Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Teuteronome 15:1-23

15  “Ia e faia se faasaʻolotoga i faaiʻuga uma o tausaga taʻifitu.  E faapenei ona faia le faasaʻolotoga:+ ia taʻitasi i latou uma na nonō atu mea ona tuu saʻoloto lona tuaoi mai i lana aitalafu na ia aitalafu ai iā te ia. E lē tatau ona ia tāpā mai i lona tuaoi po o lona uso se totogi,+ auā e ao ona faailoa atu le saʻolotoga lea e faamamaluina ai Ieova.+  Ia e tāpā se totogi mai i le tagata o se isi atunuu;+ ae ia tuu fua atu so o se mea o au mea o loo i lou uso.  Ae e leai se tasi o iā te oe e mativa, auā e faamanuia+ lava e Ieova oe i le laueleele ua tuuina mai e Ieova iā te oe e avea ma ou tofi ma fai mo oe,+  pe afai e te matuā faalogo i le siʻufofoga o Ieova lou Atua, ma e toʻaga e tausia nei poloaʻiga uma ua ou poloaʻi atu ai iā te oe i le asō.+  Auā e faamanuia Ieova lou Atua iā te oe e pei ona ia folafola mai iā te oe, e te nonō+ atu mea i nuu e tele ma fai ni faamaoniga o ni mea e faamau ai le aitalafu, a o oe e te lē aitalafu mai ni mea; e te pule foʻi i nuu e tele, ae latou te lē pule iā te oe.+  “Pe afai e mativa se tasi o ou uso o loo iā te oe i se tasi o ou aai, i le laueleele e tuuina mai e Ieova lou Atua iā te oe, aua e te faamaaa atu lou loto pe limamau i lou uso mativa.+  Ia e matuā agalelei ma lima mafola iā te ia,+ ia nonō atu ni mea se tele na te manaʻomia e tusa ma mea e na te lē o maua ma fai ni faamaoniga o ni mea e faamau ai le aitalafu.  Ia e faaeteete neʻi alu aʻe se upuleaga i lou loto+ e faapea, ‘Ua latalata i le tausaga lona fitu, o le tausaga lea o le faasaʻolotoga,’+ ma e mataū* ai i lou uso mativa,+ e te lē ave foʻi i ai se mea, ma e alaga atu o ia iā Ieova faasaga iā te oe,+ ona e agasala ai lea.+ 10  Ia e avatu lava iā te ia,+ aua e te mataū i lou loto e foaʻi atu iā te ia, talu ai o lenei mea o le a faamanuia ai oe e Ieova lou Atua, i au galuega uma ma au gaoioiga uma.+ 11  Auā o le a iai pea le tagata mativa i le laueleele.+ O le mea lea ou te poloaʻi atu ai iā te oe e faapea, ‘Ia e matuā agalelei ma lima mafola i lou uso o loo puapuagatia ma mativa i lou laueleele.’+ 12  “Afai e faatau atu iā te oe lou uso, o se tane Eperu po o se fafine Eperu,+ ma ua auauna o ia iā te oe i tausaga e ono, ae i le tausaga lona fitu, ia e auina ese atu o ia mai iā te oe o se tagata saʻoloto.+ 13  Ae afai e te auina ese atu o ia mai iā te oe o se tagata saʻoloto, aua e te auina atu o ia e aunoa ma se mea.+ 14  A ia e matuā foaʻiina atu iā te ia se mea mai i lau lafu mamoe, mai i mea e soli ai saito, mai i lau suāuu o le olive ma le mea e soli ai vine. E pei ona faamanuia mai Ieova lou Atua iā te oe, e ao ona e foaʻi atu iā te ia.+ 15  Ia manatua, na e nofo pologa i Aikupito ma na laveaʻiina oe e Ieova lou Atua.+ O le mea lea ua ou poloaʻi atu ai iā te oe e uiga i lenei mea i le asō. 16  “Afai e fai mai o ia iā te oe, ‘Ou te lē alu ese mai iā te oe!’ auā e alofa o ia iā te oe ma lou aiga, talu ai na sologa lelei lona tulaga a o faatasi ma oe,+ 17  ia e tago i se mea maʻai, ma faapū ai lona taliga i le faitotoʻa, e fai o ia ma au pologa i lona olaga atoa.+ Ia e faia foʻi faapea i lau teine pologa. 18  Aua neʻi faafaigatā iā te oe ona e auina atu o ia o se tagata saʻoloto;+ auā o lana auaunaga iā te oe i tausaga e ono, e tusa ma le faaluaina o le totogi o se tagata faafaigaluega mamafa,+ e faamanuia foʻi Ieova lou Atua iā te oe i mea uma e te faia.+ 19  “Ia e faapaiaina iā Ieova lou Atua o ulumatua uma e fanaua i lau lafu povi ma lau lafu mamoe.+ Aua e te faia se galuega i le ulumatua a lau povi poʻa, pe sele fulufulu a le ulumatua o lau mamoe.+ 20  Ia ʻaina e oe ma lou aiga lea manu i luma o Ieova lou Atua i lea tausaga ma lea tausaga i le nofoaga o le a filifilia e Ieova.+ 21  Ae afai e iai se faalētonu i le manu, e pipili pe tauaso, o so o se mea leaga lava, aua e te faia ai le taulaga iā Ieova lou Atua.+ 22  Ia e ʻai lea mea i totonu o ou aai, o le tagata e lē mamā ma le tagata e mamā e la te aai ai,+ e pei o le manu o le sevi ma le ʻaila.+ 23  E na o lona toto lava e aua e te ʻai ai.+ Ia e sasaa i le palapala e pei o le vai.+

Faamatalaga Pito i Lalo

O lona uiga, “ ʻaiū.”