau iā te oe.+ 12  “Pe a uma ona e aoaoina le sefuluaʻi+ o au faaeleeleaga uma i le tausaga lona tolu,+ o le tausaga o le sefuluaʻi, ona e avatu ai lea i le sa Levī, o le tagata ese e aumau, o le tama e leai se tamā ma le fafine ua oti lana tane, ma e ao ona latou aai i ia mea i totonu o ou aai ma latou te maoona ai.+ 13  Ia e fai atu i luma o Ieova lou Atua, ‘Ua ou aveesea mea ua paia mai i le fale, ma ua ou tuuina atu foʻi i le sa Levī, le tagata ese e aumau, le tama e leai se tamā, ma le fafine ua oti lana tane,+ e tusa ma au poloaʻiga uma na e poloaʻi mai ai iā te aʻu. Ou te leʻi sopo tapulaa lava i au poloaʻiga pe faagaloina foʻi.+ 14  Ou te leʻi ʻai ai ina ua ou faavauvau, ou te leʻi ave foʻi sina mea a o oʻu lē mamā, pe avatu ia mea ona o se tasi ua oti. Na ou faalogo i le siʻufofoga o Ieova loʻu Atua. Ua ou faia e tusa ma mea uma ua e poloaʻi mai ai iā te aʻu. 15  Ia e silasila mai i lou afioaga paia,+ o le lagi lea, ma faamanuia i lou nuu o Isaraelu+ ma le eleele ua e tuuina mai iā i matou, e pei ona e tautō ai i o matou augātamā,+ o le laueleele o loo tafe ai le suāsusu ma le meli.’+ 16  “O le aso lenei ua poloaʻi mai ai Ieova lou Atua iā te oe, ina ia e usiusitaʻi i nei tulafono+ ma iʻuga o faamasinoga; ia e tausia ma usiusitaʻi i na mea uma ma lou lotoatoa+ ma lou ola atoa.+ 17  O lau tali mai ua fetalai mai ai Ieova i le asō, o le a avea o ia ma ou Atua pe a e savali i ona ala ma tausi i ana tulafono,+ o ana poloaʻiga,+ o iʻuga o ana faamasinoga+ ma faalogo i lona siʻufofoga.+ 18  Ona o le mea ua faia e Ieova ua e faapea mai ai i le asō, o le a avea oe ma ona nuu, o se oloa tāua,+ e pei ona ia folafola mai iā te oe,+ ma e te tausia ana poloaʻiga uma, 19  ma e faapea foʻi o le a ia faasilisilia oe i isi nuu uma na ia faia,+ e iʻu ai i le viiga, le taʻutaʻua ma le matagofie a o avea oe ma nuu paia o Ieova lou Atua,+ e pei ona ia folafola mai.”

Faamatalaga Pito i Lalo