Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Tanielu 1:1-21

1  O le tausaga lona tolu o le nofoaiga a Ioakima+ le tupu o Iuta, na alu atu ai Nepukanesa le tupu o Papelonia i Ierusalema ma siʻomia le aai.+  Ona tuuina atu lea e Ieova i lona lima o Ioakima le tupu o Iuta,+ ma nisi o ipu+ o le fale o le Atua moni ua ia aumaia i le atunuu o Senara+ i le fale o lona atua; o ipu ia ua ia aumaia i le fale e teu ai oloa a lona atua.+  Ona fai atu lea o le tupu iā Asepenasa o lē e sili o ona tagata aloaʻia,+ ia aumai nisi o atalii talavou o Isaraelu, o fanau a tupu ma fanau a tamālii,+  o tama talavou+ e leai ni faalētonu iā i latou, a ua aulelei, ua iai le tofā mamao, ua atamamai+ ma ua popoto, ma ua iai foʻi le faautaga loloto e tusa ma mea ua iloa,+ o ē ua mafai ona tutū i le maota o le tupu;+ ia aʻoaʻoina foʻi i latou i tusi ma le gagana a tagata Kaletaia.  Ua faatonuina e le tupu ia avatu iā i latou meaʻai mai i taumafa lelei+ a le tupu i aso taʻitasi, ia feinu i le uaina e inu ai o ia, ma tausi i latou mo tausaga e tolu, ma ia latou tutū ai i luma o le tupu i le faaiʻuga o na tausaga.  Ua iā i latou o nisi o atalii o Iuta, o Tanielu,+ o Hanania, o Mesaelu ma Asaraia.+  Ua faaigoa i latou e lē e sili o tagata aloaʻia.+ Ua ia faaigoa iā Tanielu o Peletisara,+ ua ia faaigoa iā Hanania o Sataraka, ua ia faaigoa iā Mesaelu o Mesako, a ua ia faaigoa Asaraia iā Apeteniko.+  A ua maumauaʻi Tanielu i lona loto e lē leaga+ o ia i taumafa lelei a le tupu po o le uaina e inu ai o ia. Ua ia talosaga atu pea i lē e sili o tagata aloaʻia ina ia ioe mai ma lē leaga ai o ia.+  Ua faatupuina e le Atua o lē e sili o tagata aloaʻia ina ia faaalia le alofa faamaoni ma le alofa mutimutivale iā Tanielu.+ 10  Ua faapea mai lē e sili o tagata aloaʻia iā Tanielu: “Ou te fefe i loʻu alii le tupu, o lē ua faatonuina a outou meaʻai ma a outou meainu.+ Aiseā la e ao ai ona ia vaai i o outou mata faanoanoa pe a faatusatusa atu i isi talavou o ē e tutusa o outou tausaga, ma aiseā foʻi tou te lamatia ai loʻu ulu i luma o le tupu?” 11  A ua fai atu Tanielu i le leoleo, o lē na tofia e lē e sili o tagata aloaʻia+ e vaavaaia Tanielu, o Hanania, o Mesaelu ma Asaraia: 12  “Faamolemole, ia faia se tofotofoga i au auauna mo aso e sefulu, ma ia latou aumai iā i matou o fualaau faisua+ ina ia matou aai ai ma vai e matou te feinu ai; 13  ona e tagaʻi lea i o matou mata ma mata o tama talavou o ē ua aai i taumafa lelei a le tupu, ona e faia lea i au auauna e tusa ma mea ua e silafia.” 14  Ona ia faalogo lea iā i latou e tusa ma lea mataupu, ma tofotofoina i latou mo aso e sefulu. 15  I le faaiʻuga o aso e sefulu, ua sili atu ona lelei ma veveni o latou mata ma tino lelei nai lo o talavou o ē ua aai i taumafa lelei a le tupu.+ 16  Ua avatu pea e le leoleo iā i latou o fualaau faisua nai lo o taumafa lelei ma le uaina a le tupu.+ 17  A o ia tama talavou e toʻafā ua avatu i ai e le Atua moni le poto ma le tofā mamao i tusi uma ma le atamai;+ a o Tanielu ua iā te ia le malamalamaga i ituaiga uma o vaaiga ma miti.+ 18  Ua oo i le faaiʻuga o aso, ua fai atu le tupu e aami mai i latou,+ ona aumaia lea o i latou e lē e sili o tagata aloaʻia i luma o Nepukanesa. 19  Ona talanoa lea o le tupu ma i latou, ma e leai se tasi o i latou ua pei o Tanielu, o Hanania, o Mesaelu ma Asaraia;+ ua latou tutū pea i luma o le tupu.+ 20  Ua fesili atu le tupu iā i latou i mea e manaʻomia ai le atamai ma le malamalama,+ ma ua ia iloa ai ua faasefulu ona sili atu ona lelei i latou nai lo o ositaulaga e faia faiga faaagaga uma lava,+ ma ē uma e valaau atu i ē ua oti+ i lona malo atoa. 21  Ua iai pea Tanielu i inā e oo lava i le uluaʻi tausaga o Kuresa le tupu.+

Faamatalaga Pito i Lalo