Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 91:1-16

91  O lē e nofo i le mea lilo+ o iai Lē e Silisili Ese+ E mau o ia i le paolo o Lē e ona le malosi uma lava.+   Ou te fai atu iā Ieova: “O oe o loʻu sulufaʻiga ma o loʻu ʻolo malosi,+ O loʻu Atua o lē ou te faatuatua i ai.”+   Auā e laveaʻi e ia oe mai i le mailei a lē e puʻe manulele,+ Mai i le faamaʻi foʻi e tigā ai.+   E puipuia oe e ona apaʻau mai lē e faalatalata atu iā te oe,+ E te sulufaʻi atu i lalo o ona apaʻau.+ O lona faamaoni+ foʻi e avea ma talipupuni tele+ ma pā puipui.   E te lē fefe i se mea mataʻutia i le pō,+ Po o se aū+ e fana mai i le ao,   Po o se faamaʻi e savali i le pōuliuli,+ Po o se faaumatiaga foʻi e tupu i le tutonu o le lā.+   E paʻuʻū le toʻaafe i lou itu Ma le toʻasefulu afe i lou itu taumatau; Ae e lē latalata ane iā te oe.+   E na ona vaai i ai o ou mata+ Ma e te iloa atu le taui o ē e amioleaga.+   Auā ua e faapea ane: “O Ieova o loʻu sulufaʻiga,”+ Ua e faia Lē e Silisili Ese ma mea e te nofo ai;+ 10  E lē oo iā te oe se puapuaga,+ E lē latalata atu foʻi se mala i lou faleʻie.+ 11  E na te faatonuina ana agelu e faatatau iā te oe,+ E leoleo iā te oe i ou ala uma.+ 12  E latou te aveina oe i o latou lima,+ Ina neʻi tuʻia lou vae i se maa.+ 13  E te solia le tamaʻi leona ma le asipi;+ E te solia foʻi le leona taanoa ma le gata tele.+ 14  Ona ua ia alofa mai iā te aʻu,+ Ou te saunia ai se mea e sao ai o ia.+ Ou te puipuia foʻi o ia ona ua ia iloa loʻu igoa.+ 15  E valaau mai o ia iā te aʻu, ona ou tali atu lea iā te ia.+ Ou te faatasi ma ia i le taimi o puapuaga.+ Ou te laveaʻi foʻi iā te ia ma faamamaluina o ia.+ 16  Ou te faamalieina o ia i le faafualoaina o ona aso,+ Ma ou te faavaai foʻi o ia i laʻu faaolataga.+

Faamatalaga Pito i Lalo