Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 96:1-13

96  Inā pepese atu ia iā Ieova i le pese fou.+ Inā pepese atu ia iā Ieova, o outou uma o i le lalolagi.+   Inā pepese atu ia iā Ieova, ia vivii atu i lona suafa.+ Ia taʻu atu i lea aso ma lea aso le tala lelei o le faaolataga mai iā te ia.+   Ia faalauiloa atu i nuu lona mamalu,+ Ma ana galuega ofoofogia i nuu uma lava.+   Auā e sili Ieova+ ma e tatau ona matuā viia o ia. E mataʻutia o ia i lo o isi atua uma.+   Auā o atua uma o nuu o atua e lē aogā;+ A o Ieova, na ia faia le lagi.+   O loo i ona luma le mamalu ma le matagofie;+ O loo i lona malumalu foʻi le malosi ma le matagofie.+   Aiga e o nuu, ia outou tuuina atu iā Ieova,+ Ia outou tuuina atu iā Ieova le mamalu ma le malosi.+   Ia tuuina atu iā Ieova le mamalu o lona suafa;+ Inā ave ia se meaalofa ma ō atu i ona lotoā.+   Ia ifo atu iā Ieova i ofu paia;+ Ia matuā gatete* ona o ia, o outou o nuu uma o le lalolagi.+ 10  Ia fai atu i nuu: “Ua fai Ieova ma tupu.+ Ua matuā faatumauina le laueleele e lē maluelue lava.+ E faamasino ma le tonu foʻi e ia o nuu.”+ 11  Ia olioli le lagi, ia olioli foʻi le lalolagi.+ Ia taalili mai le sami ma mea uma o tumu ai.+ 12  Ia olioli foʻi le fanua ma mea uma o tumu ai.+ Ia faapea foʻi ona alalaga fiafia mai laau uma o le vaomatua.+ 13  I luma o Ieova. Auā ua afio mai o ia;+ Auā ua afio mai o ia e faamasino le lalolagi.+ E faamasino e ia le laueleele i le amiotonu+ Ma nuu i lona faamaoni.+

Faamatalaga Pito i Lalo

Po o le “matuā tigā.”