Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 89:1-52

O le Masekila* a Etano le tagata Esera.+ 89  Ou te pese i aso uma lava e uiga i faailoaga o le alofa faamaoni o Ieova.+ E faalauiloa atu foʻi e loʻu gutu lou faamaoni i lea tupulaga ma lea tupulaga.+   Auā ua ou faapea ifo: “E tumau pea ona atiina aʻe le alofa faamaoni i aso uma lava;+ A o le lagi, e te matuā faatumauina ai lou faamaoni.”+   “Na ou osia se feagaiga ma lē na ou filifilia;+ Na ou tautō foʻi i laʻu auauna o Tavita,+   ‘Ou te matuā faatumauina lau fanau i aso uma lava,+ Ma ou te atiina aʻe foʻi lou nofoālii+ i lea tupulaga ma lea tupulaga.’” Selā.   Ieova e, e faaneenee atu le lagi i au galuega mamana,+ Ioe, e faapea foʻi lou faamaoni i le faapotopotoga a le ʻaupaia.   Auā o ai ea i le lagi e faatusatusa atu iā Ieova?+ O ai foʻi o atalii o le Atua e tutusa ma Ieova?+   E tatau ona mataʻutia le Atua i totonu o le faapotopotoga māfana a le ʻaupaia;+ E sili ma mataʻutia o ia i ē uma o loo siʻosiʻomia o ia.+   Ieova e, le Atua o ʻau,+ Ioa e, o ai ea e malosi e pei o oe?+ E te faamaoni foʻi i mea uma lava.+   Ua e pulea le sousou o le sami;+ Pe a siisii i luga ona galu, o oe lava e te faatoʻafilemuina.+ 10  O oe lava na e tuʻimomomoina Raava,+ e pei o sē ua fasiotia.+ Ua e faataapeape foʻi ou fili i lou aao malosi.+ 11  O oe e ona le lagi,+ o oe foʻi e ona le lalolagi;+ O le laueleele foʻi ma mea o tumu ai,+ o oe lava na e faavaeina.+ 12  O oe lava na faia le itu i mātū ma le itu i saute;+ Ua alalaga fiafia+ atu foʻi Tapora+ ma Heremoni+ i lou suafa. 13  O oe e ona le aao malosi,+ E malosi foʻi lou aao,+ Ua faaeaina foʻi lou aao taumatau.+ 14  O le amiotonu ma le faamasinoga, ua faavae ai lou nofoālii;+ Ua i ou luma foʻi le alofa faamaoni ma le faamaoni.+ 15  E fiafia le nuu ua iloa le alaga fiafia.+ Ieova e, ua latou savavali pea i le malamalama o ou fofoga.+ 16  Ua latou fiafia i lou suafa i le aso atoa+ Ma ua faaeaina foʻi i latou i lau amiotonu.+ 17  Auā o oe o le matagofie o lo latou malosi;+ Ona o lou finagalo alofa foʻi ua faaeaina ai lo matou nifo.+ 18  Auā ua foaʻi mai e Ieova lo matou talita,+ Ua foaʻi mai foʻi e Lē e Paia o Isaraelu lo matou tupu.+ 19  I lea taimi, na e fetalai ai i ou tagata faamaoni i se faaaliga,+ Ma na e fetalai ane: “Ua ou tuu atu le fesoasoani i lē e malosi;+ Ua ou faaeaina foʻi lē ua filifilia mai i le nuu.+ 20  Ua ou maua Tavita laʻu auauna;+ Ua ou faauuina foʻi o ia i laʻu suāuu paia,+ 21  O lē e tumau iā te ia loʻu lima,+ Ma faamalosia o ia e loʻu lima.+ 22  E lē faasauā se fili iā te ia,+ Pe faatigāina foʻi o ia e se atalii o le amiolētonu.+ 23  Ou te tuʻipalaina ona fili i ona luma,+ Ou te taia foʻi i latou o ē e matuā feita iā te ia.+ 24  Ua faatasi ma ia loʻu faamaoni ma loʻu alofa faamaoni,+ Ma ua faaeaina lona nifo i loʻu igoa.