Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Tanielu 12:1-13

12  “O lea taimi, o le a tulaʻi ai Mikaele,+ o le perenise+ sili o lē o loo tulaʻi+ ona o tagata o lou nuu.+ E oo mai foʻi le taimi o puapuaga e leʻi faapea ona tupu talu ona iai se nuu e oo atu i lea taimi.+ O lea taimi o le a sao tagata o lou nuu,+ o i latou uma ua iloa o loo tusia i le tusi.+  O le toʻatele o i latou o loo momoe i le eleele o le a feala,+ o nisi i le ola e faavavau+ a o isi i le faalumaina ma le inosia e faavavau.+  “O ē ua iai le tofā mamao, o le a susulu atu e pei o le malamalama o le vanimonimo,+ o i latou foʻi ua faaliliu ai tagata e toʻatele i le amiotonu+ e pei o fetu i aso uma lava e oo i le faavavau.  “A o oe Tanielu e, ia e punitia ia upu ma faamauina le tusi+ seʻia oo i le taimi o le iʻuga.+ E toʻatele e saʻiliʻili solo ma o le a faatuputeleina le poto saʻo.”+  O aʻu o Tanielu na ou iloa, faauta! ua tutū mai foʻi isi e toʻalua,+ o le tasi i le itu mai o le auvai o le vaitafe ma le isi i le isi itu o le auvai o le vaitafe.+  Ona fai atu lea o le tasi i le tagata o loo ofu i le ʻie lino,+ o lē o loo i luga aʻe o vai o le ālia: “O le ā le umi o totoe ona oo mai ai lea o le iʻuga o ia mea ofoofogia?”+  Ona ou faalogo lea i le tagata o loo ofu i le ʻie lino, o lē o loo i luga aʻe o vai o le ālia, ua ia sii lona lima taumatau ma lona lima tauagavale i le lagi ma tautō+ i le suafa o Lē o loo soifua e faavavau:+ “O le umi o le taimi ua filifilia, o le taimi, ma taimi e lua ma le ʻafa taimi.+ Pe a uma ona nutililii le malosi o le ʻaupaia,+ ona faaiʻuina ai lea o nei mea uma.”  A o aʻu, na ou faalogo ae ou te leʻi malamalama;+ ona ou fai atu lea: “Loʻu alii e, o le ā le faaiʻuga o nei mea?”+  Ua ia faapea mai: “Tanielu e, inā alu ia auā ua punitia upu ma faamauina ai seʻia oo i le taimi o le iʻuga.+ 10  E toʻatele o le a faamamāina i latou lava,+ e faapaʻepaʻeina i latou+ ma tofotofoina.+ O le a faia mea leaga e ē amioleaga+ ma e leai se tasi o ē e amioleaga e malamalama;+ ae e malamalama o ē ua iai le tofā mamao.+ 11  “Pe a aveesea+ foʻi le taulaga e faia i aso uma+ ma le faatūina o le mea inosia+ e faatafuna aʻi, ona sosoo ai lea ma le afe lua selau iva sefulu aso. 12  “E fiafia+ le tagata o loo faatalitali ma le onosaʻi seʻia oo i le iʻuga o le afe tolu selau tolu sefulu lima aso! 13  “A o oe, ia e tumau seʻia oo i le iʻuga+ ma e te mālōlō+ ae e te tū mai i lou tofi i le iʻuga o aso.”+

Faamatalaga Pito i Lalo