Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Tanielu 6:1-28

6  Ua lelei lea mea i le finagalo o Tariu, ona ia tofia lea o le toʻaselau lua sefulu o faipule e pule i le malo, o ē e vaaia le malo atoa;+  ma ua pule iā i latou alii sili e toʻatolu, o Tanielu o le tasi o i latou,+ ina ia ō atu pea o faipule+ ma taʻu atu se faamatalaga iā i latou ina neʻi maʻimau oloa a le tupu.+  A ua faaauau ona faaalia e Tanielu ua sili o ia+ nai lo o isi alii sili ma faipule, auā e ese lona atamai;+ ma ua manatu le tupu e tofia o ia e pule i le malo uma.    Ona saʻiliʻili lea e alii sili ma faipule se māfuaaga e tuuaʻia ai Tanielu e tusa ma le malo;+ ae ua latou lē maua se māfuaaga po o se mea leaga na ia faia, auā o ia o se tagata maufaatuatuaina, e lē faatamala pe faia se mea faapiʻopiʻo.+  Ua faapea ane ia tamāloloa: “E lē mafai ona tatou maua se māfuaaga e tuuaʻia ai Tanielu seʻi vaganā ai o se mea e fesootaʻi atu i le tulafono a lona Atua.”+  O lea, ua lolofi atu ai alii sili ma faipule i le tupu+ ma ua latou faapea atu iā te ia: “Tariu e, le tupu ia soifua pea oe.+  Ua uma ona fono alii sili uma o le malo, o taʻitaʻi, o faipule, o leoleo maualuluga a le tupu ma kovana, ina ia faavaeina se tulafono a le tupu,+ ma faamamalu se sā e faapea, o so o se tasi e faatoga atu i se atua po o se tagata i le tolu sefulu aso, seʻi vaganā ai oe le tupu e, ia lafoina o ia i le lua o leona.+  O lenei le tupu e, ia e faamaonia le tulafono ma sainia ia tusitusiga,+ ina ia lē mafai ai ona suia e tusa ai ma le tulafono a Metai ma Peresia,+ lea e lē mafai ona tatalaina.”+  Ua sainia e le tupu o Tariu le tusitusiga ma le sā e tusa ai ma lea mea.+ 10  Ua iloa e Tanielu ua sainia le tusitusiga, ona ulu atu lea o ia i lona fale, ua tatala faamalama e faasaga i Ierusalema+ i le potu pito i luga o lona fale, ma e faatolu i le aso+ ona ia tootuli e tatalo+ ma avatu viiga i lona Atua,+ e pei ona ia masani ai.+ 11  Ua lolofi mai nei tagata ma maua ai Tanielu o loo tatalo ma faatoga atu mo le finagalo malie o lona Atua.+ 12  Ona latou ō atu lea i le tupu ma faapea atu e tusa ai ma le sā a le tupu: “Pe e lē o iai ea se sā na e sainia e faapea, o so o se tasi e faatoga atu i se atua po o se tagata, i le tolu sefulu aso seʻi vaganā ai oe le tupu e, ia lafoina o ia i le lua o leona?”+ Ua faapea mai le tupu: “Ua uma ona faamaonia lea mea e tusa ai ma le tulafono a Metai ma Peresia e lē mafai ona tatalaina.”+ 13  Ona latou vave faapea atu lea i le tupu: “O Tanielu+ o se tasi o pagota mai i Iuta,+ ua lē āva o ia iā te oe, le tupu e, po o le sā na e sainia, ua ia tatalo faatolu i le aso.”+ 14  Ina ua faalogo le tupu i ia faamatalaga ona matuā lē fiafia ai lea o ia,+ ae ua ia mafaufau i se auala e mafai ona ia laveaʻiina ai Tanielu;+ ua ia taumafai pea e laveaʻi o ia seʻia oo ina goto le lā. 15  Mulimuli ane, ua lolofi atu nei tagata i le tupu ma faapea atu i le tupu: “Le tupu e, ua e silafia e tusa ai ma le tulafono a Metai ma Peresia, e lē mafai ona suia se sā+ po se tulafono ua faamaonia e le tupu.”+ 16  O lea, ua fai ai le poloaʻiga a le tupu, ma ua latou aumaia Tanielu ma lafo i le lua o leona.+ Ua faapea atu le tupu iā Tanielu: “O lou Atua, o lē o loo e auauna pea i ai, o ia na te laveaʻiina oe.”+ 17  Ua aumai se maa, ua tuu i le gutu o le lua, ma ua faamaufaailogaina ai e le tupu i lana mama ma le mama a alii ua iā te ia, ina ia lē suia ai se mea e tusa ai ma le mataupu iā Tanielu.+ 18  Ona alu ai lea o le tupu i lona maota ma e leʻi ʻai i lenā pō,+ e leʻi tāina ni faaili i ona luma, ma e leʻi moe foʻi o ia.+ 19  Ua tulaʻi le tupu i le vaveao ina ua tafa mai o ata ma alu atu faavave i le lua o leona. 20  Ua latalata atu o ia i le lua ma ua ia valaau atu i se leo vaivai iā Tanielu. Ua faapea atu le tupu iā Tanielu: “Tanielu e, le auauna a le Atua soifua, po ua mafai ea ona laveaʻiina oe mai i leona e lou Atua o lē o loo e auauna pea+ i ai?”+ 21  Ona tali mai loa lea o Tanielu i le tupu: “Le tupu e, ia soifua pea oe. 22  Na auina mai e loʻu Atua+ lana agelu+ e punitia gutu o leona,+ ma e leʻi afāina ai aʻu, auā ua ia silafia ua mamā lava aʻu i ona luma;+ ma e leai foʻi se mea leaga ua ou faia i ou luma le tupu e.”+ 23  Ona matuā fiafia ai lea o le tupu,+ ua ia poloaʻi atu ia ave aʻe Tanielu mai i le lua. Ua ave aʻe Tanielu mai i le lua, ma e leai se mea o ia na afāina, auā na ia faatuatuaina lona Atua.+ 24  Ua faia e le tupu le poloaʻiga, ona latou aumaia ai lea o tagata na tuuaʻia Tanielu,+ ua latou lafo i latou+ i le lua o leona atoa ma o latou atalii ma a latou avā;+ e leʻi oo i latou i le taʻele o le lua ae ua osofaʻia e leona, ma ua nutililiia o latou ivi.+ 25  Ona tusi atu lea o Tariu le tupu i tagata, o nuu ma gagana o ē o loo nonofo i le lalolagi:+ “Tau ina ia faatuputeleina lo outou filemu!+ 26  Ua ou tuuina atu nei se faatonuga+ i vaipanoa uma o loʻu malo, e ao ona gatete ma matataʻu tagata uma i luma o le Atua o Tanielu.+ Auā o ia o le Atua soifua ma o Lē e tumau e faavavau,+ e lē faaumatia+ lona malo,+ ma e faavavau foʻi lana pulega.+ 27  E na te faasao ma laveaʻi,+ ua ia faia foʻi faailoga ma mea ofoofogia i le lagi+ ma le lalolagi,+ auā na ia faasaoina Tanielu mai i lima o leona.” 28  A o lenei Tanielu, sa sologa lelei lona olaga i le malo o Tariu+ ma le malo o Kuresa le Peresia.+

Faamatalaga Pito i Lalo