+ 25  Ua ou tuu atu lona lima i luga o le sami+ Ma lona lima taumatau i luga o vaitafe.+ 26  E valaau mai o ia iā te aʻu, ‘O oe o loʻu Tamā,+ O loʻu Atua+ ma o le Papa o loʻu faaolataga.’+ 27  O aʻu foʻi ou te faia o ia ma ulumatua,+ O lē e sili ona maualuga i tupu o le lalolagi.+ 28  Ou te faatumauina pea loʻu alofa faamaoni iā te ia i aso uma lava,+ E faamaoni foʻi laʻu feagaiga iā te ia.+ 29  Ou te faatumauina lava lana fanau e faavavau+ E tumau foʻi lona nofoālii e pei ona tumau o le lagi.+ 30  Afai e tuua e lana fanau laʻu tulafono+ Ma latou lē savavali i iʻuga o aʻu faamasinoga,+ 31  Afai latou te solia aʻu tulafono Ma latou lē tausia aʻu poloaʻiga, 32  Ona ou liliu atu lea i a latou solitulafono ma le tootoo+ Ma sasa i latou ona o a latou mea sesē.+ 33  Ae ou te lē aveesea loʻu alofa faamaoni mai iā te ia,+ Ou te lē pepelo foʻi i loʻu faamaoni.+ 34  Ou te lē solia laʻu feagaiga,+ Ou te lē suia foʻi le upu e alu atu i oʻu laugutu.+ 35  E faatasi ona ou tautō i loʻu paia,+ Ou te lē pepelo+ lava iā Tavita. 36  E tumau pea lana fanau i aso uma lava,+ Ma lona nofoālii foʻi e pei o le lā i oʻu luma.+ 37  E matuā faatumauina lona nofoālii i aso uma lava e pei o le masina, E pei foʻi o se molimau faamaoni i le lagi.” Selā. 38  A o oe, ua e lafoaʻia ma ua e ʻinoʻino pea;+ Ua e toʻasā foʻi i lē ua e faauuina.+ 39  Ua e teena le feagaiga a lau auauna; Ua e faaleagaina lona palealii i le lafoina ifo i le eleele.+ 40  Ua e soloia i lalo ona pā maa uma mo lafumanu;+ Ua e faatafunaina foʻi ona aai malupuipuia.+ 41  Ua faoa e i latou uma e ui ane i le auala ana mea;+ Ua faalumaina foʻi o ia e ona tuaoi.+ 42  Ua e faaeaina le lima taumatau o ē e ita iā te ia;+ Ua e faafiafia foʻi ona fili uma.+ 43  E lē gata i lea, ua e toe tetee atu iā te ia ma lana pelu,+ Ma e te leʻi tuuina atu o ia e manumalo i le taua.+ 44  Ua e faaiʻuina lona mamalu,+ Ua e lafoina ifo foʻi lona nofoālii i le eleele.+ 45  Ua e faapuupuuina aso o lona talavou;+ Ma ua e fusia o ia i le māsiasi. Selā. 46  Ieova e, o le ā ea le umi e te lafi ai pea? Pe e faavavau ea?+ Pe e faaauau ea ona mumū lou toʻasā e pei o le afi?+ 47  Ia e manatua le umi o loʻu olaga.+ O le ā le aogā na e faia ai le fanau a tagata?+ 48  O ai se tagata ola e lē vaai i le oti?+ Pe e mafai ona ia saunia se mea e sao ai o ia mai i le lima o le Tuugamau?*+ Selā. 49  Ieova e, o fea ea o iai au galuega o le alofa faamaoni i aso ua mavae, Ia na e tautō ai iā Tavita i lou faamaoni?+ 50  Ieova e, ia e manatua taufaifaiga i au auauna,+ Ua ou tauaveina i loʻu fatafata taufaifaiga a nuu e tele,+ 51  Ieova e, ua faifai mai ou fili,+ Ua latou faifai i tulaga aao o lē na e faauuina.+ 52  Ia vivii atu iā Ieova i aso uma lava. Amene ma Amene.+

Faamatalaga Pito i Lalo

O le uiga o lenei upu Eperu o le “solo o manatunatuga loloto o se tasi.”
Tagaʻi i le Faaopoopoga e 6.