Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Tanielu 9:1-27

9  O le tausaga muamua o Tariu+ le atalii o Asueru o lē na tupuga mai i Metai,+ o lē ua tofia e fai ma tupu i le malo o Kaletaia;+  o le tausaga muamua o lana nofoaiga, o aʻu o Tanielu, ua ou iloa mai i tusi, e tusa ai ma afioga a Ieova iā Ieremia le perofeta,+ o le aofaʻiga o tausaga mo le faataunuuina o le faatafunaina o Ierusalema,+ e fitu sefulu tausaga.+  Ona faasaga atu lea o oʻu mata+ iā Ieova le Atua moni, ina ia saʻili iā te ia i le tatalo,+ ma le faatoga, faatasi ma le anapogi, ma ʻie talatala ma lefulefu.+  Ona ou tatalo lea iā Ieova loʻu Atua ma taʻutino atu ma faapea atu:+ “Ieova e, le Atua moni, o Lē e sili+ ma o Lē e mataʻutia, o lē e tausia le feagaiga+ ma alofa faamaoni+ i ē e alolofa atu iā te ia ma ē e tausia ana poloaʻiga,+  ua matou agasala,+ ua matou sesē ma faia mea leaga ma fouvale foʻi;+ ua matou liliuese mai i au poloaʻiga ma iʻuga o au faamasinoga.+  Ua matou lē faalogo i au auauna o le ʻauperofeta,+ o ē na tautatala i lou suafa i o matou tupu, i o matou perenise, i o matou augātamā ma tagata uma o le atunuu.+  Ieova e, ua iā te oe le amiotonu, a o i matou ua masani ona māsiasi e pei ona iai i le asō,+ o tagata o Iuta, o ē o loo nonofo i Ierusalema ma Isaraelu uma, o ē e latalata ma ē e nonofo mamao i atunuu uma na e faataapeapeina ai i latou, ona o lo latou lē faamaoni na latou faasagatau atu ai iā te oe.+  “Ieova e, ua iā i matou le māsiasi, o o matou tupu ma o matou perenise ma o matou augātamā, ona ua matou agasala iā te oe.+  Ua iā Ieova lo matou Atua le alofa mutimutivale+ ma le faamagaloina+ o agasala, auā ua matou fouvale iā te ia.+ 10  E matou te leʻi usiusitaʻi i le siʻufofoga o Ieova lo matou Atua, i le savavali e tusa ma ana tulafono na ia tuu i o matou luma e ala i lima o ana auauna o le ʻauperofeta.+ 11  Ua solia e i latou uma i Isaraelu lau tulafono, ma ua latou liliuese e ala i le lē usiusitaʻi i lou siʻufofoga,+ ona e sasaa mai lea iā i matou o le fetuu na faamalosia i se tautoga+ na tusia i le tulafono a Mose le auauna a le Atua moni, auā ua matou agasala iā te oe. 12  Ona ia faataunuuina lea o ana afioga na ia fetalai mai ai e faasaga iā i matou,+ atoa ma o matou faamasino o ē na faamasinoina i matou,+ e ala i le faaoo mai iā i matou o se mala mataʻutia, o se mala e leʻi oo muamua lava i lalo o le lagi atoa, e pei o lea na oo i Ierusalema.+ 13  Na oo nei mala uma iā i matou+ e pei ona tusia i le tulafono a Mose,+ ma e matou te leʻi faamalieina le finagalo o Ieova lo matou Atua, e ala i lo matou liliuese mai i o matou sesē+ ma faaalia e matou te malamalama i lou faamaoni.+ 14  “Na mataala Ieova e tusa ai ma le mala ma mulimuli ane faaoo mai ai iā i matou,+ auā e amiotonu Ieova lo matou Atua i ana galuega uma na ia faia; ma na matou lē usiusitaʻi i lona siʻufofoga.+ 15  “O lenei, Ieova e lo matou Atua, na e aumaia lou nuu mai i le atunuu o Aikupito i le aao malosi,+ ma e faia se suafa mo oe lava e pei ona iai i le asō,+ ua matou agasala+ ma faia mea leaga. 