Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Tanielu 3:1-30

3  Na faia e le tupu o Nepukanesa se tupua+ auro, e ono sefulu kupita le maualuga, ma e ono kupita le lautele. Na ia faatū i le fanua laugatasi o Turu i le itumalo o Papelonia.+  Ua aauina atu e le tupu o Nepukanesa nisi ina ia faatonuina faipule, o taʻitaʻi,+ o kovana, o le ʻaufaufautua, o teutupe, o faamasino, o leoleo o le saogalemu+ o le nuu, ma pule lagolago uma o itumalo, ina ia ō mai i le faapaiaina+ o le tupua na faatūina e le tupu o Nepukanesa.  Ona faapotopoto mai ai lea o faipule,+ o taʻitaʻi, o kovana, o le ʻaufaufautua, o teutupe, o faamasino, o leoleo o le saogalemu o le nuu, ma pule lagolago uma o itumalo, i le faapaiaina o le tupua na faatūina e le tupu o Nepukanesa, ma ua latou tutū i luma o le tupua na faatūina e Nepukanesa.  Ua alaga leotele atu lē e faia faasilasilaga:+ “Ou te faasilasila atu iā te outou, o tagata, o nuu ma gagana,+  o le taimi lava tou te faalogo ai i leo o le pū, o le faaili, o le kitara tafatolu,* o meafaifaaili ua iai uaua, o le meafaifaaili e fai lona taga ma ituaiga uma o meafaifaaili,+ ia outou faapaʻuʻū faō ma tapuaʻi i le tupua auro na faatūina e Nepukanesa le tupu.  O so o se tasi e lē faapaʻū faō ma tapuaʻi,+ o le a lafo i lea lava taimi+ i le ogaumu aasa.”+  Ona o lea faatonuga, o le taimi lava e faalogo ai tagata i leo o le pū, o le faaili, o le kitara tafatolu, o meafaifaaili ua iai uaua ma ituaiga uma o meafaifaaili, ona faapaʻuʻū faō ai lea o tagata,+ o nuu, ma gagana uma ma tapuaʻi i le tupua auro na faatūina e le tupu o Nepukanesa.  Ona o lea mea, ua ō atu ai nisi o tagata Kaletaia i le tupu ma tuuaʻia tagata Iutaia.+  Ua latou faapea mai iā Nepukanesa le tupu: “Le tupu e, ia soifua pea oe.+ 10  O oe lava le tupu e, na faia le poloaʻiga e faapea pe a faalogo tagata uma i leo o le pū, o le faaili, o le kitara tafatolu, o le meafaifaaili ua iai uaua, o le meafaifaaili e fai lona taga ma ituaiga uma o meafaifaaili,+ e ao ona latou faapaʻuʻū faō ma tapuaʻi i le tupua auro; 11  ma o so se tasi lava e lē faapaʻū faō ma tapuaʻi, o le a lafo i le ogaumu aasa.+ 12  Ua iai nisi o tagata Iutaia o ē na e tofia e pule i mataupufai a le itumalo o Papelonia,+ o Sataraka, o Mesako ma Apeteniko; le tupu e, ua lē faaaloalo ia tane iā te oe, ua latou lē auauna i ou atua, ma ua latou lē tapuaʻi i le tupua auro na e faatūina.”+ 13  Ona lotoa ma ita tele+ ai lea o Nepukanesa ma faapea atu ia aumai o Sataraka, o Mesako, ma Apeteniko.+ Ona aami ai lea o nei tane i luma o le tupu. 14  Ona faapea atu lea o Nepukanesa iā i latou: “Sataraka e, Mesako e, ma Apeteniko, pe e moni ea e tou te leʻi auauna i oʻu atua,+ ma e tou te leʻi tapuaʻi foʻi i le tupua auro ua ou faatūina?+ 15  O lenei, afai ua outou nofosauni ma o le taimi lava tou te faalogo ai i leo o le pū, o le faaili, o le kitara tafatolu, o meafaifaaili ua iai uaua, o le meafaifaaili e fai lona taga ma ituaiga uma o meafaifaaili,+ tou te faapaʻuʻū faō ma tapuaʻi i le tupua auro na ou faia, ua lelei lea. Ae afai tou te lē tapuaʻi i le tupua, o le a lafoina loa outou i le ogaumu aasa. O ai lenā atua pe na te mafaia ona laveaʻi outou mai i oʻu lima?”