Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Sefanaia 3:1-20

3  Oi talofa i le aai fouvale ma ua faaleagaina o ia lava, o le aai sauā!+  E leʻi faalogo o ia i se leo;+ e leʻi talia foʻi e ia se aʻoaʻiga.+ E leʻi faatuatua o ia iā Ieova.+ E leʻi faalatalata atu i lona Atua.+  Ua avea ona perenise ua iā te ia, o leona tagi leotetele.+ O ona faamasino, ua avea ma luko o le afiafipō, ma pe a oo mai le taeao, e latou te lē paagugu ni ponaivi.+  Ua fiasili ona perofeta, o ni tagata e lē faamaoni.+ Ua faaleaga foʻi e ona ositaulaga le mea paia; ua latou soli le tulafono.+  Ua amiotonu Ieova i totonu o le aai;+ e lē faia e ia se amiolētonu.+ I lea taeao ma lea taeao, e na te aumaia ai pea iʻuga o ana faamasinoga.+ E lē aunoa ona iai i le tafa o ata.+ Ae e lē iloa e lē e amioleaga le mā.+  “Ua ou faaumatia nuu; ua faatafunaina o latou ʻolo i tulimanu o le puipui. Ua ou faagaogaoina o latou auala, ua leai se isi e ui ane ai. Ua faatafunaina o latou aai, ua leai se tagata, ua leai foʻi sē e nofo ai.+  Sa ou faapea atu, ‘E mautinoa lava e te mataʻu iā te aʻu; e te talia le aʻoaʻiga’;+ ina ia lē faaumatia ai le mea e nofo ai o ia.+ Ou te matuā taui atu iā te ia e tusa ma ana agasala uma.+ E moni lava na latou gaoioi vave i le faia o gaoioiga leaga.+  “ ‘O lenei, ia outou faatalitali pea iā te aʻu,’+ ua fetalai mai ai Ieova, ‘seʻia oo i le aso ou te tulaʻi atu ai e osofaʻi ma faoa mea,+ auā o le iʻuga o laʻu faamasinoga o le aoaoina lea o atunuu,+ ia ou faapotopoto faatasi malo, ina ia sasaa atu ai i luga o i latou loʻu ita,+ o loʻu ita tele uma; auā o le a faaumatia le lalolagi uma i le afi o loʻu maelega.+  I lea taimi, ou te tuuina atu ai i nuu le gagana mamā,+ ina ia latou valaau uma lava i le suafa o Ieova,+ ma latou auauna soosootauʻau ai iā te ia.’+ 10  “E mai i le vaipanoa o vaitafe o Aitiope, o le a aumai ai se meaalofa iā te aʻu e i latou o loo talosaga mai iā te aʻu, o le afafine lea o loʻu nuu ua faataapeapeina.+ 11  E te lē mā i lea aso ona o au gaoioiga uma na e solitulafono mai ai iā te aʻu,+ auā ou te aveesea mai iā te oe o ē e mimita ma faamaualuluga;+ ma e te lē toe faamaualuga ai i loʻu mauga paia.+ 12  Ou te faatotoe iā te oe o tagata e lotomaulalo ma faamaulalo,+ e latou te sulufaʻi atu foʻi i le suafa o Ieova.+ 13  A o ē o loo totoe o Isaraelu,+ e latou te lē faia le amiolētonu,+ pe pepelo,+ e lē iloa foʻi i o latou gutu le laulaufaiva taufaasee;+ auā e latou te aai ma taooto faaloloa,+ ma o le a leai se isi e faamataʻu iā i latou.”+ 14  Le tama fafine a Siona e! Ia alaga atu ma le fiafia.+ Isaraelu e! Ia alalaga atu. Le tama fafine a Ierusalema e, ia e olioli ma fiafia ma lou lotoatoa!+ 15  Ua aveesea e Ieova faamasinoga mai i ou luga.+ Ua ia liliuese lou fili.+ Ua faatasi ma oe le tupu o Isaraelu, o Ieova.+ E te lē toe fefe i se malaia.+ 16  O lea aso, e faapea atu ai iā Ierusalema: “Siona e, aua e te fefe.+ Tau ina ia lē paʻuʻū i lalo ou lima.+ 17  Ua faatasi Ieova lou Atua ma oe. E faaolaina e ia auā o ia o Lē e malosi.+ O le a olioli o ia ma fiafia iā te oe.+ O le a malie lona finagalo ona o lona alofa iā te oe. O le a olioli o ia iā te oe ma le alaga fiafia. 18  “Ou te faapotopotoina+ i latou ua faanoanoa,+ o ē ua lē toe iai i aso o au tausamiga; e lē o iai i latou iā te oe, talu ai ua mafatia i le faaluma ona o ia.+ 19  O le mea lea, ou te gaoioi ai faasaga iā i latou uma o ē e faatigā iā te oe;+ ou te faaola i lē e setusetu+ ma ou aoaoina o ē ua faataapeapeina.+ Ou te faia i latou ma mea e vivii ai ma maua ai se igoa lelei i atunuu uma sa faamāina ai i latou. 20  O lea aso, ou te aumaia ai outou, o le taimi foʻi lea ou te faapotopotoina faatasi ai outou. Auā ou te faia ina ia outou maua se igoa lelei ma le viiga i nuu uma lava o le lalolagi, pe a ou toe aumaia o outou tagata na ave faapagota a o outou vāai i ai,” ua fetalai mai ai Ieova.+

Faamatalaga Pito i Lalo