Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Teuteronome 13:1-18

13  “Afai e tulaʻi mai iā te oe se perofeta+ po o sē e faimiti+ o ni miti ma tuuina atu iā te oe se faailoga po o se valovaloga,+  ma ua taunuu le faailoga po o se valovaloga lea na ia fai atu ai iā te oe+ e faapea, ‘Seʻi o tatou mulimuli i isi atua, o ē e tou te leʻi iloa, ma tatou auauna iā i latou,’  aua e te faalogo i upu a lenā perofeta po o lē e faimiti o lenā miti,+ auā e tofotofoina+ outou e Ieova lo outou Atua, ina ia silafia ai e ia pe tou te alolofa iā Ieova lo outou Atua ma o outou lotoatoa ma o outou ola atoa.+  Ia outou mulimuli iā Ieova lo outou Atua, ia matataʻu iā te ia, ia outou tausia ana poloaʻiga, ia outou faalogo i lona siʻufofoga, ia outou auauna iā te ia, ma ia outou pipii atu iā te ia.+  Ia fasiotia+ lenā perofeta+ po o lē e faimiti o lenā miti, auā na ia tautala faatautee iā Ieova lo outou Atua, o lē na aumaia outou mai i le atunuu o Aikupito, ma laveaʻiina oe mai i le mea sa nofo pologa ai, ina ia faaliliuese ai oe mai i le ala na poloaʻi mai ai Ieova lou Atua ia e savali ai;+ ma e ao ona e aveese le mea leaga mai i lou nuu.+  “Afai e faaoso faalilolilo oe e lou uso, o le tama tama a lou tinā, po o lou atalii, po o lou afafine, po o lau avā faapelepele, po o lau uō mamae,+ ma faapea mai, ‘Seʻi o tatou ō ia ma auauna i isi atua,’+ o ē na e lē iloa, o oe ma ou augātamā,  o atua o nuu o loo siʻomia ai outou, o ē e latalata iā te oe, po o i latou e mamao mai iā te oe, e mai i le isi pito o le laueleele e oo i le isi pito,  aua e te lolo atu i lona manaʻo pe faalogo atu iā te ia,+ aua foʻi e te vaai ma le alofa iā te ia, pe mutimutivale alofa i ai,+ pe puipuia o ia;  ae ia e fasiotia lava o ia.+ Ia muamua ona e fetogia o ia i maa ina ia oti ai, mulimuli ane ona fetogia lea o ia e le nuu.+ 10  Ia e fetogi o ia i maa ina ia oti ai,+ auā ua ia taumafai e faaliliuese oe mai iā Ieova lou Atua, o lē na aumaia oe mai i Aikupito, ma mai i le mea sa nofo pologa ai.+ 11  Ona faalogo lea i ai o Isaraelu uma ma fefefe ai, ma e latou te lē toe faia se mea leaga faapena i lou nuu.+ 12  “Afai e te faalogo o taʻua lea mea i se tasi o ou aai, lea ua foaʻiina mai e Ieova lou Atua iā te oe e te nofo ai i inā, 13  ‘ua ō ese mai iā te outou o tamāloloa ulavavale,+ ina ia latou taumafai e faaliliuese tagata o lo latou aai,+ ma faapea mai: “Seʻi tatou ō ma auauna i isi atua,” o ē tou te leʻi iloa,’ 14  e ao ona e saʻili ma suʻesuʻe ma iloiloina māeʻaeʻa;+ ae afai e mautinoa e moni le tala, e faia lava lenā mea inosia i lou nuu, 15  ia fasiotia lava tagata o lenā aai i le pelu.+ E tatau foʻi ona faaumatia+ i le pelu le aai ma mea uma o iai, atoa ai ma manu lalata. 16  Ia e aoaoina ana mea uma na faoa i le ogatotonu o le nofoaga faitele o le aai, ma susunu i le afi le aai+ ma mea na faoa e fai ai le taulaga atoa iā Ieova lou Atua, ia avea pea ma faaputuga o mea na lepetia.+ Ia aua lava neʻi toe fausia. 17  Ia aua lava neʻi pipii i lou lima se mea e tatau ona faaumatia,+ ina ia liliuese ai Ieova mai i lona toʻasā+ ma mutimutivale lona alofa iā te oe, e faaalia foʻi lona alofa mutimutivale iā te oe+ ma faatoʻateleina oe, e pei ona ia tautō ai i ou augātamā.+ 18  Ia e faalogo i le siʻufofoga o Ieova lou Atua, e ala i le tausia o ana poloaʻiga+ uma ua ou poloaʻi atu ai iā te oe i le asō, ina ia faia le mea ua saʻo i le silafaga a Ieova lou Atua.+

Faamatalaga Pito i Lalo