Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 98:1-9

O le pese. 98  Ia outou pepese atu iā Ieova i le pese fou,+Auā e ofoofogia mea na ia faia.+O lona aao taumatau, o lona lava aao paia, ua ia faia ai le faaolataga.+   Ua faailoa mai e Ieova lana faaolataga;+Ua ia faaalia foʻi lana amiotonu i luma o nuu.+   Ua manatua e ia lona alofa faamaoni ma lona faamaoni i le aiga o Isaraelu.+Ua iloa e tuluʻiga o le lalolagi uma le faaolataga mai i lo tatou Atua.+   Ia alalaga atu iā Ieova i le manumalo, o outou nuu uma o le lalolagi.+Ia fiafia ma alalaga ma le olioli ma fai pesega.+   Ia fai pesega iā Ieova i le kitara,*+I le kitara ma le leo o le pese.+   O le pū ma le leo o le sofao*+Ia alalaga i le manumalo i luma o le Tupu o Ieova.   Ia taalili mai le sami ma mea uma o tumu ai,+O le laueleele ma ē o loo nonofo ai.+   Ia pati lima vaitafe;Ia alalaga faatasi mauga uma i le olioli+   I luma o Ieova, auā ua afio mai o ia e faamasino le lalolagi.+E faamasino e ia le laueleele uma i le amiotonu+Atoa ma nuu i le tonu.+

Faamatalaga Pito i Lalo

O se meafaifaaili anamua e ese mai i le kitara i aso nei. O le upu Peretania, o le harp.
I le gagana Eperu, “o pū e faia i seu o mamoe.”