+ 16  Ua tali mai Sataraka, o Mesako, ma Apeteniko i le tupu: “Nepukanesa e, e leai sa matou upu e fai atu iā te oe e tusa ma lenei mea.+ 17  Afai e lafoina i matou i le ogaumu aasa, e mafai e lo matou Atua o loo matou auauna i ai ona laveaʻi iā i matou. Le tupu e, e na te laveaʻi i matou mai i le ogaumu aasa ma lou lima foʻi.+ 18  Ae afai e leai, le tupu e, ia e silafia e matou te lē auauna i ou atua ma e matou te lē tapuaʻi foʻi i le tupua auro ua e faatūina.”+ 19  Ona ita tele ai lea o Nepukanesa iā Sataraka, o Mesako ma Apeteniko ma ua liua ona foliga. Ua ia faapea atu ia faafitu ona faaaasa le ogaumu nai lo o le mea e masani ai. 20  Ua ia faatonu tamāloloa o lana ʻautau e saisai iā Sataraka, Mesako, ma Apeteniko ina ia lafo i latou i le ogaumu aasa.+ 21  Ona saisai lea o nei tane faatasi ma o latou ofu tele, o o latou ofu ma o latou pulou ma ofu uma ua latou oofu ai, ma lafo i le ogaumu aasa. 22  Ona o upu lē alofa a le tupu ma ua mataʻutia le aasa o le ogaumu, na fasiotia ai i le mumū o le afi tamāloloa sa avatua Sataraka, Mesako ma Apeteniko. 23  A o nei tane e toʻatolu, o Sataraka, Mesako ma Apeteniko, ua paʻuʻū i latou a o saisaia i totonu o le ogaumu aasa.+ 24  Ona fefe ai lea o Nepukanesa le tupu ma tulaʻi faavave. Ua ia faapea atu i ona tagata maualuluga: “Pe e tatou te leʻi lafoina ea tane e toʻatolu a o saisaia i totonu o le afi?”+ Ua latou tali mai faapea i le tupu: “O lea lava, le tupu e.” 25  Ua ia faapea atu: “Faauta! Ua ou iloa atu tane e toʻafā o loo savavali saʻoloto i totonu o le afi, ma e lē o afāina se tasi o i latou, ma o le lona fā e foliga mai e pei o se atua.”+ 26  Ua faalatalata atu Nepukanesa i le faitotoʻa o le ogaumu aasa.+ Ua ia faapea atu: “Sataraka, Mesako, ma Apeteniko, o outou o auauna a le Atua Silisili Ese,+ inā ō mai ia i fafo ma ō mai i inei!” Ona ō mai ai lea mai i le afi o Sataraka, Mesako ma Apeteniko. 27  Ua vāai i latou uma ua faapotopotoina faipule, o taʻitaʻi, o kovana ma tagata maualuluga+ a le tupu i nei tane, e leʻi mū o latou tino i le afi,+ e leʻi mū foʻi so latou lauulu,+ e leʻi leaga o latou ofu, ma e leʻi namuasua foʻi i latou. 28  Ua faapea atu Nepukanesa: “Ia faamanū i le Atua o Sataraka, o Mesako ma Apeteniko,+ o lē na auina mai lana agelu+ e laveaʻi i ana auauna, o ē na faatuatua iā te ia,+ ma na latou tetee i le poloaʻiga a le tupu, ma lotomalilie e feoti, auā latou te lē auauna+ pe tapuaʻi+ i so o se atua seʻi vaganā ai lo latou lava Atua.+ 29  O lea, ua ou faia lenei faatonuga,+ o so o se tagata po o se nuu po o se gagana e fai se upuleaga faasaga i le Atua o Sataraka, o Mesako, ma Apeteniko, e vaevaeniniiina+ i latou, e fai foʻi o latou fale ma falelētaʻua+ mo le lautele; auā e lē o iai se isi atua e mafai ona laveaʻi e pei o ia.”+ 30  Ua sologa lelei mea uma i lea taimi mo Sataraka, Mesako ma Apeteniko i le itumalo o Papelonia ona o le tupu.+

Faamatalaga Pito i Lalo

O se meafaifaaili anamua e ese mai i le kitara i aso nei e taʻua i le faa-Peretania o le triangular harp.