16  Ieova e, faamolemole ia liliuese lou toʻasā ma lou toʻatamaʻi mai i lou aai o Ierusalema, o lou mauga paia,+ e tusa ai ma lau amiotonu,+ ona o a matou agasala ma agasala a o matou augātamā,+ ua fai ai Ierusalema ma lou nuu ma mea e faifai i ai i latou uma o loo siʻomiaina i matou.+ 17  O lenei lo matou Atua e, ia e faafofoga mai i le tatalo a lau auauna ma ana faatoga, ma ia malamalama+ atu ou fofoga i lou malumalu ua faatafunaina,+ ona o lou lava suafa o Ieova. 18  Loʻu Atua e, ia liliu mai ou fofoga ma e faafofoga mai.+ Ia sisila mai ou fofoga ma tagaʻi mai i le faatafunaina o lo matou aai ua faaigoa i lou suafa;+ auā ua matou lē avatu a matou faatoga i ou luma ona o a matou galuega amiotonu,+ ae ona o le tele o lou alofa mutimutivale.+ 19  Ieova e, ia e faafofoga mai.+ Ieova e, ia e faamagalo mai.+ Ieova e, ia e uaʻi mai ma gaoioi.+ Loʻu Atua e, aua e te faatuai,+ ona o lau afio lava, auā o lou lava suafa ua faaigoa ai lou aai, atoa ma lou nuu.”+ 20  A o oʻu tautala ma tatalo ma taʻutino atu laʻu agasala+ ma agasala a loʻu nuu o Isaraelu,+ ma tuu atu laʻu talosaga mo le finagalo malie i luma o Ieova loʻu Atua e tusa ai ma le mauga paia+ o loʻu Atua, 21  a o oʻu talanoa atu i le tatalo, o loo sau iā te aʻu le tagata o Kaperielu+ i le taimi e fai ai taulaga o le afiafi, o lē na ou vaaia i le faaaliga i le amataga,+ ma na ou matuā vaivai ai lava.+ 22  Ona amata lea ona ia faamalamalama ma talanoa mai iā te aʻu e faapea: “Tanielu e, ua ou sau e aʻoaʻo oe ina ia mafai ona e maua le tofā mamao ma le malamalama.+ 23  Na ou maua le feʻau ina ua amata ona e faia au faatoga, ma ua ou sau ai e faamatala, auā o oe o sē ua faapelepeleina.+ Ia e mafaufau+ i lenei mataupu, ma ia e malamalama i mea ua e vaai i ai. 24  “Ua faatulagaina vaiaso e fitu sefulu i lou nuu+ ma lau aai paia,+ ina ia faamuta ai solitulafono,+ e faauma ai le agasala,+ e faia ai le togisala mo mea sesē,+ e aumaia ai le amiotonu i aso uma,+ e faamaufaailogaina+ ai foʻi le faaaliga ma valoaga ma faauuina ai le Mea e Silisili Ona Paia.+ 25  E ao ona e iloa ma ia e malamalama, e amata mai i le alu atu o le poloaʻiga+ e toe fausia ma toe atiina aʻe Ierusalema+ seʻia oo atu i le Mesia+ le Taʻitaʻi,+ e fitu vaiaso atoa foʻi ma vaiaso e ono sefulu lua.+ E toe faafoʻisia mai ai Ierusalema ma toe fausia, e faia le nofoaga faitele ma se alāvai e siʻomia ai le aai, ae e faia ia mea i taimi o puapuaga. 26  “O le a fasiotia+ le Mesia pe a mavae vaiaso e ono sefulu lua, ae leai se mea iā te ia.+ “O le a faatafunaina le aai ma le mea paia+ e se ʻautau a se taʻitaʻi o le a sau.+ O lona iʻuga foʻi o se tafeaga lea. O le a iai taua seʻia oo i le gataaga; o le faatafunaga, o le mea ua uma ona filifilia.+ 27  “E ao ona ia faatumauina le feagaiga+ mo le toʻatele i le vaiaso e tasi;+ ma i le ʻafa o le vaiaso e na te faamutaina ai taulaga i manu ma taulaga o meaalofa.+ “O lē na te aumaia le faatafunaga, o le a sau o ia i luga o le apaʻau o mea e inosia;+ ma o mea ua uma ona filifilia o le a sasaa pea i lē o loo faatafunaina, ma o le a faaauau pea seʻia oo ina faaumatia.”+

Faamatalaga Pito i Lalo