Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 88:1-18

O le salamo, o le pese a le fanauga a Koru. I le faatonu o le ʻaufaimusika o le Maalata* e tali atu ai. O le Masekila* a Hemana+ le tagata Esera. 88  Ieova e, le Atua o loʻu faaolataga,+ Ou te alaga atu i ou luma i le ao,+ Atoa foʻi ma le pō.+   E oo atu i ou luma laʻu tatalo.+ Ia e faafofoga mai foʻi i laʻu ʻaiʻoi atu.+   Auā ua tumu loʻu ola i mala,+ Ma ua latalata lava ona ou oo i le Tuugamau.*+   Ua faitauina faatasi aʻu ma i latou e ō ifo i le lua;+ Ua avea aʻu e pei o se tagata ua leai se malosi.+   Ua faasaʻolotoina faatasi ma ē ua oti,+ E pei o ē ua fasiotia o loo taatitia i le fanuatanu,+ O ē ua e lē toe manatuaina Ma o ē foʻi ua vavaeeseina mai i le fesoasoani a lou aao.+   Ua e tuuina aʻu i le lua e pito sili ona maulalo, I mea pogisa, i totonu o se tō telē lava.+   Ua oo mai iā te aʻu lou toʻasā,+ Ma ua e faatigāina foʻi aʻu i ou galu fafati uma.+ Selā.   Ua e ave mamao ese mai iā te aʻu o ē ou te masani ai;+ Ua e faia aʻu o se mea e matuā inosia iā i latou.+ Ua taofia foʻi aʻu ma ua lē mafai ona ou alu.+   Ua totō oʻu mata ona o loʻu puapuaga.+ Ieova e, ua ou valaau atu iā te oe i le aso atoa;+ Ua faaloaloa atu foʻi oʻu lima iā te oe.+ 10  Pe e te faia ea ni mea ofoofogia iā i latou ua feoti?+ Pe e toe tutū aʻe ea i latou ua feoti,+ Pe e latou te faaneenee atu iā te oe?+ Selā. 11  Pe e folafola atu ea lou alofa faamaoni i le fanuatanu, Ma lou faamaoni i le nofoaga o le faaumatiaga?+ 12  Pe e iloa ea mea ofoofogia na e faia i le pōuliuli,+ Po o lau amiotonu i le nuu o ē ua faagaloina?+ 13  A ou te alaga atu iā te oe Ieova e, mo se fesoasoani,+ I le taeao, e oo atu ai pea iā te oe laʻu tatalo.+ 14  Ieova e, aiseā ea ua e lafoaʻiina ai aʻu?+ Aiseā foʻi ua e natia ai pea ou fofoga mai iā te aʻu?+ 15  Talu ona ou talavou na ou puapuagatia ai ma toeitiiti lava a ou oti;+ Ua ou matuā mafatia i mea e mataʻu ai mai iā te oe.+ 16  Ua oo mai iā te aʻu le aasa o lou toʻasā;+ Ua faaumatia foʻi aʻu e mea mataʻutia mai iā te oe.+ 17  Ua latou siʻosiʻomia aʻu i le aso atoa e pei o vai;+ Ma ua latou faasagatau iā te aʻu mai i itu uma. 18  Ua e ave mamao ese mai iā te aʻu le uō ma le aumea;+ O ē foʻi ou te masani ai, o le mea pogisa lea.+

Faamatalaga Pito i Lalo

O le uiga o lenei upu Eperu o le “solo o manatunatuga loloto o se tasi.”
O lenei upu atonu e fesootaʻi atu i le veape Eperu o lona uiga o le “vaivai” po o le “maʻi” lea e maua ai se pese faanoanoa.
Tagaʻi i le Faaopoopoga e 6.