Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 86:1-17

O le tatalo a Tavita. 86  Ieova e, ia e faafofoga mai. Ia e tali mai iā te aʻu,+Auā ua ou mafatia ma mativa.+   Ia e leoleo mai iā te aʻu, auā ua ou faamaoni.+O oe o loʻu Atua, ia e faaolaina lau auauna, o lē ua faatuatua atu iā te oe.+   Ieova e, ia e alofa mai iā te aʻu,+Auā ou te valaau atu pea iā te oe i le aso atoa.+   Ia e faafiafia i le loto o lau auauna,+Auā ou te ofoina atu aʻu mo oe, Ieova e.+   Auā Ieova e, o oe e lelei+ ma ua e nofosauni e faamagalo;+E tele foʻi lou alofa faamaoni iā i latou uma o ē e valaau atu iā te oe.+   Ieova e, ia e faafofoga mai i laʻu tatalo;+Ma ia e liuliualo mai i le leo o aʻu ʻaiʻoiga.+   Ou te valaau atu iā te oe i le aso o loʻu puapuaga,+Auā e te tali mai lava iā te aʻu.+   Ieova e, e leai se atua e pei o oe,+E leai foʻi ni galuega e pei o au galuega.+   E ō mai lava atunuu uma na e faia,+Ma latou ifo atu i ou luma, Ieova e,+Ma latou faamamaluina lou suafa.+ 10  Auā e sili oe ma ua e faia mea ofoofogia;+O oe o le Atua, e na o oe lava.+ 11  Ieova e, ia e aʻoaʻo mai iā te aʻu i lou ala.+Ou te savali i lau upu moni.+Ma ia e faia ina ia tasi loʻu loto e mataʻu i lou suafa.+ 12  Ieova e, loʻu Atua, ou te faaneenee atu iā te oe ma loʻu lotoatoa,+Ou te faamamaluina foʻi lou suafa i aso uma lava. 13  Auā ua tele lava lou alofa faamaoni iā te aʻu,+Ma ua e laveaʻiina aʻu mai i le Tuugamau,* i le mea e sili ona maulalo.+ 14  Le Atua e, ua faasagatau mai iā te aʻu o ē e faamaualuluga;+Ua saʻili foʻi le faapotopotoga o tagata sauā ina ia fasioti iā te aʻu,+Ma ua latou lē tuua foʻi oe i o latou luma.+ 15  A o oe, Ieova e, o le Atua e alofa mutimutivale ma alofa fua,+E telegese lou toʻasā,+ ae e tele lou alofa ma le faamaoni.+ 16  Ia e liliu mai iā te aʻu ma alofa mai.+Ia e foaʻi mai lou malosi i lau auauna,+Ma ia e faaolaina le tama tama a lau teine pologa.+ 17  Ia e faia se faailoga mo aʻu ou te lelei ai,Ina ia vāai i ai i latou o ē e ita mai iā te aʻu ma māsiasi ai.+Auā o oe lava Ieova e, ua e fesoasoani mai ma faamāfanafana mai iā te aʻu.+

Faamatalaga Pito i Lalo

Tagaʻi i le Faaopoopoga e 6.