Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Sapakuka 2:1-20

2  Ou te tū pea i le mea ou te leoleo ai,+ ma ou te tū foʻi i le pā puipui; ou te vaavaai pea+ ina ia iloa ai po o le ā lana fetalaiga o le a ia fetalai mai ai e ala mai iā te aʻu,+ ma po o le ā foʻi saʻu tali atu i le aʻoaʻiga o aʻu.+  Ona fetalai mai lea o Ieova iā te aʻu e faapea: “Ia tusi i lalo le faaaliga, ia tusi manino i luga o papamaa,+ ina ia sologa lelei ai le faitau a lē ua faitauina.+  Auā ua tuu le faaaliga mo ona aso atofaina,+ ma o loo faanatinati atu pea seʻia oo i le iʻuga, ma e lē tala pepelo lava. E ui lava e tuai mai, ae ia faatalitali pea i ai; auā e oo mai lava.+ E lē faatuai mai.  “Faauta! O le tagata ua faafefeteina;+ e amiolētonu o ia i lona loto. A o lē e amiotonu, e ola pea o ia i lona faatuatua.+  O le mea moni, ona ua fai le uaina ma faaʻoleʻole,+ ua fia tagata le tane;+ ma e na te lē ausia ai lona sini,+ e na te faateleina lona manaʻo e pei o le Tuugamau,* ma e pei o le oti e lē faamalieina o ia.+ Ua ia faapotopoto mai pea atunuu iā te ia, ma aofaʻiina mai tagata mai i nuu uma iā te ia.+  Pe e lē saunia ea e i latou nei, o i latou uma, se faaupuga masani+ ma se tala faatauemu o upu e uiga lua e fai atu iā te ia? E faapea ane le tasi, “ ‘O le ā le umi+ na te faateleina ai pea mea e lē o ni ana mea?+ Oi talofa iā te ia auā ua na ona ia faateleina ai o lana aitalafu!  Pe e lē tulaʻi faafuaseʻi mai ea i latou o ē o loo mananaʻo e maua le tupe faasili mai iā te oe, ma feala mai i latou o ē o loo matuā lūlūina oe, ma avea ai oe ma mea e faoa iā i latou?+  Talu ai na e vetea atunuu e tele, o le a vetea ai oe e i latou uma ua totoe o nuu,+ ona o le sasaaina o le toto o tagata ma le sauā i le lalolagi, o le aai ma i latou uma o loo nonofo ai.+  “ ‘Oi talofa i lē na te maua mea i se auala lē tonu mo lona aiga,*+ ina ia tuu lona faamoega i le mea maualuga, ina ia laveaʻiina o ia mai i le lima o le malaia!+ 10  Ua e taupulepule i se mea e faamā ai lou aiga, o le faaumatia lea o nuu e tele;+ ma ua e agasala ai.+ 11  Auā e alaga mai le maa mai i le pā puipui, ae e tali atu i ai le laau faalava o le taualuga.+ 12  “ ‘Oi talofa i lē na te fausia se aai i le faamasaatoto, ma faatumauina se aai i le amiolētonu!+ 13  Tagaʻi foʻi! Pe e lē o Ieova o ʻau ea ua māfua ai ona galulue tagata mo le afi, ma o le a lailoa ai nuu ona e fai fua a latou galuega?+ 14  Auā o le a tumu le lalolagi i le iloaina o le mamalu o Ieova e pei ona ufitia o le ilititai i le suāsami.+ 15  “ ‘Oi talofa i lē na te avatu i ana uō se mea e feinu ai, ua avatu faatasi ma lou lilivau ma lou ita, ina ia faaonanā ai i latou,+ ma iloa atu ai o latou totogasā.+ 16  O le a tumu oe i le mā ae e lē o le mamalu.+ O oe foʻi ia e inu+ ma ia aliali mai ai lou lē peritomeina.+ O le a oo mai foʻi iā te oe le ipu o le aao taumatau o Ieova,+ ma o le a faalumaina ai lou mamalu; 17  auā e ufitia oe i le sauā na faia i Lepanona+ atoa ma le faatamaʻiaga o manu o le fanua na matuā fefefe ai manu, ona o le sasaaina o le toto o tagata ma le sauā na faia i le lalolagi,+ o le aai ma i latou uma o loo nonofo ai.+ 18  O le ā le aogā o se tupua ua tā,+ ina ua tāina e lē na faia, o se tupua uʻamea ma le aʻoaʻo i mea pepelo,+ ina ua faatuatua lē na faia le mea i le mea na faia,+ ma ua ia faia o atua lē aogā e lē tautatala?+ 19  “ ‘Oi talofa i lē ua faapea atu i le fasilaau: “Inā ala mai ia!” pe fai atu i se maa e lē tautala: “Ala ia i luga! O le aʻoaʻo lea”!+ Faauta! Ua ufitia i le auro ma le siliva,+ ma ua leai se mānava iā te ia.+ 20  A o Ieova o loo i lona malumalu paia.+ Ia fifilemu le lalolagi uma i ona luma!’ ”+

Faamatalaga Pito i Lalo

Po o “Seoli,” e mai le upu Eperu sheʼohl′. Tagaʻi i le Faaopoopoga e 6.
Po o “nuu.”