Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 95:1-11

95  Ō mai ia, ia tatou alalaga fiafia atu iā Ieova!+Ia tatou alalaga atu ma le manumalo i le Papa o lo tatou faaolataga.+   Ia tatou ō atu i ona luma ma le faafetai;+Ia tatou alalaga atu foʻi iā te ia i pese o le manumalo.+   Auā o Ieova o le Atua sili ia+O le Tupu sili lava i lo o isi atua uma,+   O loo i lona aao o mea pito sili ona loloto o le lalolagi+O ia foʻi e ona tumutumu o mauga;+   O ia e ona le sami na ia faia+O ona aao foʻi na faia ai le laueleele mātūtū.+   Ō mai ia, seʻi o tatou tapuaʻi ma ifo atu;+Ia tatou tootutuli+ atu i luma o Ieova o Lē na faia i tatou.+   Auā o lo tatou Atua o ia, o i tatou foʻi o le nuu na ia fafagaina ma le lafu mamoe o loo i lona aao.+O le aso nei, afai tou te faalogo i lona siʻufofoga,+   Aua neʻi faamaaa o outou loto e pei ona faia i Meripa,+E pei foʻi o le aso na i Mase i le toafa,+   Ina ua tofotofo aʻu e o outou augātamā;+Na latou suʻesuʻe iā te aʻu, ma latou vāai ai i aʻu galuega.+ 10  Auā na ou ʻinoʻino pea i lenā tupulaga mo le fā sefulu tausaga,+Ma na ou faapea ane ai:“O i latou o le nuu ua liliuese o latou loto,+Ma e leʻi iloa foʻi e i latou oʻu ala”;+ 11  O i latou na ou tautō ai i loʻu ita:+“Latou te lē ulu atu lava i loʻu mālōlōga.”+

Faamatalaga Pito i Lalo