Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Tanielu 8:1-27

8  O le tausaga lona tolu o le nofoaiga a Pelesara+ le tupu, o aʻu o Tanielu, na faaali mai ai iā te aʻu se faaaliga, ina ua uma ona ou vaaia le faaaliga muamua.+  Na ou vaaia i le faaaliga; na ou vaaia foʻi e faapea ua ou iai i le maota i Susana,+ i le itumalo o Elama;+ na ou vaaia i le faaaliga, ua ou tū lata ane i le alāvai o Ulai.+  Ina ua tepa aʻe oʻu mata ona ou vaaia lea, faauta foʻi! o se mamoe+ poʻa ua tū i luma o le alāvai, ma e iai ona seu e lua. E uumi seu e lua, ae e umī le tasi i le isi, ma na tupu aʻe mulimuli ane le seu umī.+  Na ou vaai i le mamoe poʻa o sua i le itu i sisifo, i le itu i mātū ma le itu i saute, ma e leai se manufeʻai e mafai ona tū pea i luma o le mamoe poʻa, e leai sē e na te mafai ona laveaʻiina se tasi mai i lona lima.+ Ua ia faia e tusa ma lona loto, ma ua faamaualuga o ia.  A o aʻu, na ou manatunatu pea, faauta foʻi! o loo sau i luga o le fogāeleele uma se ʻoti+ poʻa mai i le itu e goto ai le lā, ae e lē paʻi i le eleele. A o lenei ʻoti poʻa, ua iai se seu mataʻina i le va o ona mata.+  Ua agaʻi atu pea i le mamoe poʻa ua iai ona seu e lua, lea na ou vaaia o tū i luma o le alāvai; ua tamoʻe atu i le mamoe poʻa ma lona ita tele.  Na ou vaaia le ʻoti poʻa ua lalata atu i le mamoe poʻa, ua ia faaalia lona ʻinoʻino i le mamoe poʻa, ona ia tuia lea o le mamoe poʻa ma gaui ai ona seu e lua, ma ua leai se malosi i le mamoe poʻa e tū ai i ona luma. Ona lafo lea e le ʻoti poʻa o le mamoe poʻa i le laueleele ma solia i lalo, ua leai se tasi e laveaʻiina le mamoe poʻa mai i ona lima.+  Ua matuā faamaualuga le ʻoti poʻa; ae ina ua oo ina malosi tele,+ ona gau lea o le seu telē, ma ua tutupu mai ai ni seu mataʻina se fā e sui aʻi, ua faasaga i matagi e fā o le lagi.+  Ua tupu mai i se tasi o ia seu, o le tasi seu itiiti,+ ma ua tupu tele lona malosi agaʻi i le itu i saute ma agaʻi i le itu e oso aʻe ai le lā ma agaʻi i le Laueleele Matagofie.+ 10  Ua atili faatuputeleina lona malosi e oo lava i ʻautau o le lagi,+ ua faapogaia ai le paʻuʻū i le lalolagi o nisi o ʻautau ma nisi o fetu,+ ma ua ia solia i lalo i latou.+ 11  Ua oo lava i le Perenise+ o le ʻautau lona faamaualuga, ma ua aveese mai iā te ia le taulaga e faia i aso uma,+ ua lafotuina foʻi le mea paia na Ia faia.+ 12  Ua oo ina tuuina atu iā te ia+ le ʻautau, faatasi ma le taulaga e faia i aso uma,+ ona o le solitulafono;+ ua faaauau pea ona ia lafoina le upu moni+ i le laueleele,+ ua gaoioi e tusa ma lona loto ma ua manuia ai.+ 13  Na ou faalogo i se tasi o le ʻaupaia+ o tautala, ma ua faapea atu se isi o le ʻaupaia i lē o loo tautala: “O le ā le umi o le faaaliga, e tusa ma le taulaga e faia i aso uma+ ma le solitulafono e faatafuna+ ai, faapea foʻi le tuua o le mea paia ma le ʻautau ia solia?”+ 14  Ua ia faapea mai iā te aʻu: “Seʻia atoa afiafi ma taeao e lua afe tolu selau; ona toe faafoʻisia lea o le mea paia i le tulaga e tatau ona iai.”+ 15  O aʻu o Tanielu, a o oʻu vaai i le faaaliga ma saʻili le malamalamaga i lea mea,+ vaai foʻi! ua tū i oʻu luma se tasi e foliga mai o se tamāloa.+ 16  Ona ou faalogo lea i le leo o se tamāloa mai i totonu o Ulai,*+ ua valaau mai e faapea: “Kaperielu e,+ ia e faamatalaina i lenā tagata le mea na ia iloa.”+ 17  Ua sau o ia i oʻu autafa i le mea o loo ou tū ai, ae ina ua sau ona ou matuā fefe ai lea ma ou faapaʻū faō ai. Ona ia faapea mai lea iā te aʻu: “Le atalii e o le tagata,+ ia e malamalama,+ e taunuu le faaaliga i le taimi o le iʻuga.”+ 18  A o talanoa mai o ia iā te aʻu, ua ou moegase faō i le eleele.+ Ua ia tago mai iā te aʻu ma faatū aʻu i luga i le mea na ou tū ai muamua.+ 19  Ua ia faapea atili mai: “O lenei ou te faailoa atu iā te oe mea o le a tutupu i le faaiʻuga o le toʻasā, auā e tupu i le taimi atofaina o le iʻuga.+ 20  “O le mamoe poʻa na e vaai i ai, ua iai ona seu e lua, o le faatusa lea o tupu o Metai ma Peresia.+ 21  O le ʻoti taufulufulua e fai ma faatusa o le tupu o Eleni;+ ma o le seu telē o loo i le va o mata e fai ma faatusa o le tupu muamua.+ 22  Talu ai ua gau lea seu, e tutū mai ai isi e fā e sui aʻi mulimuli ane, e fā malo e tulaʻi mai ai mai i lona malo,+ ae e lē tusa lo latou malosi e pei o lona malosi. 23  “A oo i le faaiʻuga o lo latou malo, pe a uma a latou solitulafono, ona tulaʻi mai lea o se tupu e mata paū ma e malamalama o ia i faamatalaga taufaasesē.+ 24  O le a matuā malosi o ia ae e lē o sona lava malosi.+ O le a ia matuā faafanoina+ ma o le a manuia o ia i mea uma na te faia. O le a ia faafanoina o ē e malolosi, atoa ma le nuu ua faia aʻe i le ʻaupaia.+ 25  O lona tofā mamao e māfua ai foʻi ona taulau manuia ana faiga faapiʻopiʻo.+ E faamaualuga e ia lona loto,+ e na te faafanoina le toʻatele a o sologa lelei mea uma.+ E tū o ia e faasagatau i le Perenise o perenise,+ e faaumatia o ia ae e lē o lima o tagata e faia ai.+ 26  “O le mea na vaaia e faatatau i le afiafi ma le taeao, ia sa taʻua, e moni lava.+ A o oe, ia e faamaufaailogaina le faaaliga, auā e faatatau atu i se taimi o i luma.”+ 27  A o aʻu o Tanielu, na ou matuā vaivai lava ma maʻi mo ni nai aso.+ Ona ou tū lea i luga ma fai le galuega mo le tupu;+ ae ua ou ofo tele ona o mea na ou vaai i ai, ma e leai se tasi ua malamalama i ai.+

Faamatalaga Pito i Lalo

O se alāvai na faia e tagata. Atonu o le vaitafe Karkheh.