Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 90:1-17

O le tatalo a Mose, le tagata o le Atua moni.+ 90  Ieova e, ua fai oe ma mea e matou te nonofo ai+ I lea tupulaga ma lea tupulaga.+   A o leʻi fanaua mai mauga,+ E te leʻi aumaia foʻi ma le tigā* le lalolagi+ ma le laueleele,+ O oe lava o le Atua e mai i le vavau e oo i le faavavau.+   Ua e faia le tagata ina ia toe foʻi i le efuefu+ Ma ua e fetalai mai: “O outou le fanau a tagata, inā toe foʻi atu ia i le efuefu.”+   Auā e tusa i lau silafaga o tausaga e afe ma le aso ananafi ina ua mavae atu,+ Ma se leoleoga foʻi i le pō.+   Ua e tafiesea i latou;+ ua se moe foʻi i latou;+ I le taeao e pei i latou o le mutia lauolaola ae e oo ina suia.+   I le taeao, e fuga mai ma e suia foʻi;+ I le afiafi, e mamae ma magumagu.+   Auā ua oo mai lo matou iʻuga ona o lou toʻasā,+ Ma o lou toʻatamaʻi foʻi ua atuatuvale ai i matou.+   Ua e tuuina a matou mea sesē i ou luma,+ Ma a matou mea na natia i luma o le malamalama o ou fofoga.+   Auā ua mavae atu o matou aso uma ona o lou maʻemaʻeā;+ Ua faaiʻuina foʻi o matou tausaga e pei o le mānava.+ 10  O aso o o matou olaga e fitu sefulu tausaga ia;+ Ae afai e iai se malosi faaopoopo, e oo atu i le valu sefulu tausaga,+ Peitaʻi, ua latou maumauaʻi pea e faaoo mai faafitauli ma mea e tigā ai;+ Auā e vave mavae atu ma matou ō ese atu ai.+ 11  O ai na te iloa le malosi o lou toʻasā+ Ma lou maʻemaʻeā e tusa ma le mataʻu iā te oe?+ 12  Ia e faailoa mai iā i matou ina ia faapena ona faitauina o matou aso+ Ina ia o matou maua ai se loto e atamai.+ 13  Ieova e, ia e toe foʻi mai!+ O le ā ea le umi ona e toe foʻi mai ai lea?+ Ia e alofa mutimutivale foʻi i au auauna.+ 14  Ia e faamalieina i matou i le taeao i lou alofa faamaoni,+ Ina ia matou alalaga fiafia atu ai ma olioli i o matou aso uma.+ 15  Ia e faafiafia mai iā i matou e tusa ma aso na e faatigāina ai i matou,+ Ma tausaga na matou vāai ai i puapuaga.+ 16  Ia faaali mai lau galuega i au auauna+ Ma lou matagofie i a latou fanau.+ 17  Ia oo mai iā i matou le matagofie o Ieova lo matou Atua,+ Ia e matuā faatumauina foʻi iā i matou le galuega a o matou lima.+ Ioe, ia e matuā faatumauina le galuega a o matou lima.+

Faamatalaga Pito i Lalo

I le gagana Eperu, “E te leʻi aumaia foʻi ma le tigā o le a fanau le lalolagi ma le laueleele.”