Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Sapakuka 3:1-19

3  O le tatalo a le perofeta o Sapakuka, na lagi o se pese faanoanoa:*  Ieova e, ua ou faalogo i le faamatalaga e uiga iā te oe.+ Ieova e, ua ou fefe ona o au galuega.+ Ia e toe faaolaolaina au galuega i ia tausaga! Ia e faailoa mai i ia tausaga. Tau ina ia e manatua e faaalia le alofa mutimutivale pe a e toʻasā.+  Na afio mai le Atua mai i Timanu, na afio mai foʻi Lē e Paia mai i le Mauga o Parana.+ Selā.*+ Sa ufitia le lagi i lona mamalu;+ ma sa tumu foʻi le lalolagi i lona viiga.+  A o lona pupula sa pei o le lā.+ Sa ō atu mai i ona aao o ave e lua ma sa lilofia ai i inā lona mana.+  Sa muamua atu pea i ona luma le faamaʻi,+ ae e alu atu i luma o ona vae le fiva maualuga.+  Sa tū o ia e lē minoi, ina ia lūlūina e ia le laueleele.+ Na silasila mai o ia, ma o ia foʻi sa tuli oso ai atunuu ona o le fefefe.+ Sa matuā nutililiia mauga o le vavau;+ sa ifo mai foʻi aʻega e tumau pea.+ O ona ala e mai anamuā lava.  Na ou vaai i faleʻie o Kuso ua oo i ai mea e tigā ai. Na atuatuvale+ ʻie o faleʻie o le laueleele o Mitiana.+  Ieova e, pe e te faasagatau ea i vaitafe, po ua matuā aasa lou toʻasā ona o vaitafe,+ po o faasagatau ea lou toʻatamaʻi i le sami+ ina ua e tiʻetiʻe i au solofanua?+ O au kariota foʻi o le faaolataga.+  E leʻi toe ufiufia lau ʻaufana ae sa taatia fua.+ Na faia foʻi tautoga a ituaiga.+ Selā. Sa e vaevaeina le laueleele i vaitafe.+ 10  Na vāai mauga iā te oe; ma na matuā tigā ai.+ Na oo mai foʻi le faititili ma le timuga mamafa.  Na gogolo mai le leo o vai loloto.+ Na sisii ona lima i luga. 11  Sa tutū pea le lā ma le masina+ i le mea maualuga ua mau ai.+ Na ō atu pea au aū e pei o le malamalama.+ O le uila o lau tao na fai ma malamalama.+ 12  Sa e afio ane i le lalolagi ina ia taʻusalaina ai. O lou toʻasā na e solia ai atunuu.+ 13  Sa e afio atu e faaola i lou nuu, ma laveaʻiina lē na e faauuina.+ Na e nutililiia le taiulu o le fale o lē e amioleaga.+ Na faaleagaina le fale mai i le faavae e oo lava i le taualuga.+ Selā. 14  Na e tatui ulu o ona toa i ana lava tootoo+ ina ua latou ō mai e pei o se matagi malosi e faataapeape iā te aʻu.+ Sa pei lo latou fiafia o ē e fiafia e faatamaʻia le tagata mativa i se nofoaga e lē iloa.+ 15  Sa e afio i totonu o le sami ma au solofanua, sa e asa foʻi vai e tele.+ 16  Na ou faalogo, ona tete ai lea o loʻu moa; o le leo na gatete ai oʻu laugutu; ua oo mai ai le pala i oʻu ivi;+ ma na ou atuatuvale ai lava, ae e ui i lea e ao ona ou nofo filemu ma faatalitali mo le aso o le puapuaga,+ e alu aʻe ai o ia i le nuu+ ina ia osofaʻia i latou. 17  E ui ina lē fuga mai le mati+ ma lē fua mai le vine; e iʻuvale foʻi fua o le laau o le olive, e lē tupu mai ni mea e ʻai mai i fanua malifa;+ e faaumatia le lafu mamoe mai i le lotoā, ma e leai ni lafu i le pā;+ 18  A o aʻu ou te olioli iā Ieova;+ ou te fiafia i le Atua o loʻu faaolataga.+ 19  O Ieova o le Alii Pule Silisili Ese o loʻu malosi ia;+ e na te faia oʻu vae e pei o vae o le manu o le ʻaila,+ o ia foʻi ou te savali ai i aʻu mea maualuluga.+ I le faatonu o le ʻaufaimusika o meafaifaaili e iai uaua.

Faamatalaga Pito i Lalo

E lē mautinoa lelei le uiga o le upu Eperu ae e foliga mai o se pese e ootia ai ma e fesuisuiaʻi nota, e aofia ai foʻi tulaga mataʻutia, o le alaga mo se fesoasoani atoa ma le fiafia ma viiga.
O se upu Eperu e faaaogāina i musika, ae e lē o mautinoa le uiga.